由O Camp組爸組媽變左做真正既夫妻: Chapter 56

食完飯之後，我地就帶咗Claudia、世伯伯母上咗我屋企參觀。始終咁多年冇見一定會參加對方嘅屋企。

結果一入到，爹哋媽咪就攞咗張麻雀枱出嚟，話要同世伯伯母玩足16圈。見到佢哋玩得好開心，而且完全只係純玩，冇攞錢出嚟。當然啦一講錢就傷感情㗎啦！

見到啲大人咁開心，我哋三個就入咗我間房到。而妹妹呢排功課都開始忙，所以我同Claudia就喺度做妹妹嘅補習先生，一齊幫佢溫習。

不過見到妹妹咁有資質，而且佢平時讀書成績都幾好，基本上我同Claudia講少少提示佢都已經諗到答案。而且我見到妹妹喺度努力咁樣溫習就好似將我帶返返去以前考DSE嗰陣，一放學練完波就要返屋企溫習，搞到自己都冇教好瞓。有時甚至同Winnie拍拖都要攞埋啲筆記大家一齊出嚟交流吓。有時係到諗⋯⋯如果我同Claudia可以幫我地既小朋友溫習功課，都係一件唔錯既事。

另一方面，見到Claudia真係好似一個老師咁樣教得好認真，睇嚟佢除咗教幼稚園之外、中學小學佢都應該搞得掂。



就係咁我同Claudia你一言、我一語咁樣幫妹妹補完習。妹妹帶咗我哋兩個去佢間房到，講返佢間房，個面積就同我間房差唔多大，但係佢間房就好似Claudia間房咁樣，布滿晒好多公仔同埋玩具，而且仲有一部小型電子鋼琴。平時我哋兩兄妹好鍾意喺度邊彈琴邊唱歌。

「哇，Angela你間房有鋼琴咁好嘅？」Claudia充滿好奇心地問。

「係呀，哥哥好叻㗎！有時佢會彈結他，我就彈琴喺度一齊唱歌。不過佢彈琴都幾叻㗎！」

「B！我要聽你表演！」Claudia特登用好嗲嘅語氣同我講嘢。

「咩啊我彈琴都唔係好叻，唱歌又唔係好聽！」我好謙虛咁同Claudia講。



「你上次係Neway唱得好好聽個喎！」Claudia特登用手打我膊頭咁講。

「我都要聽呀阿哥！」妹妹都仲好嗲嘅語氣同我講嘢。

既然兩位靚女要我唱歌，咁我就唯有獻醜啦。於是我就坐低開咗個琴，當我喺度諗緊唱咩歌嘅時候。Claudia都坐低埋一份。

「B不如我哋一齊彈琴啦！」Claudia提議。

「好啊！錫晒你！」



「好嘢，我幫哥哥同姐姐拍片！」妹妹就攞咗部電話幫我哋影。

我哋兩個就好合拍咁樣，邊彈邊唱郭富城同黎姿合唱嗰首《燃亮今生》。呢一首對於我來講係好有意義嘅歌，但係估唔到嘅就係呢首舊歌Claudia竟然會識。

C：同來發放友愛火光　遭風雨一樣願同航 明白愛裡永有希冀眼內藏

A：患難裡與你奔往　來編織關心網 去慰問無盡痛苦的眼光

合：惟求一點燭光　一點溫暖化作了希望 惟求點起孤單漆黑的曙光 惟求一起高歌　一起相信愛裡有未來

A：仍是熱愛

C：我願被愛

合：找到方向



唱完之後，妹妹就話：「阿哥，不如唱你最鍾意嗰首比姐姐聽啦！」

「到底係乜嘢歌啊？」Claudia問。

「阿哥快啲唱歌啦！」妹妹同我講。

我諗咗一諗，就彈左張學友既《多麼的需要你》比Claudia同妹妹聽，佢地兩個就好似音樂老師同班主任咁樣，睇我呢個學生既音樂科考試。


輕輕擠熄手裡香煙　看著情人誰會倦？
　觸摸妳秀髮　像絲般輕軟
　願妳悠悠夢更甜　我可供給溫暖

＃夢裡可否飛越晚空？


　但怕漆黑天空中有冷風
　不想妳受凍
　能否偷偷的闖進投入　妳的夢兒
　夢裡一起親密抱擁
　讓我身軀抵擋急勁冷風
　不想妳受凍
　能否找一種方法陪妳入甜夢

多麼的需要妳　多麼的需要妳
很需要妳共我心接通
輕輕再互碰
已有電流動
Mmh Mmh 入甜夢

「兩位老師我考到咩分數啊？」我問Claudia同妹妹。



「100分！」Claudia同妹妹異口同聲咁講。

「多謝！妹妹你未表演啊！」我對妹妹講。

「我呢個音樂老師睇你地兩個表演咪得囉！」妹妹講。

「Angela最乖。B啊！你今晚打算點著啊？」Claudia問我。

「唔使老西咁誇張啊？我平時返工唔使老西啦 ！」

「講笑咋，你好似而家咁著咪得囉！白恤衫捲袖，牛仔褲，加返對Casual Oxford Shoes就得架啦。不過呢你點著都係咁型仔。」Claudia笑盈盈咁同我講。

「多謝你啊B，錫晒你！」我Kiss左Claudia個嘴唇，搞到妹妹好葡萄。



我地三個小朋友邊玩咁上下，話咁快就到左五點幾。於是我地出去睇下四位老人家打牌打成點，睇戰局佢地四個都勢均力敵，好難分出勝負。