由O Camp組爸組媽變左做真正既夫妻: Chapter 46

突然間有人打電話比我，我望下原來係Claudia。

「B，做咩啊？」我問Claudia。

「你收工未啊？」

「收啦！而家黎接你啊？」

「唔好！」



「做咩唔好啊？」

「你而家行出黎你公司門口先！This is an order！」Claudia嚴肅腔咁講。

到底Claudia想點呢？不過女朋友叫到，點都要聽既！我就跟住Claudia既指示行左出黎。一望出去，原來係Claudia同妹妹，而KC就同Roxy係佢地隔離傾計。見到Roxy同Claudia老友鬼鬼，我諗佢地兩個應該好熟。



「做咩B你同妹妹係到既？？」我黑人問號咁問。



「Suprise？？」Claudia同妹妹一齊叫。

「爹地比個地址我架！見今日唔使練水咪約埋姐姐接你放工囉！」妹妹話。

「睇下B你有冇偷懶！」Claudia話。

呢個Suprise真係一個好Suprise，不過見妹妹同Claudia好似親生姊妹咁Close，我都放心啦！但係我諗唔明Roxy同Claudia到底係咩關係呢？

「Angela岩啦你哥哥偷懶啊！幫我返去打佢啦！」KC打趣咁講。



「好！」妹妹話。

「Aaron好快啲收工啦！你妹妹會投訴架！」

「拜拜啦KC叔叔！」我地四個向KC道別，然後一齊行去地鐵站坐地鐵。而Roxy就要過海，而我地三個就返太古。係架車到Claudia掛住同妹妹傾啲八婆野，係咁講人是非。我就用AirPods聽返我最鐘意既Eason啦！

「下一站，太古！」地鐵姐姐就係到做廣播。

到左太古後，我地就落左車就出閘行返屋企，而妹妹都好識做就返屋企做功課。唔做我同Claudia既電燈膽。我同Claudia就去左停車場，攞返佢架GC8。

「B你揸定我揸啊？」Claudia問。

「冇所謂啦！」我話。

「咁去程你揸，返黎我揸啦！」



「好啦！」我講完就坐左司機位。

我較返好個Seat位，然後用Claudia比我既車匙著車。

「你想去邊啊B？」我問Claudia。

「去赤柱行下啦！過海就下次先！」

「OK！」

如果去赤柱既話，基本上都一定行大潭道架啦。好，就行大潭道啦！