由O Camp組爸組媽變左做真正既夫妻: Chapter 45

話咁快又到左第二日，如是者一起身就做下家居運動，換好左淺灰色恤衫加黑色西褲同黑色牛津鞋就行得。而爹地、妹妹就一早出左門口。然後Wtsapp向Claudia請安。

「早晨啊B，起左身未啊！？」

「起左啦！而家落緊停車場。陣間見啦 ！」 

「好啊！」

我就即刻落去搵Claudia。一落到去就見到佢著左件黑色吊帶裙加白色T打底，再加對白色Converse波鞋同揹住個黑色Anello書包，仲要將頭髮紮左兩個馬尾辮，嗚啊！



「早晨啊BB！」 我就埋去Kiss左Claudia右邊面仔。

「大律師呢到係公眾地方黎架！」

「有咩所謂姐？食左早餐未啊？」我問Claudia。

「未啊諗住返學校先食！因為今日我要講書啊所以要早少少返去。不如試下坐我架Fit啦！好彩有戴車匙姐。」Claudia講完就拖左我過去佢架GC8到。喂Miss Lam你今日要講書架！

雖然Claudia屋企架GC8成日見到，但今次近距離見係第一次。見到佢架車好新淨，車頭玻璃仲有啲日本車貼係到，好肯定呢架GC8係JDM版。我再望裡面，嘩！原來係真係全原裝黎，咁高質既GC8真係第一次見。




「不如你試下坐司機位啦 ！」Claudia話。

我就坐左去司機位到，試下個波棍同離合器，個波距同離合器個接觸點都好好，再撻埋車匙，啲聲好撚清脆。望埋錶版，一架10幾年既車只係行左10000KM，比我架RA-R仲要低咪好多。不過好彩呢架車有埋尾CAM同藍芽車機，如果唔係好撚大獲。


「B啊，不如我地今晚先返黎試車啦！」

「我車你返學？」我問。



「今晚先啦 ！不如我地坐地鐵返工啦！可以慳返一餐飯架！」

聽完Claudia咁講，我覺得佢真係好慳家，雖然佢都算係有錢女，但佢真係會為我精打細算，咩都會為我慳皮。我真係愈黎愈鐘意呢個女仔。如果比著係其他女仔，一定會當個男朋友係司機咁車出車入，任勞住怨。

好！我就聽你話！返工坐MTR。

我地兩個就行落去地鐵站，齊齊坐地鐵，不過由於住得東區既多數都係中產家庭，基本上都會揸車返工。所以我地一上車就即刻搵到位坐，但一過左北角站就會有好多由將軍澳綫過黎既乘客蜂擁而至，搞到車廂透唔到氣。而全程都拖住Claudia隻手，十指緊扣。

呢個時候，我就拎左AirPod，打開KKBOX黎聽歌，係Playlist到開左張國榮首《追》

「B，你聽咩歌啊？」

「張國榮首《追》啊！」

「可唔可一齊聽啊？」



我就將其中一隻AirPod耳機放落Claudia既耳仔到，齊齊聽Leslie既歌。

「一追再追　只想追趕生命裡一分一秒　 原來多麼可笑　你是真正目標 一追再追　追蹤一些生活最基本需要　 原來早不缺少　HA... 有了你　即使平凡卻最重要」

記得以前聽呢首歌嗰陣，我只係覺得張國榮唱既歌一定會好聽。但到左而家再聽返，我先知呢一首歌既真正意義，只要同心愛既人係埋一齊，就算過啲好簡單、平凡既生活，已經好滿足啦！同埋⋯⋯好好珍惜同心愛既人相處既一分一秒。

「下一站，灣仔，The Next Station，Wan Chai ！」地鐵廣播，將我同Claudia從童話中拉回現實。

「我到啦！」Claudia話。

「我送你啦！」

「好啊！」



我就陪Claudia係灣仔到出閘，然後送左佢返幼稚園。見到好多家長拖住小朋友返學。

「嗰啲都係你學生黎架？」我問Claudia。

「係啊！佢地好可愛架！有時佢地會比較百厭，但係見到佢地個樣真係好可愛架！好啦！我入去啦！你快啲返工啦 ！」

「今晚見啦B！」

Claudia就入左去，我就行去公司到返工。臨走前佢仲向我單眼，嗚啊！如果比啲小朋友同家長知道我係Claudia既男朋友之後，一定出唔到街口。

行行下，就見到報紙攤擋，買左本Option Fans黎睇下，你問我會唔會買埋《古惑仔》、《龍虎豹》啲18禁既書，買黎做咩啊？有左Claudia呢個完美女朋友，乜都夠啦！而家除左愛情、親情、友情同車之外，咩都對我唔重要。

返到公司，我都按返日常工作，得閒既時候就預習下呢個學期會教既野，做做下野，KC叫我同Roxy入去開埋會，入到去原來係某個英資集團既主席，由於嗰幾個大孖沙掛住同KC講野，我就負責做會議記錄。而Roxy大我少少，個樣都幾清秀，打扮得宜。不過我已經有左Claudia，其他女人我冇咩興趣。

過左成個鐘，個會終會開完，而KC同嗰個英國佬傾得好開心，然後簽左幾份合作文件就Dismiss。



呢個時候，Claudia就Wtapp我：「B，今晚係邊到練車啊？」

「去啲冇人既地方囉！順便可以談下情、說下愛！」

「你曳曳啦！諗埋啲衰野！記得唔好笑本小姐手車啊！」

「我唔會笑你既！你視導點啊？」

「有你呢個梁校長，咩都得啦！多謝你啊！！」

「今晚見啦！」

呢個時候KC見到我偷笑，打趣咁問：「Aaron做咩咁好笑啊？女朋友啊？」



我點左頭，然後佢同Roxy講：「你冇機會啦！Aaron哥係愛妻號黎！」

「咩啊？」Roxy黑人問號。

「講笑喳！不過Aaron你爹地知唔知先？」KC問。

「知！見左家長啦！」

講笑完之後，KC請左我地成班同事食飯。然後我地下晝都係正常做野，幫其他Barrister起份Draft。做完又到左放工時間啦！