由O Camp組爸組媽變左做真正既夫妻: Chapter 34
唔經唔覺終於到左星期六。亦都係我同Claudia一齊去玩既日子
一早我就起左身梳洗，之後就換左件白色BAPE Tee，Levis淺藍牛仔褲再加對Vans SK8波鞋就行得。
Claudia就打比我⋯⋯
「早晨啊！你起左身未啊？」
「我起左啦！你呢？」
「我都起左啦！依家換緊衫啊？使唔使著得好特別先？」
「咁又唔使。好似平時咁就得架啦！」
「好啦咁！一陣見！」
我出門嗰時，妹妹行左出黎
「阿哥你同Claudia姐姐去街啊！」
「係啊！我地幾個今日一齊去迪士尼啊！」
「加油啊哥哥！Enjoy your trip and Good Luck！等你好消息。」妹妹奸笑咁講。
「OK今晚見啦！多謝你啊妹妹！」
我就出左門口，落到去Claudia已經係我面前
佢今日化左少少淡妝，著件白色貼身背心，淺藍熱褲再加對同我一樣既Vans SK8波鞋。
「早晨啊！」
「早晨啊！你今日著得好靚啊！」
「哈哈係咩？」Claudia嫣紅一笑。
「食左早餐未啊？」
「未啊！不如一齊食M記啦！」
「你鐘意就得啦！就M記啦！」
「YEAH！行啦我地！」
真係估唔到今時今日竟然有女仔主動肯去挨M記。。。。男人一生，只為尋覓一個肯同自己食麥記都覺得好幸福嘅女人。呢啲女人如果有幸比你遇到既話，請好好珍惜。
「唔話比你知住！」
「懶神秘咁！」
「食完我地行返去攞車，之後我地就出發啦！」
「OK！」
我地食完野之後就行返屋企去攞車，
我地就去左太古城中心間M記到坐低食早餐
我就叫左個魚柳包餐跟熱啡，而Claudia就叫左珍寶套餐跟熱啡。
「嘩估唔到林小姐你都食M記架喎？」
「有咩問題啊食M記？」Claudia鼓起泡腮咁講。
「冇啊以為你肯定會成日食貴野添！」
「食得多貴野都唔好啦！同埋最緊要食得落肚就得架啦！係呢你係咪未黎過呢間M記架！」
「係啊搬左屋咁耐都係第一次黎呢到食！」
「係啊？我有時如果屋企冇煮飯都會黎呢附近買野返去食。」
「Oh！不過唔使怕以後你咪有多個飯腳陪你食飯囉！」
「你就想啦哈哈！邊似得你有家庭飯食咁幸福啦？」
「你都可以架！你鐘意既咪上黎痴飯食囉！」
「哈哈好啊！食完我地去邊啊！」
「唔話比你知住！」
「懶神秘咁！」
「食完我地行返去攞車，之後我地就出發啦！」
「OK！」
我地食完野之後就行返屋企去攞車，基本上都係行西隧上三號仔轉八號仔落大嶼山架啦。就係呢個時候我就偷偷地Wtsapp Steven，叫佢先去何文田接Kary，然後再過黎會合我地。點解要偷偷地？因為呢個Plan裡面Steven同Kary只係一個輔助角色，而男女主角係我同Claudia。
一上到車，Claudia就訓左隻豬咁，而我就繼續揸車。用左25分鐘就到左迪士尼。泊好車就叫Claudia起身。
「吓你點解會車我呢到既？」Claudia問。
「我地今日要做返小朋友應該要做嘅嘢！就係呢度啦！」
「頂你啦！哈哈！係咪你請我去先？」
「係啊傻妹！行啦我地！」
我地去到樂園門口，已經見到Steven同Kary企左係到
「喂呢邊啊呢邊啊！」Steven大叫。
「你兩個做咩咁遲嘅？有冇帶門票先？」Kary話。
「梗係有啦！咁行啊我哋！」
於是我哋幾個人一齊過咗安檢之後，就展開我哋嘅迪士尼一日游。入咗去之後，我哋喺美國大街見到米奇同米妮
「米奇同米妮老鼠啊我哋去影相啦！」Kary話。
「好呀快啲去影啦！」Claudia話。
我地於是排咗隊去等影相。首先我哋四個一齊就影咗相先。之後我同Claudia一齊影。
我同Claudia仲喺度扮可愛手勢係咁影，搞到Steven同Kary有少少唔耐煩！當然Steven就問我地兩個：「你兩個使唔使喺度放閃呀？」
「有咩問題先？」我就問Steven。
「你兩個仲煙韌過我地喎！」Kary回應我。
「下邊有啊我哋？」Claudia就答返Kary。
「好啦我哋下一站去邊度？」Steven就問。
「去咗明日世界先啦不如？最近係呢個！有Iron Man同巴斯光年喎！我哋好想睇！不過要拎Fast Pass先咁就唔使排隊啦！」
「Good Idea！Let's go!!!」Claudia聽完我講就承接左我既上一句。
我哋去拎左Fast Pass之後，由於太多人嘅關係我哋走去玩咗其他遊戲先。然後Steven話：「不如去玩飛越太空山先？見到冇乜人排隊！」
我哋三個都冇出聲，之後去咗玩。
「你驚唔驚玩過山車啊？」我問Claudia。
「小小啦！如果好似海洋公園嗰啲我就唔敢玩啊。呢啲都唔怕嘅！」Claudia答我。
「咁都好啲幾驚你唔玩過山車？」
「點會唔夠膽玩呢？」
「喂我哋入得去啦！」Steven就叫，我哋四個就入咗去玩飛越太空山。入到去之後，我同Claudia一排，而Steven同Kary就坐我地後邊一排。
我見到Claudia有少少緊張........就同佢講：「如果你驚嘅話就嗌出黎啦！會舒服好多架！」
「我邊係驚喎！」Claudia就話。
之後過山車就一直咁樣行，去到嗰個斜坡嗰度大家都嗌晒出嚟！而Claudia有啲驚，係咁捉住我隻手。我同佢講「你要嗌下先啦傻妹！咁咪唔驚囉！」
「好啦就聽你一次咁多啦！」
「又來喇又來啦！我哋一齊嗌啦！」
估唔到佢比我嗌得仲大聲
「係啦係啦就係咁啦！」
「 OK喎！」
之後我哋就返返落地面！
「驚唔驚呀傻妹？」我問Claudia。
「依家唔驚啊！好想再玩多一次！」
「你睇吓你呀標晒汗呀！我幫你抺返佢啦！」我就攞咗張紙巾幫Claudia抹乾佢面上啲汗。不過奇怪就係佢啲妝竟然完全冇甩到！
「多謝你呀衰人！」Claudia笑盈盈咁同我講。
「你兩個唔好咁sweet得唔得呀？」Steven話。
「咪就係我哋都未有咁sweet啊！」Kary話。
我同Claudia面都紅埋......然後Steven就話：「趁有時間不如去玩埋巴斯光年啦！」
「好喎！我要射死林雅晴！」我就話。
「你依家係咪當我死啊！」過左唔夠五秒鐘Claudia搣我耳仔。
「Good idea！Let's go!」Kary就話。
於是我哋四個去咗巴斯光年嗰度玩
「不如我哋兩pair人鬥高分啦！如果輸咗嘅話就邊個請食中午飯？如果你哋唔出聲就算係啦喎！」Steven話。
我哋三個都表態話OK，跟住就行咗入去
「你可唔可以教我玩呀！我唔係好識玩。」Claudia行埋我耳邊細細聲講。
我俾咗個OK手勢佢，之後等遊戲開始
「那應更如果有怪獸嘅話呢你就揸住支槍射佢得架啦！」
「係咪咁樣啊！」
「係啦係咁㩒果粒制就得架啦！」
之後我哋四個不停射啲怪獸，估唔到Claudia啲槍法都幾準。最後我哋以1000分之差蠃左Steven佢地。我地今日既Lunch有著落啦！
「傻妹估唔到你啲槍法都幾準喎！」
「嘻嘻嘻嘻！你都唔差啦！」Claudia嫣紅一笑。
「邊係呢邊係呢你勁啲！」
「你以前有冇學過射擊架？」
「以前我爹哋成日帶我去槍會到玩，不過我好耐都冇去過啦。」
「你咁勁下次叫你教吓我先！」
「你咁勁駛乜學啊！你教我就差唔多！」
「哈哈哈！我哋跟住去邊呀？」
「我哋去ironman到玩啊！」Kary話。
「Good！我哋依家去囉！」
好彩我哋一早已經攞咗Fast Pass，如果唔係實要等成個鐘
本來想攞埋張Fast pass留念下，不過個工作人員話唔得一定要收返。
玩完呢個之後就去咗食飯，好在Steven都兌現承諾請晒我地食飯，所以都唔怕我個荷包肉赤。不過如果買Souvenir嘅話咁就難講啦！
「不如我哋影間分頭活動！見到就見或者今晚見！」Steven話。
「話你想甩開我哋呀！」
「咁分開行好啲嘅！」Kary就話。
「咪當俾個機會你同Claudia獨處下囉！」Steven細細聲同我講。
「但係我哋都未食完！」Claudia話。
「咪就係！」
「我唔理你地兩個啦！總之我哋行先啦拜拜！」Steven話。我答都答唔切Steven同Kary就走左，已經消失係人群之中。搞到我同Claudia好無奈。不過唔緊要啦，佢地兩個可能製造緊機會比我同Claduia。
「佢哋兩個走得咁快嘅！我哋都未食完野！」Claudia扮晒小朋友對我講。
「唔知啦佢哋兩個，我哋慢慢食啦唔使急嘅！」
「好啦咁！不如食完飯玩迴旋木馬同埋睇小熊維尼啦！」
「你唔係淨係鍾意海賊王同比卡超做咩？」
「咁鍾意多啲公仔冇壞姐！你唔係只鍾意多啦A夢咩？」
「我咩公仔都鍾意嘅！除咗初音同夏娜嗰啲！」
「你哋啲男仔唔係好鍾意嗰啲嘢嘅咩？」Claudia問。
「嗰啲咁毒唔啱我嘅！你睇吓你呀食到成塊面都係啲漬啊！」我就用紙巾幫佢抹返
「哈哈！咁我哋而家出發啦不如！」
「你想去邊度先？」我問Claudia。
「去小熊維尼先跟住再去玩反斗奇兵！」
咁我同Claudia食完就出發，不過去到小熊維尼嗰邊竟然因為維修所以唔開。
「吓竟然維修唔開好唔開心囉！」Claudia塊面即刻變到苦瓜乾
「唔好唔開心啦！我哋喺門口影張相就算啦！」
「唯有咁啦！」然後我哋兩個就攞咗部電話Selife左張相。
「咁如果冇開嘅話不如去咗反斗奇兵到先？」我就提議。
「咁好啦我哋而家行啦大細路！不過去之前我想去咗夢幻樂園先！」
「好啊一齊去啊！」
去到夢幻樂園，見到全部都係一家大細來玩，得返我地呢一對男女。
「嘩全部都係一家大細喎！」
「當然啦呢度係小朋友專用區嚟架嘛！喂你睇吓嗰個小朋友幾得意！」
「係呀你睇吓佢哋玩得幾開心！」
「唔知我將來個小朋友會唔會好似佢哋咁得意呢？」Claudia就問我。
「實會架只要你搵個肯照顧你一生一世嘅人一定得架！」
「照顧我一生一世嘅人？咪就係.....」Claudia話。
「即係邊個呢？」我就問。
「冇嘢啦我哋繼續玩啊！陪我玩迴旋木馬！」佢冇講嗰個人係邊個，就叫左我陪佢玩。希望佢講嗰個人係我啦！
「好好好！」我答應左Claudia既要求。
我哋入咗去迴旋木馬到玩。呢一刻既我地竟然玩得好陶醉，好似由成年人變返小朋友咁。呢啲唔知係咪叫做「童心未泯」呢？或者每個人心裏面其實都有一份童真。但隨著遊戲既結束，將我地拉回成年人既世界。
「你睇吓你呀幾小朋友！」
「咁我係幼稚園老師嚟架嘛！咁先可以融入小朋友嘅世界架！」
「需要融入小朋友嘅世界咁深入嘅咩！」
「你做律師梗係唔明啦！遲啲再慢慢教你點樣融入小朋友嘅世界啊！我哋係下一站係咪去反斗奇兵啊？」
「係呀係呀！」
我同Claduia去到反斗奇兵，嗰到又係一個小小嘅世界。見到啲公仔係咁起勢咁影相，好似小朋友咁！
「睇黎你比我仲更加小朋友喎！」Claudia話我。
「可能我已經融入左小朋友嘅世界呢。」
「講嘢你就叻！喂不如我哋玩沖天跳跳傘！」
「你唔係驚玩過山車咩？」
「有你喺到陪我咪唔驚囉！」
我陪Claudia於是就玩左沖天跳跳傘同沖天遙控車。不過我哋都玩到好攰，於是就坐底抖下。離遠見到Steven同Kary打得火熱，學晒啲鬼仔鬼妹咁Open。
「你睇下Joel同Kary打得幾火熱！如果我係Kary嘅話一定開心死！」Claudia話。
「係呀佢係一個好男人黎架！不過我就做唔到啦！自從我女朋友過咗身之後，一直都唔敢再拍拖。就算而家我最鍾意嘅人係我面前，都唔敢有任何表示。我真係好驚我鍾意嘅人有一日會離我而去同埋驚人地唔肯接受啊嘛。」我同Claudia講。
「你唔試過又點知喎？鐘意一個人無罪架！如果你真係搵到你鐘意既女仔，絕對唔可以放手！」Claudia邊打我邊同我講。
呢個時候我真係好緊張，驚到連個心都跳埋出嚟。聽Claudia同其他人咁樣講一講，死就死啦！我知今次係可能係我最後一次既機會，但係如果我今次放棄左，我必定會後悔一生。所以就算只有0.01%既機會，我都要去做！
「你....可唔可以做我女朋友啊？」我對住Claudia細細聲咁講⋯⋯
「聽唔到你講咩再講多次！」
「你可唔可以做我女朋友呀？」既然Claudia聽唔到，我就大大聲聲講。
「等我考慮吓先啦！」Claudia笑盈盈咁講，講完之後佢就扮行開左。我見佢慢慢咁行，唯有係咁追上去佢到。因為我見到佢呢個樣，我就知自己已經成功左一半，但另外既一半，就要靠自己啦！
「我係認真架！其實我一開始見到你就已經被你深深咁吸引着！我鍾意你唔係因為貪你靚，而係因為我真係好想去保護你，照顧你，同埋好想每一日都見到你笑，見到你開心！我知我咁樣講你一定會笑我，我真係好鐘意你，唔可以冇左你！我想我以後唯一坐我電單車後座既女仔～就～係～你！」我邊講邊抱住佢。
「Aaron.....我.....」Claudia雙眼開始有淚光，唔知係唔係想喊。
我哋就咁凝視着對方十幾秒，我再同Claudia講：「我應承你呀！我會以後好好咁保護你！唔會再俾你受到任何傷害！做我女朋友啦好冇啊？」之後我就深深咁kiss左佢，而佢一直都冇抗拒我嘅kiss，反而越kiss越耐。
呢半分鐘對我來講係人生最開心嘅一刻，至少而家Claudia已經係屬於我。我咁做係因為唔係想報答Claudia，報答任何人，只係Claudia係我心裡面不可欠缺既一部份，如果呢個咁好既女仔唔值得我去愛既話，我諗呢個世界唔會再有女仔值得我去留戀架啦！所以我同Claudia既緣份，我會好好地珍惜！
然後我哋就慢慢分開.....
「你都kiss左我啦！我仲有得走咩男朋友仔？其實我都鍾意你左好耐架啦！由你帶我去睇醫生嗰陣時我已經知道你就係嗰個肯照顧我關心我既人黎啦！不過你要應承我一樣野先！」
「咩事？」
「無論發生啲咩事，我哋大家要互相坦白，互相分享。絕對絕對唔可以收收埋埋同發對方脾氣啊！如果唔係你就知味道！」
「我應承你無論發生咩事我哋都一齊共同去面對同分享！」
「不過仲有一個問題！」
「咩問題先？」
「你其實會唔會將我當左係你以前女朋友既代替品先追我架？」
「我呢世人只係鐘意兩個女仔，一個係我死左既女朋友，而另一個就係你！以後都唔會再有第三個！同埋我鐘意佢同鐘意你係兩樣野黎架！我前女友離開左我係一個事實，鐘意你亦都係一個事實。你係我第二個女朋友亦都係最後一個！總之我以後係屬於你架啦！」
「我講笑咋你做咩咁認真喎！Anyway你以後就係屬於我！我以後就屬於你架啦！我地行街街啦BB！」
Claudia就主動拖住我隻手，之後大家互相拖住大家隻手繼續行街，享受而家呢一刻戀愛嘅味道。
唔知點解，呢一刻我已經覺得自己係世界上最幸福嘅男人。因為我終於「找對的人」。
「一早編好的情人 早晚 始終會等到」
無論如何，我都願意用一生去守護我生命中最重要嘅女仔---林雅晴。
「今世不靠運氣 只靠在患難中亦撐我的你」