由O Camp組爸組媽變左做真正既夫妻: Chapter 35
「係咪要搵返Kary同Steven先啊？」
「由得佢啦我想再同你纏綿多一陣啊晴B！」
「好啦我哋就再纏綿多一陣啦勇B！」
我哋於是行返去美國大街係咁搵啲迪士尼公仔影相，結果我哋一齊影左成粒鐘。唔知點解公仔好似未卜先知咁會知道我地已經拍拖就係咁恭喜我哋兩個。搞到我同Claudia唔好意思。
影完相之後都差唔多天黑，我哋就入去精品店到行下。而精品店就係燒錢既地方，因為入到去我地可以瘋狂咁購物。而Claudia又好似小朋友咁跳跳紮。
我見到有個米奇老鼠頭cool ，就攞咗過嚟戴落Claudia到
「你做咩戴落我到嘅！」Claudia問
「送俾你架希望你鍾意呀！因為好襯你！」
「果然知我心意喎！我都送咗盒朱古力比你呀B！」
「多謝你呀B！」
「不過駛唔駛買嘢俾Angela啊？我驚佢會扭計喎！」Claudia呢個女仔愛屋及烏，連妹妹都一樣咁疼愛。
「我哋送隻史迪仔或者小熊維尼俾佢啦！佢好似好鍾意呢兩樣。」我就行去公仔嗰邊買咗隻史迪仔同小維維尼比妹妹，同埋米奇米妮老鼠公仔！
「你做咩買埋米奇米妮公仔嘅！」
「嗱米奇係我嘅，而米妮就係你既！」
「哈哈！不過我要擺係你架車到！」
「點解呢？」我問Claudia。
「因為我就係米妮！你見到米妮就等於見到我！」
「好啦就將佢地兩個放係架車到啦！」
「YEAH！」
我地買完野之後，天色已經轉黑。而我地最期待既煙花表演即將開始，我同Claudia於是提早搵定個靚位去睇煙花。
我一直都拖住佢隻手，十指緊扣。期間我都忍唔住偷笑。而Claudia就小鳥依人咁挨落我到。
「你做咩笑得咁開心既？」Claudia問我。
「能夠同我鐘意既人一齊睇煙花實開心架！你望下啲煙花幾靚！」
佢個頭望左城堡嗰邊，我又忍住偷偷地Kiss佢左邊面仔一啖。
「邊個話比你錫我架？只係我可以主動錫你！」Claudia嬌嗲咁講。
「I love you Claudia!」
「I love you too Aaron！」
我地兩個係到一直互吻左好耐，之後就一齊返去停車場攞車離開呢個兒童樂園。至於Steven同Kary⋯⋯我地就由得佢地啦！
「今日好開心啊多謝你啊B！」
「最緊要你開心姐B！」
「不過下次再黎呢到既話呢！我就報警拉你架！」
「吓？？？你報警搵邊個拉我呢請問？」
「嘻嘻！個警察咪係我囉！」
「你整我，我要整返你先得！擠死你先得！」我係咁起勢擠佢。。。
「喂啊好痕啊咪擠啦！好痕啊！打你！打你！」
「打你打你打你。。。。」
不過我地只係擠黎擠去同Kiss，並冇做啲咩咸濕野
因為我地覺得如果而家直接黎野未係時候，而且比起啪啪啪，我反而會更加鐘意而家呢種曖昧關係！
「係喎！Steven同Kary去左邊啊？」
「佢地兩個應該去左二人世界啊！唔好理佢地啦！我地返去先啦！佢wtsapp我啦！」我攞左部電話一齊睇Steven講咩。
「我地兩個走先啦！唔阻你地二人世界啦！」Steven話。
「返去啦我地！」
「OK！」
於是我地兩個就返左屋企，係路程中我見到而家既Claudia比今朝既佢更加可愛迷人，只係露出天使般的笑容同開朗活潑既個性。唔知係咪我同佢表白左之後會係咁呢？
返到屋企停車場・・・・・・・
「到啦我地！」
「係咩？」
「係咪唔捨得落車呢？」
「唔係啊哈哈！不過我好鐘意呢種味道。」
「哈哈！」
「問你一個問題啦BB？」
「好啊！」
「其實你鐘意我啲咩架？」
「我鐘意。。。。。你既所有野！」
「真架？例如呢？」
「其實我開頭只不過係被你個靚樣深深咁吸引住，但後來慢慢同你熟絡左之後覺得你係一個心地善良，世間上絕種既好女仔。比起你美麗既樣貌同身材，我更加鐘意既係你活潑可愛同善良既內心。同埋我知道你係一個有理想既人黎既！咁你呢？你又鐘意我咩野啊？」我對住Claudia講。
「我就係鐘意你份人又細心又man又肯主動關心人！雖然第一次見到你嗰陣以為你係一個鐘意曬命既有錢仔，但後來我覺得其實你係一個有抱負同肯去為身邊既人而改變既好男仔！最重要既就係我感覺到你對我係出自真心，而唔係因為貪我個樣夠靚而盲目咁追我！」Claudia對住我講。
「唔係有句野叫做【男人不壞，女人不愛】咩？」我問Claudia。
「我唔愛壞男人架喎！我只係鐘意對我無微不至同唔會計較付出既男人啊！就好似BB你咁！」
「我都係啊BB！時候都唔早啦我送你上去啦！」
「好啦BB！」
我同Claudia十指緊扣咁等緊lift，趁lift未到我又乘機攬住佢條纖腰同輕輕撫摸佢可愛既臉蛋同頭髮。見到Claudia用含情脈脈既神望住我，搞到自己都把持唔住。之後大家都合埋眼，好好享愛呢種深情一吻。
其後我地開始係個走廊到濕吻同好唔規矩咁摸Claudia條腰，搞到佢有少少尷尬。
「喂lift到啦！」Claudia怕怕醜醜咁講⋯⋯
「Kiss多一陣先啦！」
「我地要細水長流架嘛！所以唔可以一下子kiss咁多架知唔知！如果唔係呢我以後唔比你kiss啦！」
「好啦！」
我就拖返住Claudia隻手，然後佢挨住我。
一開lift門，竟然見到Miki企左係到。。。。仲係到拖住行李。應該同佢男朋友去完日本返黎。Miki你做咩要係呢個時候出現啊？
呢一刻我地兩個都好驚，因為比佢嚇親。
我唔知Claudia想唔想公開我地既關係住，所以都係由佢講會比較好少少
「Miki你去完旅行啦咩！？」我同Claudia異口同聲咁講。
不過Miki冇比機會我轉移topic，係咁瘋狂地問。而Claudia好怕醜咁望住我，但係我唔知佢想唔想講。不過為左唔想比Miki繼續追問落去，所以。。。。
「其實。。。。我同Claudia。。。。。拍緊拖！」
「係啊我地一齊左啦！」
「Really？幾時既事啊？」Miki黑人問號。
「今日先開始咋。。。。哈哈！」Claudia對住Miki講。
「OMG！！！Congrats！！！咁開心不如聽晚食野啦！順便比埋啲手信你地！」
「好啊！With u and yr bf?」我問Miki。
「Of Course！唔好放我飛機啊！」
「點會呢Miki姐！係呢BB有Miki送我得架啦！你返去先啦！」
「好啦我到啦！拜拜啦BB！拜拜Miki！」
我出lift前比左個goodbye kiss比Claudia，搞到Miki好葡萄。
「拜拜BB！」我向Claudia道別之後我就返屋企........