由O Camp組爸組媽變左做真正既夫妻: Chapter 33

瞓瞓吓覺嗰陣.......我發咗一個好奇怪嘅夢。當我喺條街上去攞返架RA-R，上到車之後。有一個少女身穿長裙，披着長長嘅啡色秀髮，面上掛着可愛嘅笑容，清秀嘅臉朧，而呢個少女嘅背後擁有一雙翅膀，頭頂上帶着一個光環，開左我車門，坐左係副駕駛座。

「B！」少女話。

我望過去，呢把溫柔嘅聲線好熟悉，但把聲同Claudia聲線有少少唔同，我再望過去，原來真係.....Winnie！唔通我真係死咗？還是我要就嚟死啦？


「Winnie！」我笑住咁講。

「係呀係我呀，你最愛嘅關嘉穎啊！」Winnie話。



見到Winnie嘅時候，我嘅情緒好激動。我二話不說成個人攬住佢迷人嘅身軀到不停哭泣。呢一種感覺好耐真係好溫暖，好耐都冇試過。同時Winnie亦都開心地喊，我諗佢都係因為大家可以見番面，所以佢都不禁地流淚。

過咗一陣，當我地哭到累了。我哋兩個就調校好個座位，平靜咁樣躺臥着。

「你架車都幾好坐架喎！」

「鐘意就好了！B我好掛住你啊！」

「我都係！我好開心可以見返你！」



「不過B啊我有樣嘢好唔明.....」我問Winnie。

「咩啊？」

「點解我又可以見到你嘅？唔通我死咗？」

「你好唔想見到我咩？」Winnie鼓起泡腮咁講。

「當然唔係啦.......」



「其實呢到係我同你之間嘅內心世界！」

「內心世界？」雖然我唔係明白Winnie講啲咩，不過而家唯一可以做嘅係盡量爭取多啲時間同佢講多啲嘢，總之見到佢就得啦。

「係呀，同時我已經知道你可以堅強咁樣爬番起身，好到我對你嘅要求，我姑且咪嚟搵你囉！我知......你鐘意左Claudia啊嘛！同埋因為佢，你冇放棄之間我同你之間嘅回憶。反而你將我對你嘅愛延續下去，冇放棄㗎電單車。」

「點解你會知嘅？對唔住呀！」

「傻仔雖然我肉身離開咗你姐，但係我依家係天使，仍然會係身邊監察住你嘅一舉一動。」

「咁你係咪仲嬲先？」我問Winnie

「傻豬我點會嬲啊，你識到呢個咁好嘅女仔！三生有幸啦！見到你重新振作，我不知幾高興！我同你講啊Claudia係好女仔嚟㗎，你鍾意人嘅就好去啦！」



估唔到Winnie睇得好開，仲鼓勵我去追Claudia。如果係換轉其他女仔嘅話一定會變隻冤鬼一直冤住你。其實我而家覺得真正愛一個人唔係等於要擁有對方，但如果我真係擁有對方嘅話就一定要好好咁去愛。經過Winnie給一番提醒，我已經知道要去點樣做。

「B啊，其實我一直都好想同你講對唔住！」我抱著Winnie，然後眼淚一直咁樣淚。

「做咩啊你又冇做錯野？」Winnie黑人問號。

「如果我可以早幾日過嚟嘅話，可能你就唔會死！我曾經應承過你買咗電單車之後就等你返香港，然後就車你去游車河。可惜，我已經做唔到。我真係好對你唔住！」

「你根本都冇做錯做乜要怪自己姐！更何況唔記得咗某啲嘢啦咩？」Winnie不斷咁樣安慰我。

「到底係啲乜嘢啊？」我問。

「我記得當我要同你講我話要去英國嗰陣，雖然你不斷咁樣安慰我，仲成日抽時間陪我去玩、行街、睇戲食飯，但係其實我睇得出你真係好唔開心，好驚以後都見唔到我！試問一個對我咁好嘅男仔，有啲乜嘢錯啊？你已經做得好好㗎啦，應承我好好珍惜Claudia啊！如果唔係嘅話我就唔會放過你。至於......我同佢之間有咩關係，就要賣個關子啦！就要等你去發現到我哋嘅關係啦！呢個亦都係我比你既任務。」

「應承你我會好好俾心機做人！」



「你咁諗就最好啦，好啦我都夠鐘要走啦！下次再嚟搵你啦。拜拜！」Winnie比我個Goodbye Kiss。

我未回應得切Winnie，佢就已經落左車，逐漸地離我而去。

真係估唔到Winnie咁睇得開要我去追Claudia，既然佢都咁講，咁我應該要知道點樣做啦！

Winnie，多謝你我嘅生命裏出現！唔會令你失望架。