由O Camp組爸組媽變左做真正既夫妻: Chapter 32

而教授黎到，我地都好專心聽佢講書。始終讀法律呢一個Major唔聽書就會仆街啦！

過左3個鐘頭後，我地都落左堂。就Wtsapp Claudia。

「傻妹你放學未啊？」

「放左啦！你呢？」

「我都係啊！Main Building個停車場到等啦！」



就係呢個時候，就係大學街見到Steven。

「勇哥！」

「做咩啊！今朝見到你，而家又見到你！唔識我地既人以為我同你搞緊Gay啊！」

「你知我知天知，Claudia知咪得攞，不過你個死仔開朗左就真！」佢講Claudia嗰陣仲要好曖昧。

「我咪係你由細玩到大既梁智勇囉！」



「你係咪攞車啊？一齊啦！」

我地兩個就去左Main Building攞返架車，見到Claudia同Kary係到吹水。睇黎佢地兩個好似閨蜜，咩都可以傾一餐。不過佢地女仔就會講比較斯文、優雅；反而我地男仔就會講野粗口爛舌，要幾粗就有幾粗，要幾臭就有幾臭。

而Kary見到Steven就係到相擁，反而我同Claudia就冇咁Close，因為個傻妹唔舒服。

然後Steven就車左Kary，而Claudia就跟左我車啦！

「傻妹，你食唔食粥啊？」



「好啊！我知學校附近有粥食啊！我帶你去啦！」

我地就揸返架車去左西營盤到食粥，好彩而家都十點幾，可以將架車停埋一邊。一入到去，大部份都係OT完既打工仔或者係趕Deadline既港大學生。而個老闆都好熱情，唔怪得知旺丁旺財啦！

我同Claudia就叫左兩個及第粥食，清淡啲好啲。

「我唔客氣啦！」我同Claudia就話。

「好好食啊 ！」

「冇介紹錯呢？」

「係啊！返左學咁耐都係第一次黎呢到食！」

「你係咪讀港大架？呢到都唔識？」又比Claudia串。



「唔緊要，而家知咪得攞！」

「好啦！見你上次帶我食雞粥，今次帶返你食雞粥啦！」

「係呢你成日黎呢到架？」

「有時啦！係大學做報告做得夜咪黎呢到食囉！如果我有男朋友既話，我一定會帶佢黎呢到食啊！」

「如果我有女朋友既話，我一定會帶佢黎呢到食啊！」

Claudia聽完，我地互相望對方偷笑一下。

食完之後，我地兩個就返左屋企，由於Claudia唔舒服，所以我都係慢慢揸，保持安全車速。



一返到去，見到爹地、媽咪、妹妹係到睇緊晚間新聞，歎緊紅酒。

「爹地、媽咪！」

「仔你終於返黎啦！」

「係啊！今日夜放工啊！」

「你約姐姐拍拖啦就真！」妹妹話。

「係啊阿仔啊今日我同事比左四張迪士尼既門票啊！比你攞去用啦！」

「哥哥快啲約Claudia去街啦！我都想去啊！不過呢啲機會要讓比哥哥啦！」

既然佢地講到咁，好啦！就試下約Claudia出街啦！



沖完涼我就打比Claudia，為左表示我既誠意，今次我決定唔Wtsapp佢，直接打電話比佢。

「做咩啊衰人？」

「掛住你囉！好返啲未啊！」

「食左藥好返啲啦！多謝你今日帶我去睇醫生！你講得岩啊，感冒真係會傳染架！」

「咪好囉！！你傳染比我唔緊要架！但係唔好傳染到其他小朋友就得啦！」

「係既係既！咁我做野先啦！」

「等陣啦！唔好收線住！」



「做咩啊？」

「你⋯⋯今個星期六得唔得閒啊？」我好緊張咁問Claudia。

「你想約我去街，好啊！不過去邊先？」Claudia好開心話。

「天機不可洩漏！」

「好！就睇下你到時有咩Suprise比我啦！到時見啦！」

由於媽咪比我嗰四張門票係要同一日一齊使用，所以我就叫埋Steven同Kary一齊去，佢地兩個一聽到有筍野就會狗衝。

我就好開心期待呢日既來臨。不過都係訓下覺先！