由O Camp組爸組媽變左做真正既夫妻: Chapter 31

我地邊行邊返到公司，果然都係我地兩個最早返⋯而其他同事同KC仲未返到，我當然要做野啦！如果唔係KC會同其他同事會咋型啦！

我邊飲住咖啡，一邊整緊Client啲樓契。發現買一層樓除左有錢之外，要有具法律效力既買賣合約，銀行既Approve List，田土廳資料等等，而我地係起草合約時必須要符合事實，維護返當事人既利益。唔似買車買衫咁簡單，買樓真係一門好高深既學問，因為當中牽涉到可能係一生既積蓄！睇黎今日又學到野啦！

「Aaron你搞咩啊？」

「我整理下啲樓宇既買賣合同啊嘛！」

「係咪想做業主啊？」



「留意下姐，始終呢啲野都同我地生活息息相關。萬一Client問起就唔好啦！」

「Good！學多啲野！唔識就請教下同事！你有樣好既就係雖然你係DBS出身，但係你唔會因為你既出身而自滿，反而會不斷認真學習，呢樣係你之前嗰幾個師兄冇架！」

「多謝副院長！」

KC行開左，我同Fred就將啲樓契分門別類地放好，原來之前有個樓盤開賣，好多業主知道我地間Firm信譽好就搵我地去做契。而我公司就會有個宗旨，就係無論咩Case都好，我地都會去接。當然啦如果係啲人神共憤既仆街我地就一定唔會接架啦！

不過淨係樓契都有成百幾兩百份，睇黎今次公司又會賺大錢架啦！



突然間Fred問我：「Aaron你會唔會學KC咁樣從政啊？」

「當然唔會啦！做公務員我都會諗下，但係如果要我放棄英國籍既話打死我都唔制！」

講起英國籍，因為我爹地本身擁有英國國籍，再加上我同妹妹都係英國出世，所以我地揸既係英國國籍，唔係BNO。

「都岩既！有理！言之有理！只要唔好揸大陸護照咪得攞！」

「特區護照算好架啦！你唔知有好多大陸人有錢就幫比個BB係外國出世攞外國國籍，退而其次就係香港出世攞特區護照！」



「邊有人鐘意大陸架，如果一個國家既國民對自己國家有歸屬感就唔會移民啦！」

我地一邊傾，一邊做樓契既File。做下做下又一日。

一收工，我就Wtsapp Claudia。

「收工未啊傻妹！」

「收工啦！學校門口等啦！」

「等我！」

「我一定等你既！」

我就攞返架車，去灣仔到接Claudia。個傻妹已經係門口到等緊我，然後就上車，我見到佢面色比今朝差左好多。



「到左啦？」

「等左好耐啦？」

「唔係啊，岩岩出黎咋嘛！」佢咳左幾下。

「你做咩啊？唔舒服啊？」

「冇事啊！只係少少咳咋嘛！返學啦！」

我即刻撥開佢瀏海，用手撫換佢個額頭，好似一隻煎熟左既太陽蛋咁熱。我好肯定佢一定發燒。

「喂傻妹你發燒啊！唔得我要帶你去睇醫生啊！」



「唔使啦！我休息下冇事啦！開車先啦！」

「你知唔知小病唔醫會變大病架，到時你咩都做唔到架啦！同埋感冒係會傳染架，你而家咁姐係會影響到我，所以一定要聽我話！OK？」我好似家長上身咁同Claudia講野。

Claudia聽完之後，就點左頭。代表左聽我話啦！

我就帶左Claudia去律敦治醫院到睇醫生。幫Claudia掛左號之後，就去護士到登記同探熱

「不如你訓一陣啦，等醫生嗌名就叫你啦！」我就同Claudia講。

「唔唔。。。。。」Claudia講完，唔夠一陣佢就訓著左落我到，我就用左手扶住佢

「林雅晴請到1號診室！」醫生廣播。

我拍醒Claudia，佢面容惺忪，好似訓到好諗咁



「到你啦傻妹！我係出面等你啦！」

「OK！」

趁Claudia入左去睇醫生，我就出左去附近買左個包同枝礦泉水比Claudia。始終個點都要食返啲野！

返到去之後，見到佢已經睇完醫生等緊攞藥

「你去左邊啊衰人？以為你丟低我唔理啊！」Claudia好緊張地問我。

「買少少野食比你送藥食啊！」

「你點知我鐘意食雞尾包啊？」



「我都係好隨意買架！不過我又估到喎！」

「最叻係你啦！你今日唔使返學咩？」

「要架！不過我同professor講話會遲返！所以都唔怕既！」

「咁你返學先啦唔使等我架！我自己返學得架啦！」

「梗係唔得啦萬一你暈咗喺度我咁點算啊？如果你暈低左係度你媽咪會殺左我架！」

「有冇咁誇張呀？」

「絕對冇誇張。快啲食嘢啦。陣間冇力聽書架！」

「點解....你要對我咁好啊？」

「做咩啊？」

「點解...你要咁關心我啊？點解...你要為我做咁多野啊？我⋯⋯」

突然間比Claudia咁問法，搞到我個腦一片空白。唔通Claudia個傻妹鐘意左我？還是佢當我係一個哥哥？我完全唔知⋯⋯到底我係佢心目中係處於一個咩位置。但係我好肯定我係佢心目中佔有一個好重要既位置。講真啊！其實我不經不覺間已經對Claudia產生了愛意，呢一種感覺仲要比以前追Winnie嗰陣強烈好多倍。但係我真係好驚佢會食我檸檬，又或者派好人卡比我。


林雅晴，到底你想點啊？

「因為我想對你好咪對你好囉。同埋有咩事要互相幫助呀嘛！仲有我應承過你以後要對你好啲架嘛！你要應承我以後都要開開心心！」我摸住佢個頭咁講。

「林雅晴麻煩請到7號窗口攞藥！」診室又做廣播。

「我幫你攞藥啦！」

「好啊！」

我哋就攞咗藥之後就行返去攞車，之後就返咗HKU

「咁陣間停車場到等啊！我自己去上堂得架！」

「你頂唔頂得住啊？唔使送埋你入課室啊？」

「放心啦我又未至於咁孱！我自己入去得架啦！WhatsApp傾呀！」

我同Claudia分開咗之後就去咗各自嘅Faculty上堂, 好彩最後都趕得切入課室。返到去Faculty最開心嘅就係可以見番一班由year1玩到而家既兄弟姊妹。唔開心既係呢啲日子好快就會完結。