由O Camp組爸組媽變左做真正既夫妻: Chapter 29

「哥哥、Claudia姐姐！」

「Hello Angela！啱啱跑完步啊。」

「係呀！嚟緊就嚟賽D1學界！姐姐你做咩會同哥哥一齊嘅？」妹妹問。

「你哥哥今日帶我去食好嘢囉！同埋一齊遊車河！」Claudia話。

「原來係咁，姐姐你以前係咪排球隊同游泳校隊呀？」妹妹問Claudia。



「你又知嘅？係咪個教練同你講呢？」

「係呀！我記得我啱啱入嚟嗰陣，有個姐姐游水好勁，打排球又叻！係我哋學校嘅偶像！」

「唔好講到咁誇張！你哥哥都勁㗎！」

「佢勁過鬼！」又比妹妹話。

就係咁樣我哋三個一人一句，好快就揸車返到屋企樓下停車場。泊好車之後，爹哋媽咪同時都揸車返黎。



而佢哋三個都好識做就上咗去先，留番啲時間比我同Claudia獨處。

我哋兩個就開左車既音樂，一邊喺度談天說地。

「衰人，我可唔可以坐多一陣啊！」

「你鍾意啦！你而家又鍾意坐私家車咩？」

「咩啊？我鍾意坐你架車呀！吹咩！」



其實我想講，如果你想坐我架車，我可以今生今世都想做你嘅司機，不過心裏面諗嗰句唔可以講出嚟。

「你鍾意坐咪坐囉！我又唔會趕你走嘅，不過咁鍾意車嘅女仔我都係第一次見！」

「吓？喂不過你做咩會買RA-R嘅？我覺得你應該會買寶馬或者買Benz既人黎架喎！」Claudia問。

「我自己鍾意揸日本車，因為保養容易囉！」

「係鬼啊你？我知你鍾意揸呢架車就係因為貪佢馬力大、輕身、價錢平、容易維修同保養，最重要佢就係棍波！」

聽完Claudia講呢句，我覺得呢個女仔真係對車好有研究。如果唔熟佢嘅話，我會覺得佢係一個賽車手。

「全中！」

「同埋揸呢啲車嘅男仔通常會好實際，好專一。將來會對老婆仔會好好。」



「你對車咁有研究嘅？其實你應該可以做汽車雜誌嘅編輯！」

「係呀係呀係呀！我鍾意男仔揸呢啲車多個揸超級跑車！」

「你以前嘅男朋友揸咩車㗎？」

「佢？渣架爛鬼Alfa Romeo囉！嗰架波子坐落去好唔舒服，呢啲咁嘅男人將來會係一個好花心嘅人！我覺得你好過佢千萬倍！」

佢講完呢句，搞到我面都紅埋。你唔好抬舉到我咁高啦！

「你好鍾意車嘅咩？」

「係呀，不過我自己買嘅話就唔會好花巧，只係代步就可以啦！ 如果有機會嘅話你可唔可以教返我揸車啊！」



「冇問題啦，最緊要就係你有棍波牌姐！」

「嘻嘻！係呢你同其餘四個組爸好FD架？」

「我哋五個好friend 㗎，以前一得閒就會揸車遊車河、食下宵夜。我記得我哋嘅車隊叫做白龍王！」

「點解嘅點解嘅？」Claudia問。

「因為我哋五個架車都係白色囉！」

「吓？咁可唔可以加入你嘅車隊先！」

「隨時歡迎！你係我地車隊既第一個女車手！」

「咁你以前揸咩車㗎？」



「豐田Corolla，二十幾年前既Model！當中我架車係最渣㗎啦，但係次次飛車我都贏曬佢哋四個！」

「教我揸車啦！不過下次先！我哋要返去啦。」

我哋兩個就返咗各自嘅屋企。然後就即刻沖涼刷牙瞓覺。