由O Camp組爸組媽變左做真正既夫妻: Chapter 26

然後成日我哋都係做嘢，連中午飯都係喺公司到食。因為我哋公司有幾個大客嚟咗探KC，而我同Fred以及另外幾個同事一齊去陪佢。幾經辛苦又到放工時間，我就執好野離開公司。然後Claudia就Wtsapp我：「衰人你放工未啊？」

「做咩事呀大小姐？」

「冇啊！你今晚可唔可以陪我食飯啊！人哋掛住你？」

有冇搞錯啊我趕住去大圍到攞車架，同埋我又得一個頭盔，我點車你姐？或者可以放棄電單車，叫佢陪我一齊去坐地鐵攞車都得。

我一落到去，Claudia已經係我面前，佢仲要拎住個Arai賽車頭盔。見到佢身穿米白色既高領織紋毛衣，配上剪裁大方既寬管牛仔褲，一身輕便休閒既打扮，更是凸顯出女神既出眾氣質與傲人既仙氣。





「做乜接我放工嘅？」

「冇啊我見今日早放工，爹哋媽咪又出去食飯。想問你得唔得閒咋嘛？人哋想坐你部電單車啊！」Claudia特登用膊頭撞我一下。

點解個傻妹知道我有架電單車呀？肯定世伯知道我有架電單車就叫佢試下我手車啦！

「都得嘅，不過你要小心啲喎！咁你特登去買個頭盔啊？」



「我又唔會專登去嘥錢買個頭盔嘅，爹哋俾我㗎咋！快啲去俾我睇你架電單車呀！」

既然Claudia個傻妹要我車佢，仲要拎住個頭盔，冇辦法我唯有車佢去大圍啦。

就係呢個時候，Fred就出咗嚟。

「勇哥！呢位肯定係阿嫂啦！」

「閘住！佢就想啦！」



「收皮啦！鬼得閒做你個女朋友呀！」

「好啦好啦唔阻住你哋打情罵俏啊！聽日見啦勇哥！」

我同Claudia就走左去攞架電單車，當佢見到我架車！佢個反應係同佢Daddy一樣！真係有其父必有其女！

如是者，我就用匙卡同後撻去撻車，再幫Claudia帶返好頭盔。見到佢個樣笑得好甜，我就知同佢去游車河就冇錯㗎啦！

好彩Claudia之前都坐開佢爹哋架電單車，所以都唔使點教佢就好快坐咗上嚟。而且佢都算醒目，坐電單車要著返長褲，如果唔係嘅話就肯定會被死氣喉辣親。

當佢上到黎嗰陣，佢就成個人貼落我度，嗚啊我又可以食都佢波餅啦！而且雙手抱着我條腰，個頭就貼落我膊頭到向我甜笑。我覺得呢一刻我依然係華Dee，而Claudia就係Jojo。話時話，呢一次亦都係我第一次用電單車去車女仔，希望會比自己同Claudia留返一個美好既回憶啦。當然，Claudia全程對我既駕駛技術好放心，我諗佢真係好願意交條命比我，呢一種感覺，我永遠都唔會忘記。

如果由公司出發嘅話，基本上過紅隧直上公主道、窩打老道直入獅隧。不過唔知點解今日條路好塞車，但由於我揸電單車嘅關係，一睇準時機就左穿右插。所以用咗20分鐘就到左大圍。