由O Camp組爸組媽變左做真正既夫妻: Chapter 20

「勇哥，比啲好野你睇！」沙皮狗話。

「你有返左新玩具咩？」我問。

「係啊！帶你去睇下。」沙皮狗話。

沙皮狗帶我入左去，見到有一架藍色既22B，呢架車應該係Subaru系列之中炒到最貴既一部。一部普通Condition既閒閒地都炒到過百萬，其瘋狂程度可以直迫GTR R34，以及保時捷。呢部車有咩特別？就係唯一一部配有EJ22既引擎既SUBARU，車尾沙板加闊左。


我就係架22B到左望右望，睇得出呢位車主真係好錫車，由車頭到車尾都執到靚一靚。當然有句說話叫「眼看手物動」，為左尊重返車主，我都係用雙眼去睇下就算。



如果你問我會唔會用過百萬去買部收藏車？我好肯定咁答唔會，因為22B對我黎講實在太貴啦，揸出街既話一定要好小心，同埋要好好咁做保養。老老實實如果要我買超過50萬既JDM，的確係過份左啲。同時，如果比我揀單門既掃把佬既話，我寧願揀平一大截既Type R V imitied（姐係文太同拓海嗰部），起碼買左返黎慢慢改，都平過22B啦！

另外，我自己始終都鐘意四門既JDM跑車，得閒攞黎飛下又得，做Family Car又得。而SUBARU既EJ20引擎都係1994CC，對比起其他歐洲車其實算慳油，上落又方便，又可以攞黎飛。兩個字「實際」。所以22B同RA-R做比較既話，一定會揀RA-R。起碼可以車下人先。

「邊個大明星黎呢到整車啊？」我問。

「架玩具我新買架，之前放左架C63 Black Series比個富二代。咪換左呢架囉。我都係鐘意日本車多啲。」沙皮狗話。

「咁Rich！下次車下我！」我話。



「好啊。勇哥你攞返啲貴重嘢先！架車要放喺到換野，大約一個星期。」

「唔該晒狗哥！」

「傻啦！兩兄弟唔好講埋晒啲咁嘅嘢！之前你幫我個囡補習都冇收錢啦！同埋嗰啲補品你爹哋已經比晒錢俾我㗎啦！同埋你又送咗㗎PGM電單車比我！」

「你幫我我幫你應該嘅！」

「咁先係個兄弟呀嘛！」



「咁我返去食飯先！晏啲再搵你！」

 我就走返去我舊屋嗰到搵爺爺嫲嫲、姑媽佢哋。