由O Camp組爸組媽變左做真正既夫妻: Chapter 19

一入到去車房，沙皮狗就已經迎接我！

「喂勇哥你終於黎啦！」

「係呀今日放假呀嘛，咪早啲過嚟囉！又話有補品嘅？」

「呢咪就係嗰幾箱野囉！梗係要等埋勇哥你過嚟先敢開箱啦！你老爹話要將架車改到好似鄧風咁快。」沙皮狗指住嗰啲箱咁講

改到好似鄧風咁快？最後佢咪又係比Sky哥哥用Nos放佢星星。估唔到爹地咁Cls。



我哋兩個就夾手夾腳開左啲箱佢。一開箱首先係CE28既古銅色18吋鈴，雖然唔算一手新鈴，但Condition總算唔錯，只要翻新少少都唔係啲咩大問題。




第二就係Sti Performace快波棍。


第三就係STI N組既Engine Mount，Transmision Mount and Pitch Stop Mounts，令個車架，引摹，波箱更紮實。




第四就係STI既尾翼（S202型）。


除左呢啲野之外，沙皮狗仲幫我準備左三塊車尾箱既隔音棉，一黎除左可以隔下音之外，二黎可以等個車尾箱整齊啲，三黎又可以方便我裝野，一舉三得。

「狗哥，你有WRX既隔音棉咩？」我問。

「點會冇呢？？呢幾塊隔音棉我係日本到Bid返黎，尋日新鮮滾熱辣到港架！話就話RA-R要偷輕姐，但裝佈都好緊要！」沙皮狗話。



「Nice，Thank You！」我話。

「錢呢我會問你爹地收架啦！架RA-R幾靚啊！」沙皮狗話。

「多謝！」我話。

每次黎到沙皮狗間車房，我都會周圍去參觀下，睇下有冇其他靚車係到改。話就話我已經有架RA-R姐，都可以同其他車主交流一下改裝心得。呢個時候，我見到有架好靚既原裝白色，只係裝左TE37既四門EG9，但睇真啲，裡面既兩個前座椅原來已經換左BRIDE桶椅，同埋側面有VTEC原廠貼紙，我就知呢架係大踢EG9黎，唔同以前代理返既EG8。





呢個時候，行近係我面前既，竟然係兩個中年阿叔，睇落佢地同爹地、沙皮狗佢地差不多年齡。其中一個中年阿叔，原來係榮Uncle，佢係我爹地以前既中學同學，一樣係高級公務員。而佢個仔Leslie係我中學同大學時代既師兄，佢就大我一屆畢業，同我一齊係田徑隊都受訓。

「榮Uncle！」我話。



「Aaron乜咁岩啊？」榮Uncle問。

「係啊！買左架車黎呢到改裝啊！」我指我架RA-R話。

「叻仔啊！買RA-R！Leslie個衰仔之前著Tec，搞到架車壞壞地。同埋佢而家返機管局，我咪幫佢揸架車黎整囉！」榮Uncle話。

「咁樣啊！好啦我走先啦！拜拜榮Uncle。」我話。

「Bye！」