由O Camp組爸組媽變左做真正既夫妻: Chapter 18

「阿哥起身啦起身啦！唔好訓啦！」

「比我訓多一陣啦！」

「唔準訓啊！即刻同我起身！你再唔起身呢我就叫Claudia姐姐落黎啦！」

我一聽到Claudia，即刻成個人彈左起身，我望個鬧鐘，DLLM而家先六點幾。

「好啦好啦我起身啦！」



「嘻嘻！你而家同我去刷牙洗臉啊！」

「得啦得啦長氣鬼！」

比妹妹咁樣嚇一嚇，真係個心離一離！我諗我最怕既唔係妹妹，而係Claudia

我刷完牙洗完臉之後就食早餐

「早晨啊爹哋媽咪！！」



「早晨啊阿仔！！快啲過黎食早餐啦！妹妹親手煮架！」

「咁我要親手試下妹妹既傑作啦！」

「快啲食啦！咁多野講！」

我於是就食妹妹煎既太陽蛋同香腸，唔知點解會咁好好食

睇黎屋企既灶頭可以交比佢打理



「係啦阿仔啊，你去完大圍，順便去元朗幫我地去恆香同冠環球到買豬肉乾同老婆餅返黎啦！我要拎黎送比人架！」爹地係到講

「好啦咁！」

「仲有幫我去埋榮華買臘腸，我要用黎煮飯架唔該！」媽咪係到話

「OK！！我Mark低先！總之要去買老婆餅，豬肉乾同臘腸啦！寫好啦！」我邊聽邊用iPhone寫低

「好啦時候都唔早啦，你都早少少過去啦，如果唔係既話會好塞車架！記住要小心啲喎！」

「我知啦！咁我要出發啦！拜拜啦大家！」

我就換左件灰色Stussy T同黑色H＆M休閒褲，再加對尋日Claudia送比我既adidas Stan smith波鞋就出門口




然後行去停車場到攞我部RA-R 




臨開車門時，Claudia wtsapp我：「起身未啊衰人？」

「起左身啦，你呢做緊咩啊？」

「我而家同爹地媽咪一齊出去食早餐啊，之後佢地車埋我去幼稚園。」

「加油啊！我岩岩同妹妹一齊食早餐啊。而家出發去緊大圍，之後入埋元朗。」

「岩啦你如果去元朗就幫我買老婆餅同榮華臘腸返黎啦，我要幫我媽媽買架！求下你啦！！幫我買啦！！！唔該你啦！！」



「我今日都要去嗰頭買野啊！最多比你搭單啦！！！」

「YEAH！！！都係你最好人架啦！！下次請你食飯啦！食咩都得！」

「嗱你話架！！！我Cap圖做證架！」

「我唔會走你數既！你快啲去啦！！！」

「你都要加油啊Miss Lam！」

「唔唔。。。。係呢你今日著咩鞋啊？」

我就影左我對Stan Smith比佢睇：「我今日著呢對啊！！！你呢？」

等左一分鐘，Claudia send左佢對鞋比我睇



真係估唔到佢今日係著我送比佢既adidas Stan Smith波鞋。之後佢就話：「哈哈我今日都係著呢對，我地係咪好夾呢？」

「係啊係啊！！」

「好啦我唔你講啦要出去啦，你返到屋企再wtsapp我啦！」

「係啦你要小心啲啦！！」

「拜拜啦！！今晚見啦！」

我就開車出左門口，去到停車場出口見到Miki企左係到，見到佢上氣不接下氣咁拎住行李，好似好急咁既款。


佢就見到我架車，就即刻衝埋落我到，我就停車HI佢。



「Miki，你去邊啊？」我問。

「喂Aaron你可唔可以車我出機場啊？因為我要趕住搭飛機架！唔該你做下好人啦組爸！！」Miki好心急咁講。

我見Miki上次係O Camp咁幫我，又見到佢一副楚楚可憐既樣就做下好人車下佢啦！

「你仲企係到，上車啦！我反正都要過海！」

「Yeah！好啊唔該你！」Miki歡呼。

於是我幫Miki搬行李落車尾箱，發現我車尾箱係冇隔音棉，為左驚整花Miki個喼，我就將佢個喼放係後座，就齊齊上車。之後就經東區走廊、維園道、告士打道、夏愨道直接踩到干諾道轉落西隧。用左五分鐘就出到大角咀。再行西九龍公路直踩長青隧道、青嶼幹線入機場。全程只係用左20分鐘。

「好彩有你咋！如果唔係實趕唔切check－in啦！等左成廿幾分鐘都冇的士。」

「唔使多謝我！你去邊到旅行啊？」

「日本東京啊，同我男朋友去。」

「你真係開心！玩得開心啲啊！」

「我會架啦！你做咩要過海既？」

「我今日要返大圍睇我爺爺嫲嫲啊，順便入埋元朗幫我媽咪同Claudia買手信。」

「你地兩個幾時變得咁熟先？」Miki即刻奸笑。

「咁我地係你地既組爸組媽黎架嗎，再加上我地又住得咁近。幫下手好應該姐。」

「唔係喎，我見你地兩個好friend喎。仲要連續著埋同一隻色既衫添。你係咪鐘意Claudia啊？」被Miki咁樣一講，我塊面變得好紅。

「Er⋯⋯呢層呢⋯⋯我地係朋友黎架咋。我地冇野架！」（我冇同Miki講Claudia分手單野比佢聽，驚佢亂講野。）

「我講笑咋你做咩咁緊張喎？不過你地兩個真係好襯啊，如果我係佢既話一定會搵你做男朋友架。如果你做佢男朋友佢一定會好幸福架姐！」

「不過佢唔係有男朋友咩？」我扮咩都唔知咁問Miki。

「佢地一早分左手啦！個賤男之前係咁背住Claudia偷食，搞到Claudia好傷心。Claudia一早同佢分左手啦！比起個賤男，你同Claudia登對好多！我都好想你地兩個係埋一齊啊！由我既組爸組媽變做兩夫妻。」

「咁長遠，十劃都未有一撇啦！」

「你係就快啦，佢好多人追架！係筍盤同好女仔黎架！」

「係姐不過我⋯⋯」

「頂你鐘意人就去馬啦！要好好珍惜身邊眼前人啦！唔好做啲你後悔既事啊！」

「係啦係啦！唔好講我啦！講返你地啦！」

「我有咩好講啊？」

「你同你男朋友啦？」

「哈哈唔使理佢！」

「其實你地係埋一齊幾耐啊？」

「都有四五年啦，我form2嗰陣同佢因為玩真心大膽game所以係埋一齊啦！」

「嘩你都幾早拍拖喎！咁你地拍得都幾耐下，究竟你地拍左咁耐都唔怕厭咩？」

「其實呢我同佢都唔係日日見架！不過最緊要就係大家要互相信任同要坦白啦！自從我男朋友去左英國讀書之後雖然少見左好多，不過大家可能拍拖耐左，就會變得好信大家。只要大家一見面就會一齊旅行啦！」

「咁佢係咪一個好浪漫既人先？」

「佢先唔係囉！佢平時份人一啲都唔浪漫同從來唔會比驚喜我架！不過某啲情况會係例外！」

「你生日？？情人節？？」

「係！我最記得我上年生日佢係英國寄左盒包裹比我，入面全部都係我同佢一齊咁多年既回憶！」

「佢都幾Sweet啊！」

「係啊！如果你追Claudia可以試下呢招架！你地有冇送禮物先？」

「我之前同佢玩左交換禮物游戲啊。」

「咁刺激？你同比左咩禮物佢啊？」

「我送左對adidas Stan smith波鞋比佢啊。」

「咁佢呢？」

「一樣，都係adidas Stan smith波鞋啊。」

「吓？？？？係咪你而家著緊嗰對啊？」

「係啊哈哈！！」

「都話左你地兩個係命中註定架啦！連送禮物都要係一樣！」

「可能係巧合姐？」

「NoNoNo。。個天要註定你地兩個要係埋一齊，所以你要好好把握！」

「係呢佢平時鐘意買咩同食咩架？」

「佢咩都鐘意食架，佢特別鐘意食甜品。不過佢係細食怪所以唔會食好多！」

「咁你呢？」

「我好大食架，所以如果同我食野一定要食好多野架！不過我咩都會食架！」

「係啦你上次係咪話我地四個一齊食飯啊？」

「係啊差啲唔記得左添，等我地返左黎就約食飯啦！我聽個電話先！」佢電話響起左。。。。

佢講緊電話嗰陣，原來我地已經到左機場



「喂到啦！我幫你拎行李啦！」

我於是由車尾箱幫Miki放低行李。

「今次真係唔該晒你啊，我返黎買手信比你啦！拜拜啦Claudia個男朋友！」

「你又挽啦！拜拜啦！挽得開心啲啦！」

Miki拎咗佢嘅行李，入咗去客運大樓入邊。離遠見到Miki同Leon係到放閃。而我都離遠同佢地Saygood Bye。

我就開車掉頭返出去，去返大圍方向。一過左青馬其實有三條路可以揀。

A：落荃灣，再由德士古道上象鼻山路，行城門隧道

B：落葵涌上大埔道/大埔公路

C：入青沙公路直行到尾，但要經九龍

其實三條路都差唔多，但係B就免費，A同C嘅價錢都唔係差好多。最重要嘅係三條路線嘅時間都係差唔多，真係難過選特首。

算啦！都係行返荃灣入城門啦，都唔係差好多錢姐。由青馬落到荃灣都係行返80，然後過咗荃錦交匯處轉上象鼻山嗰段路就可以盡情爆下副EJ20偈，有時將架車踩到落紅區再轉波嘅感覺真係好舒服。

喺象鼻山到城門隧道收費處之前係一段大直路，再加上冇乜車可以俾我任飛。

而呢個時候係我後邊，傳嚟咗好高嘅引擎轉動聲，但係我聽得啲聲一定係有兩種。一種係蘆筍既4G63引擎聲，另一種聲好肯定係H車既爆Tec聲。

果然不出我所料，佢哋好快就過咗我，我就見到一㗎係白色既露筍八代。另外一㗎係改左無限包圍既白色FD2。

部蘆筍八代咁熟口面嘅？然後嗰條友開咗車窗大叫：「勇哥！」

仆你個街原來係Steven！咁另一架FD2肯定係Wyllis。屌你老味日光日白喺度鬥車。即係擺明想撚鳩我同你地摙車姐！我就對住佢哋兩個舉中指。留意返呢個只係我地既溝通方式，而唔係想屌佢地！

Wyllis既FD2：


Steven既蘆筍八代：


「勇哥！同唔同我哋兜一轉啊？」Steven問我

「你哋去邊度啊？」我問返佢啊

「Wyllis啱啱攞咗車，同佢遊吓車河！」

「我返大圍啊！你哋想鍊車啊！」我答番佢哋

「最多我哋慢慢行囉！勇哥點睇呀！」Wyllis就話

「我最多落到大圍啊！之後你地兩個慢慢飛呀！」

我見架RA-R仲係原裝冇改過，而嗰兩條仆街架蘆筍八代同FD2就改到好快，所以都係叫返佢哋慢慢行算，費事比嗰兩條仆街笑鳩我冇改裝。

最後我哋三個都係乖乖地好似串燒慢慢行，因為一過左城門隧道就有B。好彩個阿Sir都見到我哋三個安全駕駛，所以都截我地入B。

然後我哋落咗大圍，去到積福街到停低架車。


「嘩勇哥終於捨得渣㗎新車出嚟啦！」Steven問我

「係呀係呀！終於買咗你架死對頭啊！」我就串番佢。

「屌你啦！上次O Camp嗰陣你又唔講？」Wyllis話我。

「你哋掛住溝女！我點同你地講姐！況且你條仆街又話下個月先攞車！」

「唔係呀勇哥本來真係下個月攞架！不過個前車主話提早交架車俾我！我一攞車就同你哋講啦！」Wyllis就講

「你架車keep得幾好喎！又黑色CE28鈴，又無限包圍！幾多蚊呀？」我問Wyllis

「15蚊啦！你嗰部掃把佬呢？」Wyllis又問返我

「同你差唔多！但我係原裝車！」我就答返佢

「勇哥咁你改唔改呀？」Steven問我

「改！點解唔改呀！但係我應該就唔會改到架車好激！主要都係圍繞返操控個方面！陣間就拎去我朋友嗰度改！」

「要啦！但係你架車有冇車過人啊？」

「有冇車過Claudia先？」

唔知點解一聽到Claudia，我忍唔住喺度傻笑。然後佢哋兩就起勢咁揼我，又話我喺度重色輕友！當然佢哋真係唔會打我啦！我哋係好兄弟嚟㗎嘛！

然後嗰兩條仆街就喺度開我架車左望右望。。我心諗全原裝架車有咩好睇呀？係都等左我改好架車先啦！

「喂勇哥你架車改唔改裡面啊？」

「入邊唔改啦！最多可能係加番啲轉數、油溫水溫錶個類、依家只係有返個藍牙車機聽歌咋嘛！」

「都啱嘅少改低調係勇哥嘅本性！咁我哋走先呀！搵日等埋果兩條仆街一齊車聚再傾啦！」

Steven同Wyllis就開車走人。而我首先揸咗架車落去沙皮狗間車房到。佢間車房就係喺成運街。