由O Camp組爸組媽變左做真正既夫妻: Chapter 17

第二日

鈴鈴鈴.......

我睇下我床邊個鬧鐘，原來又要返工啊

之後我即刻梳洗然後換左件黑色恤衫再加條Levis Unwashed牛仔褲，再著埋對啡色牛津鞋就行得

返到公司，Cindy就叫：「Aaron啊！劉生搵你啊！」



「Ok即黎。」

我就行入去KC間房

「早晨啊！副院長！」

「早晨啊Aaron！！我份野準備成點啊？」

「我做好左啦！而家比埋你睇啊？」



「好啊！你做野效率都幾高喎！份野都作得唔錯！幾符合我既Freestyle！！哈哈！！」

「咁我都要符合返個事實同埋你既風格既！！」

「叻仔！！！你得唔得閑幫我去律政司交份文件啊？超級urgent架！！！！」

「好啊好啊！」

「趁無人就快啲去啦！」



「okok！我依家即刻去！」

我於是就去律政司到交文件，好彩排隊過程中冇乜人所以都好快搞掂


交完之後，就即刻wtsapp比KC同佢報告返交左份野,，佢就叫我係出邊食完中午飯先返。

行到去花園道近美國領事館個門口，見到有部白色既豐田Prado打左死火燈。而有個著住返工衫既男人係不斷苦惱。睇落呢個男人保養得唔錯，年齡應該同我Daddy差唔多。咪住架Land Crusier 80咪同Claudia嗰架同色同款既？




我反正又得閒，就走過去問佢需要有咩幫手。然後佢就叫我一齊幫手換條車胎。

首先我哋用工具箱將架車升起。然後將爆咗嘅右前胎拆咗落嚟。



「先生你架車keep得幾好喎！」

「係呀架車係我個女出世果年買㗎！都成20年㗎啦！係呢點稱呼你啊？」

「我叫阿勇，或者叫我做Aaron啦！」

「唔該晒你啊阿勇，睇落好後生咋喎？你讀緊書定做緊嘢啊？」

「而家喺港大讀緊Year 4，不過唔使返學咪做下兼職咁樣囉！」

「都好呀充實下自己！我個女好似同你同一屆㗎喎！佢都係讀港大！不過佢讀教育架！」

「咁有緣啦？或者識都未定喎。係呢你後邊有冇後備車胎啊？」



「有啊！後備胎未用過！我哋搬咗條後備胎放返前面先！」

我哋先將條後備車胎固定好，然後再用架生將佢鎖實。最後就係放返條後備車胎去車尾門同用個積放返架車落嚟。

「好啦搞掂啦！」

突然間有個女仔攬埋落嗰個先生到，然後大叫：「爹哋！」

「寶貝女，架車搞掂啦！唔使叫拖車啦！」

咪住！呢把聲咁熟口面嘅？我眼尾稍為望一眼，嗚啊！原來係Claudia啊！嗰個男人係佢爹哋黎！唔知點解我見到Claudia好緊張咁，於是我就將計就計，匿埋一邊當睇佢唔到。


「有人同你搞掂嗎？」



「咪就係有個後生仔幫我囉！」Claudia爹地指住我講。

然後Claudia行左埋黎我到，仲扭我耳仔大叫：「衰人做乜扮睇我唔到啊？」

「喂呀好痛啊！你細力啲得唔得呀！」

「得罪大小姐嘅下場就係咁啦！問你怕未？」Claudia好得戚。

「寶貝女你地兩個原來識㗎？」Claudia爹地喺度問我地兩個。

「係呀呢條友仔住喺我哋屋企樓下㗎！就係佢幫你整返條車胎啊？」Claudia喺度問佢爹哋。

「除咗佢仲有邊個啊？阿勇你去邊我車埋你啊！」

「唔使客氣啦！我公司好近咋嘛！」



「叫你上車就上車啦！」

我未講完Claudia就用隻手拖住我上車。我一坐上去，架Land Crusier嘅內籠真係好新淨，而且個冷氣亦都好夠凍。睇得出Claudia爹地真係愛車之人。睇落架車真係唔似2000年落地既四驅車。

「阿勇啊，今日真係唔該你呀！搵日真係要請你食餐飯報答你先得！」

「舉手之勞啫世伯！」

「爹哋陣間係咪接媽咪放工一齊去食飯啦！」Claudia問佢爹地

「係呀不過今晚嗰餐你要自己搞掂啊，因為今晚要同你姨媽佢哋去食飯！當然中午個餐我哋一家三口撐枱腳啦！」

「好啦！」Claudia歡呼咁講

「喂今晚一唔一齊食飯啊？」Claudia竊竊私語咁問我。

「好啊反正今晚冇飯開，我爹哋媽咪同妹妹返咗大圍到食飯！今晚想食咩啊？」

「我要食放題！大喜屋啦好冇？」

「好啊！我收工再call你啊！」

「OK！我到啦！拜拜啦世伯！」

「拜拜！」Claudia同佢爹哋異口同聲向我道別。然後我就落咗車返左力寶中心。

一返到公司，KC即刻問我：「Aaron叻仔呀果然做到野！」

「係啊，作為一個法律人應該要知道司法機構點樣去嘅。」

「好啦我要出去開會啦！如果搞掂晒啲野就比你早一個鐘頭收工啦！」

「知道啦！多謝副院長！」

不過好彩KC同其他人冇交低啲野比我做，所以都可以準時放工

「喂死仔今晚去唔去Happy Hour啊？！」Fred喺度問我

「唔去啦我！你地挽得開心啲啦！我走先啦！拜拜！」

我出到去公司樓下，諗住打比Claudia

我電話都未拎出黎，突然間有個人行埋黎拍我膊頭

原來係Claudia叫我

「嘩你想嚇死人咩？」

「比個驚喜你啊！！開唔開心呢我接你放工？」

「有靚女接我放工實開心架！」

「又口花啦！行啦我地！你有冇訂位啊？」

「有啊！行啦我地！」

於是我地就行去搭MTR

不過呢個鐘數既地鐵依然都係咁多人，搞到我地差啲上唔到車

「好彩我地上到車姐！」

「不過好多人啊！」

好彩我地搭兩個站姐，如果唔係肯定會焗死

不過一去到灣仔站，仲要比金鐘站多人

搞到我地真係變沙甸魚

而呢個時候我發覺同Claudia既距離好接近

我只係見到佢塊面好紅，好美艷，而我地大家既心跳愈跳愈快

不過個廣播就將我地拉返去現實

「到啦落車啦！」

我地兩個就落左車出閘，之後去左大喜屋

「好彩你提我落車姐，如果唔係真係返屋企啦！」

「係啊！你要多謝我啊！到未啊衰人？」

「到啦林小姐！」

見到個Waiter，就話：「book左兩位姓梁。」

我地兩個就坐左埋邊張卡位到



我心跳都係跳得好快.....因為始終第一次同Claudia正式第一次單對單食飯。呢種感覺好耐都冇試過。點都好，要保持鎮定，留返好個印象比Claudia。

「做乜叫咁少嘢食嘅？」Claudia喺度問我。

「慢慢食啦反正我哋時間多的是。」

「你都講得啱嘅。好嘢要慢慢品嚐架嘛！」

「係呢你係咪成日去銅鑼灣架？」我問Claudia

「係啊通常住港島嗰啲多數都會去銅鑼灣行街架。你以前住大圍嗰陣有咩娛樂架？」

「好少架。以前除咗返學放學多數都唔會去市區玩，再加上星期六日要幫班小朋友補習。基本上都係行吓山跑下步，又或者踩下單車去到中大、科學園嗰啲地方咋。」

「你以前中學係邊頭讀書架？」

「我未升中學之前就係大圍讀書既！之後就轉左旺角到讀書啦！」

「咁你以前讀邊間學校先同埋係邊頭架？」

「DBS，係男校黎。」

「原來你男拔仔黎架？」」

「你呢以前讀邊間中學呀？」

「咪你嗰間個女校版囉！我係女拔妹嚟㗎！」

估唔到Claudia都係女拔妹黎架，咁咪可能識Winnie囉！呢個世界真係好細。妹妹你又識多個師姐啦！

「你都好勁啊。原來我同你讀同一間學校！」

「話唔定我哋以前見過呢？咁你返學算唔算遠呀？」

「搭火車兩個站咋嘛！之後入左HKU都揸車㗎啦！」

「咁你日日咪要好早起身。」

「係呀我成個中學都係咁呀！去到我考左車牌之後先好啲！」

「Oh I see! 係呢咁Angela依家係邊度讀書呀？」Claudia係到問。

「DGS！今年升中六！」

「吓真架，原來係我師妹黎喎哈哈！咁我到時可以幫佢補習啦！」

「靠晒你啦！」

「唔使客氣要收錢架！」

「你唔係同我計較呢啲啊嘛？」

「我同你講笑咋！就算你唔出聲我都會去好好咁照顧你妹妹架。你放心啦！」

「見你咁有誠意就信你一次啦！」

呢個時候，突然有一對情侶行緊黎我地到

個氣氛突然轉變，淨係見到Claudia個面色變到好難睇。好似想喊咁。見到嗰個男仔好撚樣衰，好似嗰個咩咩大律師，後來又轉左做補習先生、演員、同保險佬，買西裝都成70,000嘅嗰個乜乜X作，而佢隔離嗰個女仔一睇就知係做開雞或者PTGF嗰啲，離遠已經feel到有一陣雞味。

「做咩啊傻妹！」我問。

「佢。。。佢。。。」

我撫摸Claudia個頭，並示意佢唔好出聲。

「Claudia又見啦喎，多謝你我先可以同Michelle一齊啊。咦，呢個男仔係你邊個啊？」男仔話。

「真係冤家路窄啦！尋日呢就喊到啊！今日呢就拖住條新仔。」女仔話。

唔通呢個係佢之前既男朋友？？要俾啲顏色佢睇先。幫Claudia報仇。當然對付呢啲人渣，其實唔需要同佢硬碰，最緊要保持鎮定。反正我一定企硬幫Claudia拖。

「我叫Aaron啊！係Claudia既男朋友黎！請問點稱呼你呢？」我講完仲Kiss左Claudia既嘴唇一下，搞到Claudia好霖。而Claudia都好主動配合我既Kiss，佢地兩個以為我同Claudia係男女朋友。

「What？我哋都係去第二間食啦！走啦我地！」個男仔聽到我係Claudia個男朋友，就即刻嚇到雞飛狗走。然後個男仔就仆左落地，搞到我好想笑。而嗰個女仔仲同佢嘈交。屌！又要威又要戴頭盔，咪就係呢啲人囉！香港有呢啲咁既賤男，真係男人中既人渣。

「有冇事呀傻妹？」

「冇事啦！多謝你啊！」Claudia即刻笑返。

「頭先見到你咁樣真係好擔心你呀！見你笑返就放心啦！」

「你真係講得好啱呀我根本唔值得為呢啲人傷心！之前話我同佢講分手我都覺得有啲遺憾，不過我而家覺得而家呢個係我最正確嘅選擇！好似成個人都放鬆晒！」

「放鬆晒咪好囉咁繼續叫嘢食啦！」

「我講樣野比你聽啦！」

「咩事呀？」

「你好man啊頭先！」

「嚇死我呀以為你肯定連我都嬲埋！最緊要搞到個衰人喊住咁走姐。」

「我唔會嬲你嘅！覺得你今次做得好啱！果然冇識錯你啊！不如食完飯我地行下街啦！」

「好啊反正好耐都冇行過街啦！你食飽啦？」

「差唔多啦！」

「咁我地埋單先啦！」

「嗱今次輪到我請返你啦！見你頭先幫我出頭趕走佢。唔好同本小姐爭啊！」我未講完Claudia就攞左佢張Visa卡去埋單。。。

我哋食完之後去咗行人專用區到行街，見到一間影貼紙相既鋪頭，係似日本街頭既Style

「不如我地入去影相啦！行啦行啦！」Claudia邊行邊拉我入去

我地對住個鏡頭做左好多唔同既動作，結果影左好多張

「不如一張比你，一張比我啦。記得要keep好啊，整唔見呢就打你架！」Claudia向我訓示

「你都係啦！Let's a deal！陣間有咩節目啊楊小姐！」我哋就勾手指尾做證

「趁時間仲早不如我地玩個游戲啦！」

「玩咩游戲啊？」

「嗱我地各有各出發，互相去買份禮物比對方，之後一個鐘頭之後就係返呢到等啦！我行先啦拜拜！陣間見啦！」Claudia就喺度講遊戲規則。

我講都未講完，Claudia就已經係我面前消失左。

結果我就自己一個行街，行到去名店坊間adidas original就停低左入去行下

入到去見到有好多NMD波鞋。不過我覺得麻麻地。

之後我就見到有對最HIT既白色綠鞋頭既Stan Smith。諗落應該都幾襯Claudia


好彩我上次見到佢對VANS係37號，於是就問個Sales姐姐對Stan Smith有冇37號

「先生呢款鞋有男裝架喎？你想要女裝啊？」Sales姐姐就喺度問我

「係啊，因為我幫人買架！唔該你啦！」

「好啦咁，我而家幫你攞對37號啦！你係送比女朋友呢？」

「好熟既女性朋友啦！點解你會估到既？」

「因為呢啲行為通常哄女朋友架！你睇下對鞋有冇問題？冇問題既話就係嗰邊埋單就得架啦！」

我check左冇問題之後，就埋左單走左人

買完之後就返去Time Sqaure地下等Claudia

原來佢已經係到等緊我

「Sorry啊，我遲左少少！」

「唔緊要我都係岩岩到姐！你買左咩禮物比我啊？」

「我買左波鞋比你啊。你又買左咩啊？」

「我都係啊！不如大家開黎睇下！」

我同Claudia大家就互相拆開左份禮物睇下⋯⋯

點知Claudia買比我對波鞋就係我頭先買比佢嗰款白色綠頭既adidas Stan smith，仲要係我既size！！

跟住大家見到買既禮物係一樣時都忍唔住笑

「哈哈你係邊到買架？」Claudia就喺度問我

「名店坊間adidas originals囉，你呢？」

「我係Time Sqaure上面間adidas originals買架。希望你會鐘意啦！」

「估唔到我地兩個竟然買既野係一樣啊！」

「你係咪抄我架姐？」Claudia喺度問我

「可能係緣份呢？唔好講抄咁難聽。不過你都幾有Taste喎！」

「使乜講？我自己鐘意買啲易襯既衫褲鞋架嗎！！你眼光都唔差啦！」

「Maybe我同你係同一類人呢。」

「乜你地啲男仔唔係個個都鐘意買潮牌架咩？話晒你又戴GMT又Supreme書包！」

「又唔係既，其實都係主要視乎你識唔識襯衫姐同舒。同埋我覺得太貴啦。」

「咁你平時鐘意著咩牌子既衫架？」

「好多架。不過我自己鐘意著啲大路既牌子！」

「好似H＆M同Champion嗰類啊？」

「差唔多啦，著咁貴冇用架。咁你呢？」

「我自己就鍾意一啲靚得來又著得好睇嘅衫。」

「你唔係話會買潮牌呀嘛？」

「咁我又唔會特登買嘅，除非有人送比我先會著下。」

「不過你都幾識襯衫喎，着起上黎有氣質同高貴。好似仙女下凡咁。」

「你依家係讚我定窒我先？我都知我自己好有魅力嘅。」Claudia又喺度自戀

「梗係讚你啦林小姐。我出自真心架。不如去Starbucks飲杯野坐係到休息下啦！」

「都算你識講嘢！如果唔係打你架。」

我地之後行左去Starbuck到坐底到飲野

我就叫左杯Hazelut Latte，而Claudia就叫左杯Mocha Cream

之後我就幫Claudia拎埋佢杯野飲就去返我地個位到

「嗱有野飲啦！」

「Thank you！」

「唔使客氣喎！下次你請！」

「好啊！你今個sem既Time Table點啊？」

「我今年修好少科咋，同埋返學時間都係夜晚返。全年加埋都係讀5科。」

「比我睇過，喂我返學時間同你一樣喎。」

「你都係返夜晚啊？」

「係啊，因為我要實習啊。BTW你地讀法律嗰啲唔係要take好多科架咩？」

「咁我努力讀書架嗎，所以之前咪比人地Take多啲科囉！」

「你會努力讀書架咩？唔似喎！」我又比Claudia挪瑜

「你睇唔出呢？」

「真係睇唔出架。咁你以後咪可以車埋我返屋企？」

「點止添啊，車埋你返工都得啊！」

「點解既？」

我：「因為我可能車妹妹出地鐵站啊，到時可以一次過車晒你地兩個返學啦。」

「好啊！咁以後就要靠你架啦！飲埋杯野我地就返去啦！」

「好啊！」

我地飲完野就落左去搭mtr返去，入閘前見到我地個組B Sandy同Will拖住手，仲要十指緊扣

佢地話快就行埋左一齊，果然識食。

Will：「Hello組爸組媽，乜咁岩既？」

我：「係啊。頭先我地一齊食飯啊。你地呢？」

Sandy：「冇啊我地兩個行街街囉。」

Will：「係啊我地個行街街啊。」

Claudia：「原來係咁，係呢你地兩個Reg科Reg成點啊？」

Will：「唉講起就頭痕啦，我地兩個除左Take左啲必修科之外，其他科都reg唔到。」

我：「你地要同Faculty講喎，如果唔係既話會唔夠Credit架！」

Claudia：「好似唔可以淨係reg上半個sem，要reg晒一年。」

Sandy：「OMG！！！！我地淨係reg左上半年既course。原來要reg埋下半年架！！」

Claudia：「唔怕架，你同Faculty講返你個問題，之後有咩唔明再問我同組爸啦！」

Will：「多謝你地啊！」

我：「頂你講呢啲！咁你地係我既仔女黎架麻！係呢你地返Hall定係返屋企訓啊？」

Sandy：「我地返Hall訓啊，你地都係啊？」

Claudia：「唔係啊，我地返屋企訓啊！」

Will：「咁你地之前有冇住Hall架？」

Claudia：「冇啊。我之前想住不過都一直抽唔到。」

Sandy：「I see，咁組爸你呢？」

我：「我當年都抽唔到啊，搞到我日日都要揸車或者搭車返學。所以你地要好好珍惜住Hall既日子啊。好好玩架！不過要樣樣野要小心！」

Will：「原來係咁架！係啦咁我地唔阻你地啦，我地都要返去啦。拜拜啦組爸組媽！」

我＆Claudia：「拜拜Will，拜拜啦Sandy！」

之後我地就分道揚鑣。我同Claudia去左柴灣方向，而Will同Sandy就去左HKU方向

上左車之後，Claudia就問：「真係估唔到阿Will同Sandy咁快就拍拖。」

「係啊，你都可以架！」

「唔啦，我暫時都唔想拍拖住。想專注返學業同工作上。」

「都係既，咪比自己休息下啦！」

「其實你都得架。」

「我都Same With U啦，唔係好想拍返拖。」

「因為你以前個女朋友？」

「唔多唔少都係架。始終個心都會牽掛住。」

「不過講真我地人生最後個暑假真係完左啦！」

「我就話完左姐，你仲有暑假放架喎Miss Lam。」

「你係咪挽野先衰人！我打你架！」

「講笑咋！係呢你聽日有咩做啊？」

「聽日要返幼稚園到見一見個主任同校長，要搞入職手續啊。你呢聽日使唔使返工啊？」

「我聽日放假啊！不過我聽日要返大圍到睇下我爺爺嫲嫲啊！順便想整下部車！」

「Oh，原來係咁啊！不過你下次一定要帶我去啊！」

「我有講過架咩？」

「你上次咪講過會帶我去！Miki可以做證架！」

「係喎！」

「你係咪扮失憶啊？」

「Er。。。。。。」

「扮失憶啊嗱？要打你先得。」Claudia無啦啦又偷襲我

「你偷襲我？」

「嘻嘻！」Claudia喺度奸笑

「打你打你打你。」

「打死你打死你！」

我地就係車廂到好似小朋友咁你追我逐同打黎打去。。。

不過因為我地搭既係尾班車，所以車廂內都冇人。

如果唔係實比班高登連登仔偷影PO上網話一對低B情侶係港鐵車廂到打架。。

「下一站，太古。Next Station：Tai Koo。。。。。」

「喂你仲玩！！落車啦！」Claudia喺度制止我

我地兩個就一齊落左車。。。

唔知係唔係頭先挽得太顛，搞到我地上氣不接下氣。

「我頂你唔順啦！成個大細路咁！」Claudia喺度話我

「你都係啦！不過搵日真係要打下波同跑下步先！太耐冇操過啦！」

「我都要減下肥啦，呢排成個人漲晒！」

「其實你都唔使減啦，你咁樣就最FIT啦！」

「FIT你個死人頭啊，你都唔使減啦！」

「搵日一齊做下運動。」

「好啊，不過你平時做開咩運動先？」

「好多架，都係跑步打籃球咁啦。你呢？」

「我自己鐘意打排球啊同跑步啊。又或者做下瑜伽！」

「幾好啊，你識唔識游水先？」

「識識地啦，不過起碼會游到深水先。你呢？」

「當然識啦。我游沙灘大架！」

「咁招積搵日一齊游啦！我知屋企樓下有個泳池可以游架！」

聽到Claudia話呢句，唔知點解成個人突然間硬晒同好High

因為可以有機會睇到Claudia著三點式個樣。。。。

「好。。。。好啊！」

「搵日放假先啦！」

「就weekend啦！」

唔經唔覺又返到屋企啦。。。。。。。

「好啦我上去啦拜拜！」Claudia對我道別

「拜拜！你早啲休息啦！如果唔係會唔夠精神架！」

「知啦長氣鬼！」

我於是就返左屋企，見到大家坐左係到睇電視

我：「我返黎啦！」

爹地：「阿仔你返黎啦！又咁夜返既？」

我：「同朋友出去食飯啊嗎。」

妹妹：「係鬼啊你約左Claudia姐姐食飯啊。」

我：「邊係喎？？？」

妹妹：「呢袋咩黎架？」

我：「波鞋啊。」

爹地：「阿仔你今日去左波鞋街咩？」

我：「唔係啊，今日係銅鑼灣買架。」

媽咪：「又唔見你買埋比我地既？」

妹妹：「係囉自私鬼！」

爹地：「好啦唔好嘈住啦，阿仔你聽日係咪返大圍啊？」

我：「係啊趁放假想返一返去行下同埋探爺爺嫲嫲同姑媽啊！」

爹地比左袋日用品我：「嗱你聽日返去比爺爺嫲嫲啦，同埋比埋日本手信比姑媽啦！順便幫我同佢地講聲我下次有時間先再去探佢地啦！同埋記得去沙皮狗嗰到幫你架車加啲補品啊！」

我：「知道！」

爹地：「冇野就早啲訓啦！」

媽咪：「係啊聽朝一早要起身架！早啲訓啦！」

我：「咁我沖涼訓覺先啦！早抖。」

我沖完涼之後就入房訓覺

不過唔知點解我完全訓唔到，個腦一直都諗住Claudia

其實我係關心佢定係真係已經鐘意左佢呢？我自己都分唔清楚

或者個天要告示比我聽真係要開展另一段愛情啦

但係Claudia岩岩先同佢男朋友分手，始終如果我係呢個時候同佢示愛既話佢未必肯接受

呢啲係咪叫做「曖昧」呢？

「徘徊在似苦又甜之間 望不穿這暖昧的眼
   愛或情借來填一晚 終須都歸還 無謂多貪
   猶疑在似即若離之間 望不穿這暖昧的眼
   似是濃卻仍然很淡 天早灰藍 想告別 偏未晚」