由O Camp組爸組媽變左做真正既夫妻: Chapter 16
O Camp過後，又係回復返正常返工既日子
而我地就未正式開學，只係繼續返firm
「鈴鈴鈴鈴。。。。。。。。。」
我起身望一望個鬧鐘。。。原來又要起身返工
於是我就即刻梳洗同換左深藍恤衫，黑西褲同黑牛津皮鞋，再拎個公事包就行左去返工
返到公司之後，KC即刻過黎搵我。
KC：「Hi Aaron，早晨啊！」
我：「早晨啊副院長！」
KC：「O Camp好唔好玩啊？」
我：「OK啦！都識左好多師弟師妹啊！」
KC：「有冇溝妹妹仔先？」
我：「冇啊！都係做吓朋友仔算啦！」
KC：「哈哈！雖然做嘢同讀書好緊要，不過都要識下女仔。WORD－HARD ＆ PLAY－HARD架知唔知！」
我：「知道。」
KC：「如果你識唔到女仔唔緊要，Uncle KC介紹幾個比你識啊！」
我：「好啊多謝你先！」
KC：「係呢想唔聽吓Uncle既情史啊？！」
我：「好啊！」
KC：「戈時我同你爸爸岩岩考到入HKU，都係因為貪玩咪報O CAMP囉。不過當時既O CAMP就肯定冇你地而家玩得咁放架啦！」
我：「戈時既女仔係咪多數都係乖乖女黎架？」
KC：「大部份啦，我記得戈時我同你爸爸去完O CAMP之後就約左其中兩個女仔出黎去海洋公園玩。戈兩個仲要係我地HALL既校花黎架！」
我：「嘩！校花你都溝到啊？」
KC：「係啊！其中一個係你媽咪黎架！」
我：「吓？真架？」
KC：「係啊！你爸爸戈時仲要係大學堂到拎住支結他對住你媽咪唱【為你鐘情】啊嗎！之後佢仲要當住成班人面前表埋白添！我到而家都仲記得！」
我：「咁我爸爸最後成唔成功啊？」
KC：「梗係得啦！佢地自此就一齊左，之後grad左就即刻結婚生左你地兩個！你媽咪當時真係touch到喊架！」
我：「嘩真係唔講唔知！咁你最後有冇同另一個女仔係埋一齊啊？」
KC：「我就冇你爸爸咁好彩啦！因為我當時畢左業之後去左英國讀書，而佢就全家移左民去加拿大。自此就冇聯絡啦！不過我相信有朝一日我地會遇見架！係啊你今日如果冇case跟既就陪我上court啦！」
我：「好啊冇問題啊！」
KC：「不過你暫時要旁聽住先啦。因為呢方面你未有經驗，等你儲夠經驗同學習多一排先比你坐我隔離啦！」
我：「多謝你先！」
KC：「唔使客氣！做得野既人我一定會比機會佢既。係啊我地都差唔多出發啦！Yyonne你準備好未啊？」
Yyonne：「準備好啦！」
KC：「Good！今日Aaron會跟埋我上Court！你有冇問題？」
Yyonne：「OK啊！冇問題啊！」
Yyonne係我地firm既女師爺，主要係負責幫KC處理日常法律事務。亦都係我大學既師姐（不過都大我成四年左右）。係半年前岩岩同佢男朋友結婚，而家已經有左兩個月BB。個樣好似「楊采妮」
我地三個就離開左firm就去左高院，之後就見到我地個client
原來KC個Client係一個城中富豪黎，不過今次因為佢捲入一單家族爭產案，所以就搵咗KC幫手啦！
真係好似啲電視劇咁。。
不過係法庭入邊既KC同我地平時見到既佢完全係判若兩人。。。。。。
佢既口齒超級伶俐，有氣勢之餘又斯文有禮。將對方律師同證人問到口啞無言
而Yyonne就佢隔離不斷整理緊啲資料同寫NOTES，而我就係公眾席到不斷咁留意佢地既言行舉止
最後法官都判左KC個Client勝訴
KC同我講：「今日學到野未啊Aaron？」
我：「學到野啦，今日真係精彩無輪！」
KC：「小兒科黎姐，聽多幾次庭就知咩事架啦。如果有唔明既就問下Yyonne啦！慢慢學啦！我仲要出去開會啊！你同Yyonne自己返公司啦！」
我同Yyonne就出左高院門口，而KC就去左其他地方到開會
我：「係呢Yyonne你一唔一齊食飯啊？」
Yyonne：「我約左我老公食飯啊，如果你食既話可以一齊食。我老公黎啦！」
我：「唔阻住你地二人世界啦。陣間公司見啦。我自己食就得架啦！」
跟住Yyonne同佢老公行開左去
於是我就自己返公司淥個杯麵食，之後繼續做野
不過唔知點解今日公司有咁多野做，同埋KC無啦啦臨放工前Wtsapp叫我幫佢作N份立法會講稿。
搞吓搞吓搞到成差唔多成十二點先放工
諗住跑去地鐵站到趕搭尾班車返太古啦。。。
點知我臨入閘前，Claudia就打電話比我
我接左電話之後，就係到聽見佢喊
我：「喂？傻妹你有冇事啊？」
Claudia：「嗚嗚。。。。。。。衰人我好唔開心啊。。。。你可唔可以而家過黎銅鑼灣海旁到陪我啊？」
我：「OKOK！！你而家唔好行開。我即刻過黎！」
我於是即刻由地鐵站跑返上去的士站，上左部的士去銅鑼灣海旁。係過程中，我感覺到好惶恐不安，好驚Claudia會做傻事。你要等我啊！
個司機問我：「先生你係咪趕時間啊？睇你個樣好似好急咁喎！」
我：「係啊！麻煩快少少唔該！」
司機邊踩油邊講：「係咪搵女朋友啊？」
我：「又唔係既。。。。。」
司機：「通常去呢啲地方都係想搵女朋友cool煲架啦，我都車過唔少啦！」
我：「我朋友出事，好擔心想去睇下佢！」
司機：「係啊，不過你呢種人我已經真係好少見啦！真係好重情義！好啦到啦！快啲去搵你朋友啦！加油啊！後生仔！！呢程唔收你錢啦！」
落左車之後，我就見到Claudia坐左係到，佢著住件藍色連身裙加對白色CONVERSE ALL STAR波鞋，係到不斷咁喊。我就行去佢隔離，見到佢隻眼喊到腫晒，面都青埋。應該喊左好耐之後佢見到我就將我攬到好實，仲要喊得更加勁。我feel到佢對波好大搞到我支巨龍扯起左，不過我冇咩心情理呢啲野！淨係點樣諗緊辦法去安慰返佢同一直攬住佢。。。。。同邊輕輕撫摸佢個額頭。。。等佢情緒平伏返
「Sorry啊！岩岩放工啊！」
「我冇事。你終於黎啦。我等左你好耐啦！」
「到底發生咩事姐？」
「點解佢可以咁賤格，係到強詞奪理？鳴嗚嗚。。。。。。」
原來今日Claudia係到見到個EX同佢個好姊妹一齊，仲要當場係被呢對狗男女單單打打，搞到Claudia忍唔住喊。而Claudia個好姊妹更加反面唔認人，一直都妒忌Claudia由細到大都靚過佢，讀書同其他方面都叻過佢。叫Claudia唔好再騷擾佢。聽完Claudia咁講，我覺得點解呢個世界上有咁撚仆街既賤男，玩完女都算仲要強詞奪理，當正自己咩都岩晒咁樣。如果比我見到呢啲賤男，我一定打撚到佢仆街。
「反正呢個世界都冇人理我錫我架啦！！！！我死左佢好過啦！！！」Claudia好激動。
我於是就將Clauida攬到好實，唔比佢亂黎，盡量安撫佢激動既情緒。
「做咩事要去死喎！！！傻妹你知唔知你咁樣做係好自私架！死係解決唔到問題架！」
「嗚嗚。。。。。。。。。」
我跟住冇出到聲，淨係拎張紙巾幫佢抹乾面上既眼淚同撫摸佢個頭，等佢情緒冷靜落黎。
「好啦唔好再喊啦！再喊就唔靚女架啦！如果比人見到以為我係到恰你啊！今次失戀咪搵個第二個攞！唔使死既！如果你死左邊個同我鬥咀啊！邊個同我打機啊！邊個同我唱K啊！」
「係啊好好笑啊！你咪搵第二個女仔做呢啲野囉哈哈！」
「笑翻咪幾好！我送你返去啦！」
「唔翻啊！我唔翻屋企啊！嗚嗚......」Claudia又係到喊⋯⋯
「好啦好啦！咁你不如陪我食野啦！我頭先飯都未食咋！而家好肚餓！」
「我要食糖水！！！！你請我食！」
「好好好！！！你想食乜都得！總之你笑返就咩都得！」
我地兩個跟住去左附近間甜品屋到食野，之後搵左個少人既地方坐低。我知無論如何今餐可能會好貴，但無論點都好，而家唯一可以做既就係要Claudia開心返。
「你想食咩啊？」
「我要芝麻糊湯圓。」
「咁我都要呢個啦。」
於是我地兩個就叫左兩碗芝麻糊湯圓
「對唔住啊我頭先對你發脾氣！你唔會嬲我架可？」Claudia好內疚。
「傻啦我都冇嬲你。你鐘意喊咪喊囉！冇人話唔比你喊喎！有時喊出黎會舒服好多架！你只係一個普通人黎，做咩要自己逼到咁辛苦呢？」我苦笑。
「原來愛錯左一個人真係咁痛架！」
「我當年仲痛過你啦！而家咪又係一樣坐係你面前！或者你應該由另一個角度諗，可能你地分手未嘗唔係一件好事啊！」
「點解啊？」Claudia問。
「如果兩個人勉強係埋一齊既話真係冇幸福架！既然你地兩個價值觀唔同，不如分開對大家都好啦！又或者咁講結婚前睇清楚呢個人，總好過結婚之後黎後悔。」
「你又知？你好似好了解我喎？」
「作為你既朋友當然要了解你啦！」
個侍應比左兩碗芝麻糊湯圓我地
「快啲食啦！唔食就凍啦！」
「好啊！咁我唔客氣啦！」
「你睇下你食到成個咀都係啦污糟貓！我幫你抹啦！」我幫佢抹走佢個咀啲芝麻糊，話時話呢間糖水鋪既甜品都唔錯，有下次！
「點解你可以好佢咁多既？」Claudia嗲住問我。
「咁我不嬲都好人架啦！」
「你唔怕我會呃你嘅咩？」
「我知你唔會嘅！」
「你又知我唔會？」
「直覺！同埋我知你唔係一個會講大話嘅女仔！」
「你睇人都靠直覺架咩？」
「我識左你咁耐你份為人我會唔知咩！」
「我識佢夠耐啦，咁又點姐！其實到最後我真係一啲都唔了解佢。由細到大我一直都以為自己好有自信，睇人既眼光好準，但係而家。。。我先知原來自己真係好失敗！」
「咁你而家失敗左姐，唔代表將來都會失敗架！最緊要既就係下次做得岩咪得囉！我覺得你今次做得好岩添！起碼知道長痛不如短痛呢個道理，」
「我同我自己講我以後都唔會再比機會佢啦！以後都唔會。總之以後呢個人既事與我無關！」
「好啦食完糖水我哋一齊返去啦！今餐我請你啦！就當慶祝你回復自由啦！」
「好好笑啊哈哈哈！多謝你啊衰人！」Claudia終於笑返。
我哋就埋咗單，然後坐的士返屋企
點知原來又係頭先車我個的士司機.....懷疑佢一直冇走到，再細心啲睇，呢架的士係豐田大皇冠柴油的士，九十年代既香港呢啲車真係成行成市，但自從柴油的士轉晒做石油氣的士後，啲柴油的士真係買少見少，而家有得坐真係三生有幸。曾幾何時，柴油的士係香港港英時代既象徵，同皇家香港警察、華籍英兵、港督、港英旗、啟德機場既地位一樣，但隨著政權既交替，呢啲現象已經一去不返。
司機：「咦哥哥仔原來又係你呀？」
我：「係呀係呀！我地真係有緣啊！」
司機：「上車啦車埋你地就落更架啦！」
於是我同Claudia就上咗車
司機：「去邊度啊哥哥仔？」
我：「我去太古城呀唔該你！」
司機：「咦哥哥仔你同你女朋友好返啊？」
Claudia即刻變得好怕羞，面都紅埋
我：「佢唔係我女朋友黎架，只係朋友黎！」
司機：「小姐真係唔好意思就誤會左你地兩個係情侶。」
Claudia：「唔緊要唔緊要！」
司機：「 不過你地兩個真係好登對！見到你哋以為你哋真係拍緊拖！」
我：「邊係呢哈哈哈哈哈！」
司機：「後生女啊你要好好珍惜你朋友呀，頭先見到佢真係好緊張出晒冷汗，佢真係好擔心你架！」
我：「.........」
我望一望Claudia，原來佢挨落我個膊頭訓著左
唔知點解佢喊完個樣好似小貓咪咁惹人憐愛，搞到我好想摸佢個頭
而呢個時候收音機突然間播左張學友首（期待）
像逝去的光陰 消失似有主宰
人們還道悄悄歲月已天天的更改
現在沒有堅守的諾言 世界已變改
從前如誓盟的愛 早經不復再
夏日漸去秋天將又來 難言無奈
凝凝回望過去或有傷心悲哀
像夜裡星空沒法擁抱心內
愛已像個空虛孤單障礙賽
過去過去現在現在充滿感慨
你我似個小伙子般衷心期待
我要悄悄的走開 請不必感慨
(不必追憶傷感的戀愛 啊…)
期望你會瞭解心底這份愛
聽完呢首歌，原來已經返到屋企樓下。於是落咗車
「好返啲未啊？」我邊講邊摸佢個頭。
「放心啦我心情好返好多啦！冇野架啦！」Claudia甜笑。
「依家笑返咪幾好，呢個先係我識嘅林雅晴黎架嘛！」我話。
「多謝你呀衰人！」Claudia話。
「唔好諗咁多啦！你記得返去沖個熱水涼休息下啦！我送埋你上去啦不如？」我話。
「好啊好啊！我以後可唔可以約你出嚟傾計呀？」Claudia話。
「我隨時都得閑架啦！你鍾意嘅咪約我行街睇戲食飯或者打電話搵我傾計都得架！反正我呢個毒撚既電話廿四小時都on call嘅。不過返工時間就例外啊！」我話。
「話唔定我會上嚟你公司幫襯你呢！」Claudia話。
「唔好啦通常想來我公司多數都唔係好嘢嚟架？」我話。
「咁買屋做屋契都得掛？」Claudia話。
「呢樣得隨時歡迎！好啦lift到啦！」我話。
我哋於是就入咗電梯，突然有個女仔話等埋
原來係Miki...............
Miki：「咦Claudia你同Aaron一齊返啊？」
Claudia：「係啊我哋頭先一齊出去食嘢吖嘛！係喎你啱啱去邊嚟啊？」
Miki：「我啱啱同我男朋友一齊出去行街睇戲食飯咋嘛。你地兩個又會咁啱一齊出去食嘢嘅？有啲古惑喎？」
我：「冇我哋咁啱撞到姐。」
Claudia：「係囉我哋都係咁啱撞到姐！」
好彩我哋兩個份口供夾得幾好，所以都唔怕Miki懷疑
Miki：「不過你地兩個著埋同一顏色嘅衫喎！」
我：「咁全香港有好多人都係着藍色衫架啦！撞到真係唔出奇架！」
Claudia：「係呀係呀真係咁啱咋！呢個衰人抄我囉！」
我：「唔係啊係你抄我囉！」
Miki：「 你兩個唔好耍花槍啦！我講笑嘅咋！我男朋友話下次不如約埋一齊出嚟食飯飲嘢啊！」
我&Claudia：「好啊好啊！」
Claudia行埋黎我耳邊同我講：「你唔使送我上去啦！有Miki係到得架啦！你早啲休息啦！多謝你！」
電梯到咗我個層....
我：「好啦我返屋企先啦拜拜啦！拜拜Claudia！拜拜Miki！」
Claudia ＆Miki：「拜拜！」
我就行返入屋企，見到爹地媽咪同妹妹都喺度睇電視
妹妹見到我就問：「哥哥你返嚟啦你做乜咁夜翻嘅？」
我：「今日公司多野做啊嘛，所以咪遲放工囉！」
媽咪：「以為你又出去識女仔添。」
我：「邊有咁多女仔俾我識呀咁多嘢做。」
妹妹：「佢邊係做嘢呀掛住搵靚女姐姐呀嘛！」
爹地：「得閑帶個女仔落嚟俾我哋見識吓！可能係你既未婚妻呢？」
我：「我哋朋友嚟架咋我哋冇野架！」
妹妹：「係喎見到呢你上次玩得好開心喎！」
我：「唔同你講啊我去沖涼瞓覺啦。」
沖完涼之後，我就喺度做緊公司啲嘢同埋reg啲科
咁上下就開部電話睇吓啦
原來係Claudia wtsapp我
「返到屋企啦，而家心情好返好多啦！多謝晒你陪我廢up左成晚啦！」
「咁咪幾好，頭先真係好擔心你呀！而家見到你無事就好啦！」
「放心啦我無事呀！」
「你以後記得有咩事要同我哋講啊，唔好咩都收收埋埋啊！我好樂意做你嘅樹窿架！同埋搵多一個人傾訴會好啲架！」
「唔知點解我而家覺得成個人輕鬆晒！」
「好簡單姐因為你已經唔再鍾意佢囉。同埋你凡事都要向好既方面諗，就算係分手都可以學到好多野。唔係個個都有呢啲經驗架！」
「嘩你好似好主張想我分手咁喎！」
「咪當俾個機會你睇清楚你男朋友係個咩人囉！」
「不過如果佢再出現我面前，我真係唔知點面對啊？」
「既然你決定左了斷呢段感情！唯一可以做既就係做好自己，要活得比佢好！激死佢為止哈哈！」
「好啦就聽你一次咁多啦！咁你覺得你女朋友離開咗你係咪完全一件壞事黎架？」
「其實又唔係嘅。雖然佢離開咗我，但係同佢一齊日子都係好開心嘅。同埋佢嘅離開令到我成熟長大左好多！」
「例如有啲乜嘢啊？」
「珍惜身邊每一個人囉！當機會嚟到嗰陣你要好好咁把握！」
「原來係咁，聽日使唔使返工啊？」
「要啊做乜嘢啊？」
「我問吓你姐。」
「以為你想我陪你出去食飯添。」
「你就想啦咁快想食人哋！人地岩岩失戀咋！」
「未知聽日使唔使OT ，到時再wtsapp啦！」
「好啊好啊！ 我都係早啲休息啦！今晚要好好休息下。終於可以大覺訓。」
「如果瞓唔着嘅時候飲杯鮮奶啊！會容易瞓得着架！」
「ok！goodnight！」
「goodnight！」
「阿仔你仲未瞓嘅？」爹地突然敲門入嚟。
「冇啊諗住整理下公司啲嘢同埋學校啲嘢架嘛！」
「啊仔你呢排返工返成點呀？」
「今朝跟咗KC去法院到聽審。同埋要處理返立法會啲嘢。爹哋我問你一個問題啦？」
「咩問題啊？」
「你以前點樣識媽咪架？」
「我講起都廿幾年前嘅事啦，當時我岩岩入港大讀書，諗住貪玩報我哋嗰個Hall O Camp，結果就係同你媽咪同一組。你媽咪當時個樣好似「周慧敏」，好多男仔追佢架！不過如果要真正要同佢好熟嘅話呢， 要係完咗個camp之後啦。」
「你後期點樣約佢啊？」
「後來我同KC叔叔一齊膽粗粗約咗佢同另一個女仔出嚟去海洋公園玩呀，之後大家就開始變得好熟。後來我成日都約佢出嚟行街睇戲食飯，連溫習都一齊溫。直至到有一次我就拎住支結他住佢唱為你鍾情，到佢眼濕濕。就乘乘機機同佢表白左囉！」
「你地有冇分開過啊？」
「我哋嘅關係一路都保持得好好啊！同佢一齊行埋咗之後一直拍拖拍到去出嚟做嘢，後來有左你之後我地就結左婚啦！」
「你地兩個咁浪漫架好似童話咁！」
「下次有機會帶靚女姐姐返嚟一齊玩啦！」
「我哋冇野架，係同學同鄰居黎嘅咋。」
「阿仔你係鍾意人嘅去馬啦！機會唔係成日有架！錯過咗就冇架啦！你都20幾歲啦，時候都要搵返個女仔啦！仲有沙皮狗話入左啲補品，叫你過去佢到整。」
「得啦得啦！」
「好啦唔阻你做嘢啦，早啲休息啦！」
「Goodnight Daddy！」
「Goodnight！」
之後我一直喺度諗，到底應唔應該去尋覓另一段愛情呢？
不過都係算啦，我真係好驚冇信心陪對方走到最後。
唔知Claudia點呢？希望佢會冇事啦！
於是我就繼續訓............