由O Camp組爸組媽變左做真正既夫妻: Chapter 5
到左第二日朝早起身........
一開wtsapp，就見到Claudia send左張相比我
再打開黎睇下，竟然係我尋晚飲野既側面照.......
佢再加多句：「我係咪影得你好靚呢？」
哎啊佢竟然偷影我！！！
我就打返：「唓都唔靚既，下次要偷影返你先得！！」
唔夠10秒，佢即刻應返我：「你影到我先算啦，不過你影我唔到既hehe！！咦你而家做緊咩啊？」
我：「冇啊岩岩起身啊我！！你呢？」
Claudia：「我都係岩岩起身攞，而家同媽咪準備去中環行街飲茶攞。唔同你講住啦，拜拜！！」
我：「好啦咁。咁你飲得開心d。」
同Claudia傾完之後，本來自己想落去太古城中心到行下街食下野。
點知換衫嗰陣，突然間有個wtsapp加我
「Hi Aaron，我係Professor KC Lau啊，你而家即刻黎我間firm到見我啦！記得要著Smart Causal啊！」（Professor KC Lau係我地faculty既副院長｛同律政強人個KC Lau同名｝，亦都係著名既資深大律師，近呢10年從未輸過一場官司，而佢間firm亦都係全港四大律師樓之一）
我突然間成個人硬晒..........以為有d咩大獲野發生......
之後我即刻換左白色長袖恤衫，黑西褲同埋深啡色牛津鞋，gel埋個頭就出門口
由於佢間firm係力寶中心，於是搭mtr出去金鐘
用左20分鐘時間就到左佢間firm既地址
我就搭lift上左去，到左40樓
一出lift門口，就有個小姐行左過黎
小姐：「你好係咪梁生啊？我係劉律師既副官，我姓葉。你可以叫我Cindy或者葉小姐。係呢你英文名係咩啊？」
我：「Cindy妳好！叫我Aaron就得架啦！」
Cindy：「呢個名唔錯啊。咁你咪好鐘意郭富城攞？」
我：「都幾架，不過我冇佢咁靚仔啊哈哈！」
Cindy：「你都唔係好差姐，係啊劉律師而家係會議室到見緊客，等佢出黎就帶你入去見佢啦。而家我就帶你入去你個位同埋介紹埋其他同事比你識啦。」
之後佢就逐一介紹同事比我識......點知原來我學長Fred都係到，
Cindy問：「你地兩個識架？」
我：「係啊！Fred係我學長黎架。我地好fd架！」
Cindy：「明白明白！咁Aaron你就坐Fred隔離啦！」
我做個ok手勢，之後就坐低左落我個位到。
我就問Fred：「死仔你係咪一早知啦？」
Fred：「大佬我咩都唔知架，我淨係知副院長話今日會有個新同事加入我地間firm喎。估唔到係你囉。咦係喎你係大圍邊過黎啊？」
我：「冇啦我搬左去太古城到住啦我。因為我姑媽返左黎香港做野，所以佢以後會住元朗戈間屋。再加上我爸爸媽媽而家調左去北角到返工同埋我個妹係港島到讀書，於是就買左太古城啦。」
Fred：「有錢啦你！得閒帶我上去搗亂下。」
我：「隨時歡迎。」
Fred：「Aaron啊，劉律師叫你入去喎。」
我：「ok!」之後我就入左去佢間房
我敲門入去：「劉副院長你好！」
KC：「Hi Aaron！坐啦！唔使客氣架！當呢度係你自己屋企就得架啦！要唔要試吓我親手沖既功夫茶啊？」
我：「好啊！咁我唔客氣啦！」
我地兩個邊飲茶邊傾計.........
我問KC：「係呢點解你會叫我上黎既？」
KC：「係咁既，我依家正式聘請你做我地律師樓既行政人員，同埋做我立法會私人助理。至於人工方面就唔會待薄你既。」
我：「多謝副院長既賞識，不過我成績又唔係「尖子」同「學霸」個層次，亦都唔係學生會既高層。點解你會比呢個重任我既？」
KC：「因為我睇過你之前interview既表現覺得好適合我哋公司所需要既條件同可以勝任到呢個職位。你知道嗎我哋間firm係全香港四大律師樓之一，好多所謂嘅學霸同尖子想入嚟呢度做都唔得。雖然你成績唔算係最優秀嗰個，但係講組織活動經驗同應變能力，你同Joel係最適當嘅人選。最後經過我同其他partner一番篩選之後，就決定請左你同Fred入黎我間firm做。佢都係早你兩日返工咋！」
我：「多謝你啊副院長比機會我！！我會好好比心機做野架啦！其實人工嗰方面我唔係好著緊幾多錢，最重要能夠係到學到啲係課堂學唔到既野！」
KC：「叻仔！我果然冇睇錯人啊！得唔得閒啊，一齊食lunch?」
我：「好啊好啊。」
跟住KC同Cindy講：「我同Aaron出去食飯， 下晝我地都唔會返嚟架啦。如果有咩Appointment嘅話幫我改聽日啊！」
Cindy：「知道劉生！我再同你安排下聽日嘅會議啦！」
KC：「唔該晒你先！行啦Aaron！」
我：「知道啦副院長！」
我哋離開咗律師樓，落咗去停車場
之後上左KC部寶馬X5到（今年最新款）.........上左去馬會會所到食飯
到啦我地..........
我地兩個就泊好車，入左去馬會會所到。
我：「嘩呢到好大好靚啊！」
KC：「Aaron你係咪第一次入黎呢到啊？」
我：「係啊！我咁大個仔第一次入黎呢d咁高級既地方。」
KC：「嗱你比d心機讀書同做野就可以成日黎架啦！好啦我地入去啦喂。」
我地入左去一間VIP房，坐左張4人枱。
我諗極都諗唔明。。。。。。。。唔通仲有人黎？？？？？
KC：「喂！呢邊啊！！」
我望一望門口戈邊⋯⋯竟然係爹地媽咪
我：「。。。。。。。。。」
爹地：「冇啊阿仔你今日第一日返工啊，咪諗住同媽咪比個驚喜你攞！」
我：「原來係你地兩個安排既。」
媽咪：「其實呢我地同KC係大學同學黎架！而KC一直想搵個幫得佢手既人，咁岩你又係佢既學生，所以我同你爹地咪私底下推薦你攞！」
KC：「其實都唔係嘅，主要都係Aaron做得野姐。如果一個人做得野嘅話我一定俾機會佢嘅。你係我世侄黎架嘛！」
爹地：「係啊，時間過得真係快。咁就畢左業成廿幾年啦。」
呢個時候，KC突然比左個信封我，叫我開黎睇下
我打開睇下，原來係兩條掃把佬車匙，仲有張保險單，牌簿，HKMI既驗車報告，過戶通知書
KC：「嗱比部車你揸，你轉頭同我一齊去攞車啦。」
Daddy：「仲唔多謝副院長！」
我：「多謝副院長！不過唔怕媽咪會查你架咩？」
媽咪：「如果你冇提供非法利益比Uncle KC呢，我係唔會查你地兩個既。」
KC：「你應得既，不過你要比心機讀書同做野啊！同埋架車唔係免費俾你架，到時出左糧你再慢慢供俾返我啦。我會係你人工到扣返架啦！」
Daddy：「嗱阿仔到時記得車我同Uncle去遊車河就得啦。喂快D叫野食啦。」
我地叫左四個Set lunch，有沙律、燒雞、羊架同雞蛋布丁
呢餐應該係我有史以黎食得最開心同最貴既一餐。。。。。。。
媽咪：「喂老公啊！我差唔多要返工啦！比心機做野啊！」
爹地：「知啦老婆大人！阿仔今晚見啦！」
我：「拜拜爹地媽咪！」
而我就跟左KC去firm個停車場到攞我部新車
去到83號車位，我地就停低左。
我淨係見到一部全原裝白色，鷹眼頭燈既第九代，Subaru WRX STI泊左係到，請留意，呢部係Impreza既WRX STI唔係一般既STI系列，仲要係超級無敵旱有既Spec C Type RA-R系列，全日本只係有得300部限定，係香港好難會見到咁特別既WRX，聽講車價僅次於佢師兄22B，同期兄弟S204，當時新車大約五十幾萬左右。（不論新車還是二手市場）
架車同以下呢架係一模一樣，只係出左香港車牌。車牌號碼好普通，不過唔緊要啦，反正我都會將架100仔既車牌號碼，留返係新車用。
「呢架車已經轉咗名俾你爹哋㗎啦，我要去政府到開會先，你聽日記得10:00準時返firm啊！」KC話。
「架車係你架？」我問。
「架車係我個侄仔架，佢換左車咪放攞，我侄仔好錫車架，架車佢執好晒靚仔晒架先比你啦！咁岩你爹地知你想換棍波車，我咪同佢講話我有架車想放，佢見到試完之後就好鐘意。就即刻開左張Cheque比我落訂。好啦！你好好愛錫架車啊！」KC話。
我同KC道別左之後，攞出GDB既車匙，按解鎖掣。
上到車，架車同100仔好唔同，無論著車聲，比油聲都好唔同。好彩呢架車裝左Pioneer大面板藍芽車機，可以盡情聽歌。
唔使我講大家都知，EJ20同4AFE既引擎點會係一樣呢？坐上呢架車就好似變左百米飛人咁快，一比油，哇屌，架車真係好撚RAW，睇汽車雜誌話RA-R係繼22B之後最值得擁有既一部掃把佬，原來係真㗎！
咁起步就要比多啲油，始終呢架車係2公升，算係唔錯架啦！唯一唔方便既就要裝返個快易通同行車CAM，同埋要用鎖匙先打開到尾箱，同埋最唔好嘅係因為呢架車為咗偷輕完全冇隔音，冇扶手，車尾冇隔音棉，低扭都係一般般。
放返好啲野，再睇下架車既Mileage，DLLM只係行左一萬一千KM，十幾年車黎講其實算超級低咪數，綜合黎講Condition好靚。
然後我就揸左出去，見下午唔使返工，就出下去冷下車啦。今日點都要揸返夠本。
出左停車場門口，去到太古廣場既巴士站，就見到Claudia一抽二袋喺巴士站等緊巴士，佢個樣好似好辛苦咁。見到佢今日一身白色長袖恤衫，牛仔褲，加對黑色既平底高跟鞋，好似啲氣質女神。
我就停低係佢面前同hi佢。
「Claudia！你係到既？」我話。
「Aaron乜咁岩既？你換左掃把佬啊？唔係揸BENZ既？」Claudia用佢個招牌笑容回應我。
「又唔係換車嘅，因為我之前架車劏左，所以咪換咗第二架囉。係呢你返太古城啊？」我問。
「係啊！你都係啊？」Claudia話。
「係啊！唔知你樂唔樂意做呢架車既第一個女乘客呢？」我話。
「當然樂意啦！不過我想遊下車河先返去。你趕唔趕時間啊？」Claudia話。
「好啊，反正我今日都冇野做。上車先啦！」我話。
「YEAH！！終於有人車我返去玩啦！終於可以坐掃把佬啦！」Claudia歡呼。
Claudia就上左架RA-R到，話時話Claudia真係識啲野，知道呢架車係咩牌子，一般港女都淨係識BENZ，寶馬等等，但係Claudia竟然知道SUBARU呢個JDM牌子，搞到我有啲意外。
「係喎唔使接你媽咪咩？」我話。
「唔使啊，佢同我爹地過緊二人世界。不如上山頂到行下啦。」Claudia話。
「好啊！咁我地出發啦喂！準備好未啊？」我話。
「我等你開車咋！」Claudia話。
「我等你扣安全帶啊！」我話。
我地兩個由公司出發，經紅棉道，山頂道上去。沿途附近有好多好大好靚既別墅。而架RA-R上山力水好夠，過彎可以咬住咁過。而且無論加速、平衡、過彎都好順暢，絕對係一架好車。不過因為車住Claudia既關係，所以我係慢慢揸算，費事比佢屌鳩我亂咁揸車。
Claudia望左一望四圍既別墅，係到講：「喂呢到真係好大好靚喎！不過我地就算打成世工都冇可能住到呢到啦！」
「係啊，呢到根本唔係我地級數既人住。同埋而家d樓價咁鬼貴，唔好話獨立屋啦！如果可以買到個單位黎供都已經好好架啦！」我話。
「不過呢我信只要肯努力終有一日可以買到呢到。我絕對唔會好似「有樓有高潮」個Seasun咁，等男人送層樓比我住既！」Claudia話。
「比d心機，你一定得既！」我話。
「你都係！一齊加油！！」Claudia話。
不經不覺，我地已經到左山頂個觀景台。
望住維港兩岸既風景，同埋有個美女陪我，簡直係人生一大樂事。
「你以前成日上黎架？」我問Claudia。
「係啊，我以前個男朋友之前成日帶我上黎。不過分手後就好少上黎啦。係呢你有冇拍拖啊？」Claudia話。
「有啊，以前中學戈陣曾經同個女仔拍拖。大約同佢拍左三年到啦。我開頭真係有諗過第時同佢結婚生小朋友架！不過佢之前因爲交通意外離開左呢個世界，連佢最後一面都見唔到。自此之後為左懷念佢，所以我就冇再拍過拖啦。」我邊講，開始眼濕濕........
「對唔住啊，無意中勾起你d傷心事添！」Claudia好內疚咁講。
「唔緊要啦！我知你冇心既。都隔左咁耐攞。既然每個人既命運都唔同，就應該接受現實。有時係到諗冇左佢好似失去一切，不如諗下同佢一齊既開心日子啦。」我安慰返Claudia。
「我同意，做人應該向前望。唔應該一直被包伏束縛住。」Claudia話。
「你想唔想聽我同我女友既故事啊？」我話。
「好啊！」Claudia話。
我就講關於我同Winnie既故事比Claudia聽⋯⋯呢一件事，至今我都耿耿於懷，無法放下。