[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.51 【一切為了她】

我地就算再強，都冇可能喺未掌握感染者資訊以及數量嘅情況下打出100%的勝仗。喺我地之中，可以一敵十之上嘅人只有三人，其他同伴都只係得一對二嘅戰鬥能力，十三佢地又唔喺度，難度又會再次增加。

我再三猶豫，如何出招先能夠做到極致。

「唔使諗咁多，心法隨時調整，保護身邊人優先，世界冇嘢係唔可能，就算第一件唔可能嘅事出現，都會有另一件發生。」師父的教誨，我也刻印在了腦海。只不過，再次聽到他的聲音，真的是另一種感觸。我抬起頭，師父的臉便現身在我跟前。這是幻覺嗎？師父他明明一早移民外地享清福了啊。

呢位濃眉大眼，鼻樑高挺，嘴唇極厚嘅粗漢子，正是教導我接近五年嘅師父啊。我並冇認錯人。呢一度，係我學習武術嘅拳館。

旁邊係一眾活潑開朗嘅小朋友，正喺度學習高抬腿同高踢腳。





但佢地嘅存在，似乎點都唔會係真實。

「醒啦喂細路！做乜發夢？」司機的聲音很有辨識度。他的一吼，我的南柯一夢便醒了。

「吓？乜事幹？」我不知這是夢境。

「你頭先成個人靜止咗。」司機大叔如實相告。

「我頭先見你都係靜止咁啦！」我不願承認，並加以反駁。





「邊同啊，你同你老友進入界限能力狀態先可以咁快進入兩倍速啫。

我冇你地兩個天資咁優厚，要翻咁上下時間，真係普通過你食鹽食米。」

司機大叔沒好氣地說。慢着，為何我會進入了夢境狀態？還是說，這是記憶的碎片？

一串迷團又增加咗，奇怪嘅知識卻冇增加。

司機大叔知道我進入咗另一個狀態唔出奇，連L都有咁就有少少奇怪。





因為眼前嘅L，根本冇出現任何變化。

就連氣場嘅變化都冇，我用盡感知能力都係徒勞。

「唔使感知啦，依家嘅我，冇極限。我嘅界限能力狀態，喺你到本陣前已經開咗。」L一解我的問題。

「點解我感知唔到？呢幾年嚟我都未試過。」我還是不明白感知能力出現了甚麼差池。

「唔知你，可能太強勁嘅能力外衣隔絕咗外來偵測。」

會唔會係咁？最怕有另一個原因。

「睇頭！」L望着我說。

我屏氣凝神，重新再同夜行者展開一輪斡旋。





「嘎啹嗬—」這感染者的雙腳異常發達。一頓大叫後，就開始蓄力進行攻擊。

佢對腳一直唔離開地面，我冇辦法去搵出破綻攻擊，並且奪走佢行走嘅能力。

「唰鏗—」我多次揮刀，都揮了個空。

感染者合理又成熟嘅走位，加強咗難度。

利用後腳移動嘅夜行人，減少咗與地面之間嘅磨擦力，令到佢地嘅速度都增強咗。

就等於爆咗一個左前轆，同一個右後轆嘅車咁，而佢就係冇咗對手，雖然平衡力差咗，但係速度更為快。

「嘎啹嗬—」它又發出了吼叫聲，想必是要召集更多同伴。





我已蓄勢待發，等待佢嘅攻擊。

「唰—」它從地面跳起到半空中，那力量仍然不改的。

「轟隆轟隆—」震耳欲聾的雷聲響了又響，不知何時停歇。

雨點用力打於我嘅身上，冇停低嘅徵兆。

從我喺慈雲山落嚟嘅一刻，就已經冇停過。

想必阿妍佢，呢一刻一定好驚。

要快啲解決眼前嘅感染者！

「哈喝！」我頓時戰力值滿瀉，為了她。





一刀落去，精準咁架咗喺「夜行者」嘅頭上。

「唰咔—」骨肉分離，身首也分離。那優美的血花，又再次像曇花般一現。

「42N…」又是莫名其妙的數字和英文字。

「師父冇教錯，所有嘢，都可以執生。」我對L簡述自己的領悟。

「Freestyle 真係好重要下。」L回覆了我的小笑話。

啱啱冷靜咗一下，就要再次面對現實。

【如果可以離開，我多麼想是現在。】