[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.52【天才】

呢啲嘢係普通人先會講嘅啫！我呢啲天才點會喎！

雖然，曾經有過呢一個諗法。

但係，身邊嘅兄弟，唔可以白白咁俾我拋低！

「一隻新感染者出沒。」司機陰聲細氣。

「我地有兩倍速，應該冇問題？」我發起提問，但不敢自視太高。





只因每一種新感染者，都擁有我地未知嘅能力。

驕兵必敗，所以我唔會輕敵，仲會用更加認真嘅狀態嚟應付。

「執生，我地唔會知隻感染者有乜技能。」司機大叔慎重地說。

呢隻感染者，身形腫脹，行動緩慢，但係唔似得「青」同「咸濕伯父」咁眼又矇耳又聾。

我睇得出，佢具有極大嘅侵略性，從我地同「夜行者」打成一片嘅時候就有明確目標，並且一直跟隨我地行動嘅方向移動。





聽力同視力認證係正常。

「棘手啦，佢聽到嘢同睇到嘢。大家小心佢嘅走位，可能佢會有突發性攻擊。」我邊說，邊出手解決摩肩接踵的「青」和「咸濕伯父」。基本上一刀一個的他們，已不知有多少成為我們一行人的「刀下亡亡魂」。

我唔知道，佢地會覺得「二次死亡」，係解脫，定係一件影響自身利益嘅事？

相信唔同人會俾到唔同答案我。

以我嘅角度，根本無需思考，二次死亡，永遠唔會存在。





只會有永恆嘅二次生存，或者永恆嘅無間地獄。

「吔哠嗲—」一聲怪叫，在公園出入口徘徊不散。

我諗，係呢隻龐然大物發出嘅慘叫聲。

「哚咻—」另一聲更加輕快的叫喊，在四周流轉。

我萬般不解，又係新嘅怪聲。

唔係前門傳出。

弊傢伙。

「咔啦咔啦—」遠在百米外的磚牆正在受到攻擊！





「今次真係麻煩晒，L擋住後門先，呢隻大肥嘢我打！等陣我再同你移形換影！大家，退後到球場！」這行動刻不容緩。

「好，收到！」大家都接收到我的話，立即向後退了不下於二十步。

「吼—吔—」戰意高昂的感染者，早已準備好與我有一戰。

我手中仍執軍刀，棒球棍，架式都已座好，馬步穩健，前後腳方便聚力大跳。

感染者捧着身上的肥肉，一彈一彈地跑來。

照呢一個身形，生前嘅份量都應該幾重磅下。

身邊已無一人，希望我嘅能力唔會令到大家失望，要守好呢一道防線啊。





雖然只得我一個對抗呢隻大怪，但其他嘅同伴都好努力咁為我清除未知數量嘅弱勢感染者。每個人都各司其職，無一空閒。

我一躍便離地三數米，僥倖咁喺大肥嘢頭上越過，「只差一點點～」，就正面撞上佢。

成功落地，卻又心存懼怕。

「劃—」它的手部，與那龐大的身軀有着不成正比的速度。

行動力極低嘅佢，有住偏高嘅靈活性，十足十「靈活的肥仔」。

我睇住佢迅速隨性嘅手部運動，隱隱猜想起佢最大嘅習慣。

只係得手速有過人嘅速度，莫非佢係一個隱蔽青年？

只有平時打多啲機，練習多次穿插先可以達到嘅境界，竟然喺佢身上見識到。





感染者大軍睇嚟真係不乏人才。