[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.50【以靜制動】

不過速度更為堪擾，仲慢過虧佬去廁所。
「搞乜嘢咁慢架？快少少手腳得嗎？」我投訴他們不認真對抗，反而是慢慢地作防禦。
「好快—架啦—」這是零點五倍的速度吧，為何會變成這種情況？
「小心啊喂！」我喊道。

一隻夜行者向其中一位前線作戰人員作出攻擊姿勢，即將衝上佢條頸開始撕咬。
我見到呢個狀況，根本冇辦法繼續去隔岸觀火，人命當前豈能棄之不顧？
我食一個身位，飛撲向感染者嘅爪前。
今次，我唔會大意，唔會俾你傷及同伴，都唔會俾你利爪劃到我！





「咔刷—」我一刀斷了夜行者的手臂。
「嘎吔吡噼—」失去手臂的夜行者，隨即掉到地上失去平衡。
而接住落嚟，我只需要擊中佢嘅要害，就可以將其擊敗。
「嘎㗳唂—」夜行者再次重振雄風，回復怒氣準備出大招。

佢再次用力躍起，換嚟嘅唔係食到一啖人肉，而係第二次嘅壯士斷臂。
今次，佢行動速度更加低，力量自然更細。
失去雙臂嘅佢，都依然扮做若無其事咁樣準備下一波進攻。
我提起手腕，做出紓展動作。





我要一刀秒殺佢。

「咔鏘—」我的刀鋒，沒有刺中它，而是擊中了地面，發出了極大的磨擦聲。
夜行者已經跳走至另一方，沒有吃到我的奮力一擊。
咁樣都俾佢走甩，究竟呢個夜行者速度有幾快？
我已經用上世界嘅兩倍速度，去作出呢一下嘅斬擊，佢都可以避開？

我陷入恐慌，難以保持冷靜，無法推理出下一次斬除呢隻夜行者，需要用到乜嘢速度，同埋早幾多步嘅預判。
「真係諗唔到咩？」L讀曉了我的心思。
L係場間唯一一位可以跟上我速度嘅「人」。




「我真係諗唔到啦！」我瀕臨知識的懸崖邊。

「你聚精會神，回想翻師父教過我地嘅招式。」L娓娓道來。
「師父？」我一時想不起來。
當時嘅我，仲係一個普通到貼地嘅小學生。
屋企嘅雙親都叫我去學習一門武藝，唔好喺屋企做廢青。

其實，佢地嘅說話都幾有道理。
自細，我就已經係長時間一個人住。
一個人食飯，一個人打機，一個人讀書。
所有嘢都係一個人，自然就要有兩招旁身。

當時，阿爸阿媽就幫我報咗一個武術課程。
一向不可一世嘅我—
係啊，不可一世啊，你冇聽錯。




並冇認真咁上堂，而係每次都草草等放學。

不過師父都係冇放棄我，反而係用更多嘅方法激起我對武術嘅興趣。
佢教識我詠春，又教識我跆拳道。
話咩雙劍合壁，無人能擋。
咁梗係要用心咁練習先可以啦！

大概上咗三個月啦，佢嘅毅力就好真正咁打動我，我再搵唔到理由唔扚起心肝學嘢。

或者我都幾有天份，之前要學嘅嘢就算冇聽過，喺教練再講過一次之後都可以好流暢咁使出。
嗰時我好似係...小四？我記得由我開始認真學武術嘅時候，就拉埋L一齊嚟玩。
佢同我，係師父門下最特意嘅弟子，咁唔使問，論打就一定係我更勝一籌啦。
而L嘅戰鬥智商非常高，頭腦鎮靜，唔會輕易進入緊張狀態，遇上難題都會平靜以對。

師父對L運用智取教學，對我就用比較野蠻嘅方法，教嘅招數都唔同。




唯一一招，師父教曬我地兩個，就係心法，以靜制動。
喺心法之下，我地運用嘅一招一式，都並非隨便耍出，而係採取八分防守，兩分進攻。跟隨敵人嘅攻擊，而作出下式格擋。雖然會陷入被動，對住感染者卻好夠用，我地對自身兩倍速度已經習慣，思考時間大大提升。

以靜制動，係呢刻最好嘅對策。加強咗嘅防守，又可以保障全場安全。
可惜所有嘢都只限弱至中強度嘅戰役，一但感染者後方有大量支援，長遠咁講點都會陷入進退兩難嘅局面。