[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.25(3)

「喂，M你係咪唔記得咗啲嘢。」十三拍拍我膊頭，提醒我旁邊仲有一個啱啱我地新帶返嚟嘅成員。

「咳咳，大家留意，雖然頭先好唔幸運，救唔到同學仔嘅父母。

但係我地都係搜索過程之中見到一個女仔，我地見佢嘅身世咁可憐，同埋依家亂世之中冇親冇故，所以就救咗佢返嚟。

你地知架，救人一命，勝造七級浮屠。

呢個女仔，雖然同我地喺唔識嘅，但係我地都要學識包容佢嘅存在，多救一人，我地遇到感染者嘅機會就會減低，





呢個道理⋯

我諗，大家會明白。」

講完，我就落咗台，準備叫大家去等待記者會嘅開始。



時間16:00





我地全體集結，收睇林太嘅直播。

「大家好，我係林太，今日我個仔送咗個名牌手袋比我⋯

咳，唔好意思，今日係我地香港出事嘅第三日，大家一定要留喺屋企，唔好出街⋯⋯

我地政府會全力控制疫情發展，盡快派出支援⋯」

嗡—————突然一下高音頻。





「啊！好⋯好唔舒服啊⋯啊！！」

我無力，無聲咁求救，大家都完全唔明白我發生咗咩事。

吓？點解得我聽到。

沙⋯沙⋯哈哈哈哈哈哈，唔好傻啦。支援，訓醒未啊。

靠自己啦。

就咁啦，game start 啦，祝大家good luck。

手機屏幕顯示，

THEGAMEWILLSTARTVERYSOON。





遊戲即將開始嗎？

轟隆！外面雷聲響起。


突然地，風雨交加。

我都比外面嘅聲響嚇到回一回神。

「咩事啊！搵人出去睇下啦！好恐怖啊！」某一個同學大叫。

「M，你出去睇下啦！我都有少少驚驚地。」佢同我講。

此時，我嘅精神狀態仲未完全回復。





「喂！阿餅！同我一齊出去。」

「好，行啦！」

我地立即跑向本陣外。

眼前嘅景象，令我驚呼。