[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.26

「轉場」

（阿餅視角）

「我地政府會全力控制疫情發展，盡快派出支援，香港將會有雇傭兵幫助鎮壓各區嘅疫情問題，盡可能阻止疫情喺全港蔓延。

截至現時，本地感染人數為106萬，社區估計感染人數為120萬，請市民注意，如必須外出，請唔好靠近以下嘅幾區：

第一疫區為油尖旺區近量角方向，





第二疫區為觀塘區，近工廈方向，

估計佔總體個案30%，再次提醒市民，請勿靠近附近區域。

本港已經派出所有紀律部隊人員進駐各區，力保香港不失。今日我要講嘅就係咁多，

請大家繼續追綜每日記者會。」

簡潔嘅記者會。資訊竟然都咁足夠。





好專心咁聽完呢個會，都係抖抖先，少攰。

當我一扭轉頭，就發覺大量同學都注視一個地方。

係咩事啊？明明聽緊記者會架。

我上前睇睇，「哇頂！」

「M！你有冇事？做乜做乜？」





「有⋯古⋯怪⋯」

「吓？點解得你一個會咁樣？咩有古怪？」

「你⋯頭先聽唔到有其他聲咩。」

「邊度有啊，咪一直聽到林太喺度講嘢囉。」

「我聽到⋯一把，奇怪嘅聲音。佢話唔會有人救到我地，靠自己，遊戲即將開始。直覺同我講，佢唔似係同我講笑。」

「真係咩？點解得你聽到呢又？」

「我，我都唔知，佢係直接上腦架！我係頭痛咗一陣，然後就聽到一把陌生人嘅聲，講嘅內容真係好恐怖。」

「乜鬼嘢，有冇咁天方夜譚。」





「我唔知啊！反正我係咁嘅。算啦，我地都係搞清楚外面發生咩事先啦。」

我諗得入神，未有注意到佢嘅答覆。」

「喂！阿餅！同我一齊出去睇下咩事，個天氣好似唔多make sense。」M向我提出佢嘅要求。

「好，行啦！」我好爽快咁答應佢。

外面嘅天氣本應非常惡劣，但係...

我睇到嘅，卻係萬里無雲嘅天空。

身處嘅呢個公園都重新變返一個鳥語花香嘅公園。





眼前，係咪一個人人都嚮往嘅仙境？