[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.25(2)

時間15:55

我地行到返去本陣嘅最大營地。

「對唔住，我嘅任務失敗咗。佢地兩位，喺一個天上少有，地下無雙嘅情況之下離開咗。

我尊重佢地嘅決定，佢地最後嘅一句說話，叫我一定要轉告比佢地嘅寶貝女聽。

『爸爸媽媽永遠都會咁愛你。





就算我地依家唔係度啦，你都要勇敢生存，依家爸爸保護唔到你啦。

對唔住。

但我相信，呢一個男仔，可以帶你出生入死，為你遮風擋雨，保護你直到亂世嘅浪潮彻底終結，踏上終章，寫上句點。』

呢句，就係佢最後交托比我嘅說話。

我知，你依家好傷心，對唔住，係我嘅失職，冇辦法帶佢地返嚟見你。」





我嘅一席說話，引起咗大家嘅沉思，沉默。

「唔好怪自己，其實呢個方法，或者就係佢地最終嘅選擇，佢地最終都選擇咗起埋一齊，我唔會覺得係你問題。

我甚至會覺得，我嘅父母值得我去為佢地而驕傲，立佢地作為我嘅榜樣。

M，多謝你，幫我解脫，幫我解開咗心結。」

夫妻兩人嘅女兒答我。





「對唔住，如果我早啲搵到佢地，佢地可能就唔使犧牲。

點講都好，我點到有錯，你唔鬧我，我個心真係會好翳，原諒唔到自己。」

「我真係唔想鬧你，你冇做錯。

整理好心情啦，都就快夠4點鐘啦，我地唔係要聽記者會同開會討論咩？」

「係啊係啊。」

重新披棘上路。