[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.15(3)

時間00:00

巡邏完畢，我都夠鐘收工，返去繼續計劃聽日嘅行程。

「啊餅，K，聽日我地12點鐘召集全體人員開會，約好大家，同埋約12:30隔離4班一齊開會，傾下啲戰略，同埋部署，仲有佢地會唔會帶物資黎我地呢一邊，或者我地去另一邊咁樣，靠你啦，我諗下其他嘢先。

啊！係啦K，聽日你咪話有新人要黎嘅？」

啊餅：「收到，即做，你慢慢。」





K：「係啊，聽日朝早9點。」

M:「好，咁我聽日親自去睇睇，你留低睇據點同隨時留意附近情況，仲有即時新聞，得閒再上下討論區洗版啦。」

K：「好啊。咪住先，我頭先好似又收到request要加入我地，佢地話依家喺九龍灣，淘大花園嗰邊，你要唔要去救？」

M：「可以嘅，淘大嗰邊唔算太遠，我可以去幫手，一隊人揸下車，或者踩單車去都得。」

K：「揸車嗰度，我再研究一下，之後同同學講下點樣用啦，你識架啦，係咪？我唔使教你啦，你講少少比我聽，我再自己get返啦。」





M：「你首先要有一條電線，記住駁好電源，去用電路啪着條匙，要逐條逐條試啊，或者我會用鐵線試下玩下咁樣，有時得，唔太穩陣，不過可以試吓，好過完全唔做嘢。」

K：「收到，我去研究先啦。」

我攞起咗手機，顯示住一條15分鐘前嘅未讀訊息。

「好悶啊，好攰啊，點算啊😜」佢回覆咗我。

「悶啊，同我傾計啦。攰啊，等我陪你啦。好冇？🤩」





見到佢最後上線15分鐘前，我又放低手機，等待下一次嘅響動。估唔到佢只係為咗覆我一條訊息而去上線浪費電力，唔知點解有種莫名嘅感動，同開心。

唔通，佢真係喺不知不覺間同我拉近咗距離？平時同佢傾計，都係長年失蹤架喎，定係我自作多情？？隨便啦，反正我最少都同佢變得friend咗。
先過咗兩分鐘，鈴聲又響起。

「你啊，咁都有嘅，想講咩姐你！」

「冇嘢冇嘢，自己get啦👻」

「吓，好啦🤬」

「你早少少訓啦，唔好咁晏啦！」

「好啦，好彩聽日唔係我煮飯，我又可以訓晏啲囉！」





「早抖🤪Have a good dream.」

「早抖啦！

講完，我就開始寫返日記，作為今日嘅結尾。

本日完。


3A剩餘人數：32
3B剩餘人數：32
3C剩餘人數：32
3D剩餘人數：32
3E剩餘人數：32





2020/2/12 末世第二日 本日零傷亡。