[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.16回憶備份

【Zenia篇】

（Zenia視角）

「傳個波比我，空曬啊！快啲！」我大叫着。

「Zenia，睇波！」隊員說。

今日係2020/2/4號，香港爆發【病毒災難】嘅前一個星期左右。





我依然好努力咁樣去練波，希望可以喺學界比賽爭取總冠軍，為學校爭光，亦為自己完成心願。

但邊個估得到，呢個香港，會變成咁樣先得架。

「嗶～完場」教練吹起哨子，今日嘅訓練完成，望下個天，我地由4點開始練，依家已經成6點有多。出一身汗，真係舒服曬，Keep fit最佳都係籃球。

「今日你地有幾多份功課？我地又一大堆，好彩都唔係太難做，不過又要踩到十一，二點，都習慣曬。」我無奈地說。

「冇咩功課啊，得嗰兩三份，又唔多，返到屋企食完飯沖個涼就可以訓覺。」隊員快樂地回答。





「咁寫意啊，我都好羨慕啊，可惜精英班都真係多做啲嘅。」我歎氣。

「加油啦你，依家谷你地，之後你會明白點解。」隊員嘗試鼓勵我。

「可能啦，呢樣我都明嘅，因為我都知道大學收生好嚴謹。」我接受了安慰。

「係啊，做好準備啦。機會係留比有準備嘅人架。」隊員像是在教訓我。

短短幾句，卻又夠說服力。





返到屋企，心裏面充滿功課點做嘅問題，每日都要應付唔同科目嘅嘢，可能淨係得打波同埋上堂嗰陣可以放鬆一下。每次一到考試測驗，話係話唔想溫書，但係都迫不得已要去溫，一唔溫就會影響之後嘅成績，對於升班都唔太理想，真係特別麻煩。

冇計啦，前途未卜，依家努力咗先囉。

喺大家眼中，可能我喺一個十項全能嘅鐵人。但現實，其實我都付出唔少。並唔係一朝一夕就可以成為鐵人，正所謂「台上一分鐘，台下十年功」，中間嘅過程係點樣，只有當事人自己先至明白，其他人都唔會理解。

「今日科科都有功課，慢慢做囉，等陣仲要溫書，又要做數學exercise，又要做英文作文。聽日仲要默書，真係一浪接一浪咁黎，幾時先可以逃離呢個大牢啊，壓力真係唔係講笑架，又冇人明白自己，總係有幾個蠢才想黎安慰我又搵唔到辦法，阿M個傻仔又用科學同我解釋，雖然真係幾有道理，但係都唔係我經歷緊嘅嘢。」我自言自語。

「算啦，打返兩場機，聽下歌做功課，真係巴不得世界即刻毁滅，唔使再上堂又聖，太多嘢搞又煩。」

一個星期後/⋯⋯/

日期2020/2/11
一句說說笑的氣話，想不到竟然成真了。哈哈，真係天公作美，咪住先，咁好似唔太對路喎，邊度怪怪地咁樣。





「喂，大家快啲撤離，即刻！45分鐘之內，彩虹X鐵站等，唔好遲，你自己作死咋。」

成身gear嘅M衝入黎我地班房，呢個時間，我地啱啱完咗lunch time，全部同學望住一臉怒氣匆匆嘅M，表示「你up乜，就快上堂，你走乜春秋」。

M非常之聰明，似乎明白佢地嘅諗法，講咗幾句：

「則新聞，我send咗比你地，網上面嘅新聞自己都睇下，依家政府極速delete緊呢啲新聞，相信並唔係假嘢，一定有啲嘢想掩飾，你地自行決定，信同唔信，我唔會幫你地選擇，不過後果自負。」佢耐心咁講，從眼神睇得出，佢並無講大話。

「你地自己睇下，呢間學校，呢個學校村，仲有冇人喺度，睇完你地就明。」
呢一句，點醒曬在場所有同學。

佢地頓時發現，

學校村已經剩低，我地呢班未知情況嘅中三學生。





上課鐘聲已經響起，鈴鈴嘅鐘聲，喺空蕩蕩嘅校園徘徊，

彷彿我們已經被世界遺忘，

被命運擺了一道。

頂！我地竟然被人咁樣玩，簡直係對我地嘅侮辱。

「肯走未？仲唔快手？」

「走，快。」我幫口。

此刻嘅M無比可靠，雖然佢依然係一個傻仔。

但佢呢一刻，威武非常，從來未見過。





睇黎，佢覺醒了。

【Zenia篇完】