[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.15(2)

經過我嘅一輪苦口婆心之後，我就離去，唔再曬時間。

喺呢個時候，當然就要感受一下呢個樂土嘅空氣，每日都要啊，唔知仲可以頂多幾耐呢？哈哈。希望裏面嘅同學都唔好咁快崩潰啦，咁樣我地呢個地方唔會長命得去邊，話曬我地都係大家最強嘅後援。

行行走走，喺呢一個寧靜嘅地方散一下步，可能係好奢侈嘅事啦，好多嘢，之前我地唔去珍惜，依家就快冇啦先黎後悔。人真係一種喜愛自相矛盾嘅動物，但冇咗矛盾，又好似少咁啲嘢，難道人類真係冇可能同矛盾say goodbye？

現今世代，每個人身上都存在唔同嘅矛盾，冇人逃離到矛盾嘅世界，真係「矛盾一生」，就算到死嗰日，大家都冇辦法解決所有矛盾，解決唔到出問題嘅嘢，就等住被解決啦。但係點解，矛盾又可以成為大家嘅動力？經濟學有講，人類永遠唔會滿足，因為稀少性嘅存在，亦都有highest-valued option forgone，即係最高價值放棄的選擇，你要用一樣嘢換另一樣嘢，但係嗰一樣嘢，你又非常之需要，喺面對進退兩難嘅情況下，人嘅矛盾亦都會隨之萌生。

矛盾又可以理解喺愛情方面，當你喺男神或者女神，身邊嘅追隨者，就會起勢追你，當眼下，你可能會有兩個啱心水嘅，但係你只能夠選擇一個，你嘅矛盾，都會相應地增加。有人話，「為咗一棵樹，而放棄整個森林」呢個道理我由細到大都唔信嘅，你只會係放棄咗萬綠叢中嘅一棵最重要嘅樹，而並非整個森林（好似又離題萬里，死啦）。






回過神來，23:00，又就快完一日。


我再次查看新聞，發現感染人數又再次幾何級數咁樣增長，事情向着我猜測嘅方向繼續走，應該係嘅。過咗7個鐘頭，依家嘅感染人數大約為10萬人，社區感染個案為37萬2千，增長好似慢返少少，算係好事啩。

我見到呢個數字，計返計數，中環區佔14萬8千8百宗（以四成計算），我地黃大仙區就最多1萬5千單，比多咗啦。不過出街見到感染者嘅機會就大咗唔少，現時接近咗10%，危險得多。要準備好所有嘢，隨時都有可能被突襲，裝備放好，物資收好。

我再向前行，望到街景，見到幾隻嘅感染者喺我地據點嘅正下方，四圍覓食，真係好煩，同我一齊行嘅巡邏小隊，都差少少激動到大叫，好彩我地禁得住，如果唔係，實死冇生。





對於一聽到聲就會發狂嘅感染者，佢地可能會衝上雲霄，食我地嘅人做宵夜，到時真係老貓燒鬚囉。

喺我禁止佢地大叫嘅時候，佢地就直接退咗返黎，

一句問候，帶黎嘅係無盡嘅笑料。

「頂你啊，乜鬼嘢，見都冇見過，呢隻嘢咁鬼型棍嘅？」

「星星太陽月亮你啊，好恐怖啊，多咗咁多，會唔會出事架，朝早都唔見有架喎，咁快咁多出咗黎？仲以為得嗰隻夜行俠添。」





「笑死人咩，你地唔好玩啦，walking dead 你睇過啩，都唔會係得一種啦，玩嘢啊，見你地咁驚啦，我同你地講返有可能會出現嘅感染者啦。

第一種，應該就係生前有嚴重疾病或者年齡較高嘅。

佢地速度唔快，呢個正常都知啦係咪？

嗱，你地睇下啦，下面咪有兩隻囉，唔會走雞架啦，佢地行路都就快死咁樣，同埋佢地視野比較模糊啊，基本上唔會睇到太遠嘅嘢，有時仲會發雞盲，見唔到前面嘅事物。

呢種感染者，危險等級為0～5嘅0～1級，見到可以打獲金嘅，或者無視佢地都可以，不過唔想受到干擾嘅話，都係同佢埋個靚單先啦，副骨頭脆架，唔驚打唔死，除非你地咁樣都嚇到瀨尿啦。」我笑道。

「呢隻嘢，個樣都幾核突下，唔美觀，我唔想見到佢地，都係早收工好過，等佢地冇咁痛苦，我估痛毒唔會完全佔據腦部啩，正常都仲有少少個人意識嘅，咁樣幫佢地解脫，或者係一個好辦法。

如果真係咁戲劇化，佢喺街上面突然被襲擊，然後逃走返屋企，之後屋企人仲懵盛盛唔知咩事，最後毫無意外咁變異，食咗自己全家，嗰種控制唔到自己，但又仲尚存人性嘅感染者。

對佢地黎講，呢一個陰影喺永不磨滅嘅，認真講句，如果真係咁樣，我寧願死咗去，根本唔比人任何機會。





就算之後有可能被治癒，自己一世都會抬唔起頭做人。

我話嘅，之後我比嗰啲嘢咬咗或者點啦，總之感染咗，你地一定要殺咗我，我雖然唔想死，但係好過幾個，幾十個重要或者唔重要嘅人死喺我嘅嘴下，我會內疚一世。我死之前，一定會毫不客氣咁交低我要你地幫手做嘅嘢。」

M:「咪玩啦，啱啱先開始，咪講埋曬啲晦氣說話啦，邊個死先都唔知啊，你班友仔最好唔好死咁快，我講過要比你地見到每一日嘅太陽，直到還返一個正常嘅香港比你地。大家要頂住啊。有我喺度！」

Karl:「睇你點做啊，咁我地睇戲食花生就算啦，哈哈。」

M:「你咪試下囉。唔講啦，我陪你地幾隻嘢行多陣，我就返去先。」