[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.10. M的第二人格（6）

旁邊嘅女仔們同佢流露嘅神情基本上都係一式一樣。我將我地之後嘅計劃講咗少少比佢地知，希望佢地心情可以好返少少。我開口同佢地承諾：「我，M會同其他隊長，擔當起保護大家嘅使命，至少我會。」我再輕輕地拋下一句淡淡的：「加油。」呢個肉身，似乎就係我嘅優勢，呢副軀殼，似乎就係我嘅自信，呢個心態，似乎就係我嘅一貫作風。呢個世界，似乎就係為我而創造，係呢度我同M已經開始互相依賴，互補長短，互相融合，由兩個意識形態正式變成一體，我地兩個嘅精神已共存，成為呢副肉體嘅一部分，我同M需要同時存在，先可以用呢一副軀體，保護到呢度，少咗一方都唔得。我知道你立下志願，要用盡一切努力，氣力，守護呢一個氣氛，守護眼前暫時安穩同溫馨嘅家。你已經成為大家嘅天使，醜人就我做啦，由我成為呢個墮天使。

個次件事，令到你性情大變，變得生人勿近，變得討厭世界，討厭其他人，變得絕緣，變得孤僻，令你本來輝煌嘅道路，變得陌生，向住截然不同嘅人生路去進發。你咁大嘅轉變我諗我真係好大責任，但係我一直都冇怪你架，件事都唔關你事，只係意外，有名你叫意外意外，即係意料之外啦，意外嘅嘢，真係天降神兵，預計唔到架，預料到嘅，呢個世界就唔會有生老病死，每個人都可以得到永生啦，既然係個天要帶走我，我都冇怨言啦，好多嘢係整定架，「死神要你三更走，誰敢留人到五更」，死期你唔可以改變，但係你卻可以改變眼前未定下來的未來同你嘅命運，好多嘢都估唔到，隨遇而安啦。「Tomorrow will be fine.」忘記背後，努力向前。將我的生命也一同活下去吧，燃燒我們的生命和逐漸逝去的青春吧。M你現在身上可是肩負起我和你兩人的命運啊，加油，我的靈魂永遠在你的心裏，我不會逝去的，至少在我完全灰飛煙滅和喝下那碗孟婆湯前會一直如是。
M，相信你也有呢種諗法，雖然我知你好痛苦，我幫你盡力分擔，我都會保護你，知道嗎。你做唔到嘅嘢就等我幫你做啦，我會承受你嘅痛苦，直到你擺脫一切，回歸自我⋯我唔可以再比你任性，墮落，你要堅持！始終有日，一切都會回復正常，到時你都要開開心心啊，唔好再比心魔纏繞你，個件事唔係你嘅錯啊，只係意外，我相信，你知我係邊個架啦，由你知道我存在嘅個一刻開始。我嘅存在只不過係暫時嘅，唔好太依賴我，你要自立啊⋯⋯Marco！
我道出了M的大名，心中忐忑，希望剛才沒有人聽到吧，我更希望裏面安睡中嘅M冇聽到後面咁肉麻嘅自白啦，我會怕醜架。我頭先講嘅嘢唔會有半句虛言，呢啲嘢我想講好耐，但又唔夠膽去講比你聽，我嘅心態喺呢一刻重新變返唔應該有嘅成熟，有好多嘢唔想講嘅，我都要經過深思先可以勉強講出口。我要你做返昔日嘅自己，就當係我唔知邊日要離開，係喺離開前一定要達成嘅心願啦。你係咪諗唔到我人細鬼大咁細心呢，嘻嘻～雖然我係想永遠留喺你身邊，但我知，我咁樣好自私，我要還你一個正常嘅人生，遲早有一日都要。