[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.10. M的第二人格（7）

我默默咁諗住，咁耐以黎快樂嘅回憶。個段回憶唔可以忘記，因為係我最開心嘅時光，我唔可以失去呢個殘存嘅記憶，對我黎講，記憶就係我嘅靈魂留喺呢個世界嘅主要物品，亦都係我最珍貴，最鍾意嘅寶物，冇佢地，我嘅靈魂只係一副空殼，並冇任何意義，只要有人依然記得我，我嘅靈魂就會喺極樂園或人間界彌留，直到永遠冇人記得我。呢個情況好似我之前睇過嘅一套動畫電影，我就好似嗰個默默守護主角嘅太爺，守護住好似電影主角咁樣嘅M。「REMEMBER ME」
啊⋯⋯想不到⋯⋯

說不出的那句再見，竟成了永世的心結。

我嘅身世都揭露得差唔多，都係唔講啦。

將絕望，化成衝往希望的力量。

我安慰好個幾位同學，突然諗起M之前同我講過要特別照顧嘅個個女仔，





我即刻喺一堆人之中，搵到佢個樣，果然係M，特別有眼光，無論氣質定人品，個女仔都具備曬，仲有一種說不出的氣場，亂世中帶住佢，唔需要太過操心，加上M同我講過佢種種嘅優點，我都聽得出，呢個女仔唔係一般嘅人，竟然可以將M迷到貼貼服服，平時嘅M係一個好理性，同埋一個對於正常社交有些少抗拒，唔會主動去識人嘅人，所以我都放到心，佢唔會走上不歸路。但係依家係我身體中嘅M竟然對眼前嘅小女孩動咗情？究竟佢有咩魔力，我諗我都要去會一會佢，親身了解呢個神秘嘅人。
我好快行到去佢嘅旁邊，坐低咗準備同佢傾吓計。眼見面前嘅女仔，同其他人冇太大分別，一樣眼紅紅咁樣，佢水汪汪嘅眼睛令人不禁泛起咗憐憫之心，想衝上去保護佢同埋守住佢，我終於明白點解M會咁癡情啦⋯⋯我都有少少忍唔住，想去抱緊佢，比佢一個最大嘅安慰，同埋踏踏實實嘅安全感。
我並冇咁做，因為眼前嘅人係M最重要嘅人，我咁做，良心過意唔去，雖然咁樣做係可以為M嘅感情路鋪得更加平坦，令到呢個女仔，對M嘅好感更多，相信呢個亦都係我其中一件可以為M做嘅事，重新改變佢之後落嚟嘅命運，令佢變返之前嘅樂天少年，對世界重新拾回希望。我依家暫時可以做嘅，係利用M科普比我嘅知識去幫助佢。
我開口道：「做咩啊？諗起咗唔開心嘅嘢？我係M啊，我喺呢度，唔使驚，有咩同我講，我做你樹洞，聽你講心事。」有時候，一個善意的謊言往往可以換取意想不到嘅效果。我披住M嘅皮，流住M嘅血，內心卻暫時係另一個佢。係心中休息緊嘅M知道我冒用佢身份，即刻激到彈起身想澄清自己身份。但係佢又唔想比人知道自己有雙重人格障礙症，所以佢放棄咗呢個行動，留返喺體內唔出黎，由得我去處理。
佢啜泣緊，眼神楚楚可憐，回答我：「我⋯屋企人，唔知⋯依家⋯」
佢再講唔到任何嘢，同時話題都比我打斷咗，我向佢投以一個堅定不移嘅眼光：「你唔使講啦，我會幫你手，幫你保護你屋企人，更加會去保護你即使偷偷摸摸我都願意，雖然我平凡，但我內裏非凡，絕對可以擔起重任。」呢個時候我又向佢投向咗一個M式招牌笑容，深深嘅酒粒，迷到唔少嘅人，即使我唔係M，但我都能夠活用呢個溝死女嘅skill。