[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.10. M的第二人格（5）

諗咗咁多嘢，我望返去班同學嘅方向，感覺就好似去咗動物園咁樣，佢地好認真咁樣玩緊佢地各自帶黎嘅桌上遊戲，似乎完全唔怕，我心中暗鬧一句：「你班人係咪癡線架，我地嘅隊長都咬緊牙關收集資料同埋意見個陣，你地竟然玩喺度玩board game？會唔會過份咗少少？至少都趁仲可以上網，睇下新聞，學下嘢！機會只剩低呢兩日，病毒傳播嘅周期就要開始，之後先至後悔就要付出更大更多嘅代價。！」

我講低咗一句：「大家執生啦，我計過啦，呢個香港依照正常傳播速度只係需要3日就可以玩完，醒未啊！今日第三日啦，如果唔係香港人個個都係「緊張大師」，我地就唔會咁得閒係度嘻嘻呵呵，仲唔利用呢個機會去裝備好自己？你地係想變成個種咁核突嘅生物啊，定係想比佢地食到啲心肝脾肺腎冇曬，然之後比佢地將你地條腸逐少逐少攞出黎食？我唔可以一次保護曬你地，所以你地要真正去了解眼前嘅狀況，好好整理一下訊息，然後作出適當嘅反抗，唔好等到死個下先後悔自己做咩仲唔去練習同埋做好武器，訓練好自己。我都唔想睇住你地死，畢竟我地都係同學，但係你地如果比喪屍同化嘅話，我係唔會放過你地，我會盡可能保護最多嘅倖存者，唔會比更多人死喺我面前。我相信你地唔會想從呢種方法打算永生，你會承受嘅痛苦，係更加大，分分鐘你愛嘅人，你珍惜嘅人，都會離你而去，或者喺意外中比你食咗，你心理上嘅壓力會更加大，你，你同埋你，你試下諗下，你條女冇咗你，邊個保護佢？你變咗喪屍，係咪一定仲會愛錫住佢？定係反轉豬肚就唔認人，9衝上去咬死人？我諗你地明白架啦。我，寧願戰死，亦都唔想傷痛至死，我唔想自己到死個一刻都有放唔低嘅嘢，我想做好最後呢幾個月嘅人類，之後有咩事之後再算，始終我都唔係個種有遠見嘅人。」

我煲出黎嘅雞湯真係仲濃過M煲個種，佢係完全表達曬出黎，但係冇幾句真正有意思嘅句子。我嘅句子中句句帶刺，正常人聽到都會立即知道我講緊咩，同埋想表達比佢地嘅心意，喺最唔起眼嘅句子，反而會搵到更深一層意義。我同M都係咁苦口婆心，相信大家都會為自己未來去思考一下。我說罷，眼前嘅同學們終於如夢初醒，開始記起自己黎都呢度嘅原因，佢地嘅眼神開始變得奇怪。

我有少少疑惑，返轉頭上前問佢地：「你地面色做乜咁差？」

其中一個同學Malvin話：「我好擔心我嘅屋企人啊，唔知佢哋依家仲在唔在生呢，定係已經比個啲核核突突嘅嘢同化咗，一樣變成咁可怕嘅怪物？我依家好驚，我想再見返佢地！」





我回答：「你依家咁嘅時勢唔會搵到佢地個人架啦，你依家最多都係send下message或者打電話比佢哋，知道佢地嘅位置已經好好，你亦都已經盡咗力，冇去逃避，接住落嚟，你嘅家人就要自己執生啦，我知你想保護佢地，但係你連對抗佢地嘅方法都未學識，你出到去比佢個味嘢秒殺都唔出奇，保護唔到人之餘，仲白白浪費生命，同埋你如果真係死咗，我地呢班兄弟點算？我地依家係大家嘅支柱，缺一不可。我地先裝備好自己，之後從長計議啦，至於屋企人方面，遲吓我會安排大家先聯絡好各自嘅親人，我地會有人去盡力營救，同埋搵新地點比佢地一齊避世，總之就唔好急，過一排我地會搞掂。頂住。」

Malvin 此時此刻已經開始哽咽，大小不一嘅水珠喺佢面上流動，佢窒下窒下咁答我：「好！多謝你。原諒我平時冇去留意你，估唔到你咁可靠。」

聽完我嘅一席話後，佢嘅心情平靜少少。