[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch9 M的第二人格（2）

（Mr.M第二人格視角）
哈哈哈，我又出黎啦，但係依家身體同心理嘅控制權未完全係我手中。哎呀！你條友仔唔好同我爭黎爭去啦好冇！「唔好啊，我點知你會唔會做啲咩衰嘢啊，同我躝返入去！」內心此該正在交戰，就快要爆開嘅感覺，我為免當眾出醜，我將我嘅情緒壓至最低點，「點講我都係一個謹慎嘅人格，唔會咁衝動去做錯事。」主人格聽到之後就安心咁企埋咗一邊，將控制權放比我，當然唔會全部放曬啦，兩個人格始終係要相輔相成架嘛，我一個人又管唔好！
就係咁，我地兩個人格終於達成協議，安靜落黎，望一望表，08：20，仲早喎，做咩好呢？
腦裏面突然響起第二把聲：「喂，唔好唔記得，等陣12：00係到我地巡邏啊，到時比返我管啊，我驚你又亂咁黎當玩玩下咁樣啊！我地依家好認真架，唔係同你講玩！」
「好啦好啦，到時我比返你做，呢種苦差我先唔會做，你鐘意嘅你自己去飽佢，咪搞我，我到時會自己返入去瞓覺，辛苦你啦！M！」
「好啦，咁先係架嘛，去啦去啦，見你咁乖，獎你玩到12點鐘比返我啦，我係咪好好人呢，平時都係2個鐘架咋，今日比你double你要多謝我啊，如果唔係下次冇架啦！」
「多謝大人，我一定唔會令你失望嘅~」
講完，我就正式出山，去觀望呢個地方，同埋呢個變咗樣嘅世界。我首先行出避難所，望一望個天，今日明顯比琴日暗咗，天色更加灰沉。（M同我講嘅）依我嘅聰明才智，我發現咗我係M體內的確沉睡咗好耐下，正確黎講唔算耐，只不過係一日多啲啲，但係已經開始有少少嘅奇怪變化，明明周圍係冇烏雲，但係天色就睇落好灰暗，感覺有層膜遮住咗個大氣層，從地球外圍包住，天色異常昏暗，我相信應該係有外星人將地球當咗係佢嘅畫架，將呢塊灰暗嘅畫布鋪咗上黎。根據我嘅天文知識，我諗到嘅推斷只有呢個比較合理，因為點樣觀望，我都搵唔到要落雨或者行雷嘅徵兆。平來依家係頭上嘅應該係一片藍藍嘅天空，呢個只係假象，或者先係天空嘅真正面貌，一直以來我地見到嘅都唔係真嘅，一刻都冇真過，只不過係人類用遙控器操控嘅天氣佈景。雖然呢個係我同M最鐘意嘅天色，仲有佢呢一個天氣，啱啱好清清涼涼嘅，溫度適中，真係特別舒服，但我好唔滿意嘅就係點解佢打死都唔肯落雨，覺得好似少咗啲嘢咁，呢個天氣唔太完美，我好唔爽。
我越睇越嬲，點解會係咁樣，我完全R爆頭，但我就快爆氣，所以都係要去返室內冷靜一下，為免我嘅暴躁症又發作。我唔可以比我呢一個暖男形象被破壞，話曬我做咗咁多年暖男，應該儲落唔少fans（唔記得交代比大家知添，我地嘅主角Mr.M同埋我都一樣係好自戀嘅人，因為都係同一個人，除咗脾氣差天共地之外，其他特質基本上都一樣。）