[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.8B Alex 視角/M崩潰之時
時間07：45）
(Alex視角)
之前我都冇辦法去正視你，我依家好掛住你，唔知你係邊度，你究竟安唔安全啊！我好想見你啊！點解我地會唔同班架，點解我地會分開地方駐守架！「想見你只想見你，未來過去，我只想見你。」呢句歌詞喺我身邊響起，原來係M，不愧係暖男，觀察得咁仔細，播咗一隻咁match到我心水嘅歌，雖然我都係鐘意老歌多啲，但係有時聽下新嘢都好。咁嘅一個人，男同女都比你𠱁到貼貼服服啦，明明係一個咁完美嘅人，點解平時我會唔多覺眼佢呢？佢平時嘅存在感真係好低，仲以為係一個普通宅男，估唔到有咁勁咁有魅力嘅一面，真係屈曬機，呢種霸氣唔係每個人都有，你，啊M都係第一個，唔由得我唔佩服你，平時收得咁埋，你真係好適合做個「偽人」。
我望向M，見到個個熟悉嘅一抹淺笑，又係招牌嘅M之迷笑，嗰個笑容都算幾親切，真係溝死女，我都係企埋一邊聽下王傑算數：「到底得幾分傷心幾分癡，睡夢如欠缺了你都不可以。」果然都係舊歌先至打動到我，我聽得越嚟越起勁，呢個moment，手機得返60%電，我知道用唔到太耐，我只可以將手機放喺一邊，自己慢慢哼起咗歌。
M坐咗喺我旁邊：「做咩啊，又諗緊佢？」
我回答：「係啊，好明顯啦，我真係好掛住佢啊，我想見下佢啊，見唔到都比我聽下佢把聲啊，得唔得啊，M。」
M微笑回答：「點會唔得呢，嗱，手機比你，自己打過去啦。」
我道：「多謝你啊，果然係好朋友。」
M回答：「唔使喎，my pleasure，幫大家拉下紅線，未嘗唔係一個好選擇。」
「嘟～嘟嘟～嘟嘟～」電話打咗出去。
「喂？」電話嘅另一頭，傳黎嘅係佢溫柔嘅聲線。
「MC？做咩無端端打比我？你個邊出咗事咩？」電話裏頭嘅佢講。
我用我好震嘅聲音講出咗一句說話：「喂？我唔係MC啊，我係Alex，我部手機冇咩電，咁啱我又有嘢想同你講，所以我借咗佢部手機打電話比你。」
「喔～Alex你想講啲咩？我慢慢聽你講啦，反正我而家好安全，又冇嘢好做，有人陪我傾電話都唔錯。」佢講。
「我，我，我，我唔識講啊，我淨係諗到一句咋，原諒我咁唐突！我！鐘！意！你！」我好驚被拒絕，但我嘅聲音越講越大，我亦都越嚟越激動。
「吓！Alex，你講咩啊！做咩無端端咁講嘢？其實⋯⋯我一早已經當咗你係我最好嘅朋友架啦！但係，如果你想再進一步嘅話，就要做返少少嘢啦，不過我都可以應承住你先，遲少少呢個世界變返正常，你要補返數架！」佢非常吃驚，但同時又接受咗我嘅表白。
「好！多謝你啊，我終於放低咗我嘅心頭大石啦，我終於係呢個最後時刻成功咗啦！哈哈哈哈哈！我好開心啊，BB！真係好多謝你啊，我之後會好好保護你，守護你架啦！」對話內容下刪N字。
「嘻嘻，你講埋曬啲咁嘅嘢得唔得架，我就嚟sweet到糖尿病啦，傻佬。」
佢幸福咁講。
「好啦，我哋唔講住啦，我要還返部電話比MC啦，我驚佢冇電啊！」
「好啦，bye bye啦，傻佬，love you 。」
嘟一聲，通話結束。
旁白君：「看似簡短嘅通話內容，收藏咗唔少兩人嘅感情呢。回憶真係可貴！我都想有一段回憶係值得我去珍惜。唉！都係算啦！我諗我都唔會有架啦。」
（Mr.M視角）
（時間08：00）
依家係朝早8點，佢地已經傾咗15分鐘。
我心諗，「我都冇叫你比返部手機我，做咩唔傾多陣呢，呢個咁嘅時勢，傾多一次係一次啊，咁快收線，盞係自己後悔啊大佬。」
我咁諗嘅同時，Alex將電話還返比我。
我頓時無言以對，我感覺我打斷咗佢地嘅通話。
我有少少內疚，因為唔知下一次佢幾時先可以再同佢嘅女朋友傾電話。」
「喂，你點解唔同佢講多陣啊，下次唔知要等幾耐先可以再打架。」
「唔使啦，我頭先話咗我係同佢講幾句，依家我又得咗，咁我就梗係收線啦，我仲要慢慢開心飽佢啊，你慢慢啦～」
佢春光滿面，開心到飛起，睇嚟我又係末日之下再次促成多一對情侶。
我心感滿足，幫到人真係好開心，特別係呢個情況下，幫到佢地達成願望，真係已經係我最大嘅快樂咁滯，希望佢地呢幾對嘅亂世情侶可以長長久久啦，唔好令我失望啊。我攞起一支之前收埋咗嘅啤酒，三下五除二就咁隊咗佢，劈酒對我嚟講已經係兵家常事，我經常都會劈酒，希望可以麻醉自己，但到頭來只係越嚟越清醒，我依家基本上當酒係糖水咁飲，只係為咗解渴，同埋爽一下。「借酒澆愁」雖然唔啱我，但係我已經慢慢習慣咗，點解我會咁折墮呢，明明我唔在乎呢啲情情愛愛嘅事，但係我做出黎嘅行為完全同我嘅諗法相誖。唔諗啦，越諗越傷心，為咩搞着自己呢。
雖然我睇落永遠都咁陽光，但我嘅內心深處又有邊個真係知呢，大家嘅情緒雖然係收埋收埋，但佢地點收都好，都有朋友會過去安慰同埋陪佢地傾計，收埋嘅秘密好自然就比自己爆響口，講完之後又好似一個「沒事人」咁樣，一天都光曬。而我呢，我連最表面嘅情緒都已經收埋得好入，基本上係冇人可以攻陷到我嘅心靈，我嘅心情只係自己了解，所以我嘅內心深處真係可以話係不可觸及。真係要好似《洋蔥》呢一首歌嘅一句歌詞咁樣：「如果你願意一層一層一層的剝開我的心。」
你話唔定真係會覺得驚訝，因為我嘅內心實情係黑暗嘅，你唔會想接受自己最親密嘅愛人係有咁樣嘅一面，雖然比着係我，我會樂觀接受，但係我相信常人唔會接受到我，我心底裏面裝住兩個人，一個係我，而另一個就係我隱藏咗好耐嘅第二人格，設定上黎講我係光明面，而佢係黑暗面，但係我一直冇比人留意，所以第二人格一直佔用我嘅身軀同埋意識，成為咗個個冷靜，冷酷加上謹慎嘅我，大家需要快樂嘅時候，我嘅主人格先會出現，擔當住小丑或者開心果嘅位置，成為大家嘅太陽，而我呢一個狀態呢，就係主副人格各佔一半嘅時間，一方面保持冷靜同埋謹慎嘅頭腦，另一方面又保持正氣，提供正能量比大家，前者可能會令大家覺得我比較成熟，後者則是我在人面前表現出來的「自己」。呢副面具又除又戴，又除又戴，連我自己都覺得開始厭惡，始終我嘅第二人格並冇能力處理好所有問題，同埋我兩個人格會互相交戰，會使我身心俱疲，我始終都係避得一時，唔避得一世，長遠發展我可能會崩潰。諗到呢度，我嘅主人格開始堅持唔住。
（未完待續）