[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.3 日常驚魂

Ch.3《日常驚魂》
（Mr.m視角）
「總算無驚無險咁出返黎市中心啦！」我自言自語道。
係呢個時候，我對一對表，已經6點15分左右，呢個moment嘅中環街道比起頭先熱鬧好多，同頭先晏晝嘅氛圍有住天淵之別，人群一浪接一浪，完全塞滿曬街道嘅空間。

估唔到係呢個時勢，中環嘅OL同埋熱戀中嘅情侶都無所顧忌咁行街睇戲，食飯放閃，對眼前嘅問題完全不作理會，大佬，依家係疫情之中喎，點解仲肆無忌憚？

見到呢個情況，我唔理三七二十一，戴緊我個口罩，禁實自己個鼻，閉氣而行，務必快速離開呢個充滿人群嘅地方。

離開之後，我冷靜落黎，係度諗：「點解我朝早見唔到幾個人，但係依家就突然多咁多人呢，雖然呢個地方係熱鬧，但照道理唔會有咁多人架喎！」





諗到呢到我毛骨悚然，發現呢個情況根本不妥。定係其實我朝早個陣只係跌咗去異空間，或者比人放咗入佢地嘅故事世界呢？呢樣嘢，一直係個迷，永遠諗唔通，算數，返歸瞓教好過，麻麻煩煩。

我原路搭返111號線巴士返屋企，發現香港，呢個家喺夜晚真係特別動人，景色特別出眾，我沉迷係呢個景色中，被美景深深吸引嘅我不能自拔，完全冇留意四周圍都慢慢變緊......

搭住呢一架巴士，我好快就返到屋企，係呢日我嘅經歷真係異於常人，都唔知發生咗咩事，就被一堆鬼怪嚇到「花容失色」，就連返出市區嘅車程都比一個鬼司機騎劫，冇辦法多望一眼呢個地方，真係可惜。唔知之後仲有冇機會呢，呵呵呵。我呢個宅男又要係屋企修煉唔知幾耐啦！

一返到屋企，我左搵右搵，發現屋企得番可樂，芬達同一D嘅杯麵，冇幾樣係健康嘅，反正又要閉關，不如買多D嘢食返黎預備不時之需啦。說罷，我就去到誠哥旗下嘅超級市場買菜，買乳酪（因為我唔係經常做運動，所以冇辦法都要食番D健康嘢），唔使一陣，我銀包一張500蚊紙就飛走咗，但同時我獲得咗1-2兩個星期嘅健康食物，加上1個月以上存貨嘅乾糧。

開啟電視，望住熟悉的電視節目，我都忍唔住即刻熄電視，好彩仲有部PS4可供我娛樂，咁我就攞曬我嘅尿袋，手機等等嘅必須品去充電，因為我深信，一波新嘅怪事就快要襲來，未雨綢繆先係最佳嘅選擇。





攞起呢個PS4手掣，打開GTX5，係遊戲裏面發洩自己心中嘅怒火，的確係一個最佳嘅選擇。享受攞起AK47自動步槍，加上大菠蘿仲有加特林機槍掃射街上路人嘅時光，真係唔話得，呢款game嘅手感係如此真實，很好。

掃射一輪之後我就飛車前往賭場，可惜賭場內冇辦法開槍射殺玩家同路人，我呢個邪惡嘅諗法只好無疾而終。就係咁我開始沉迷係呢隻game，再抬起頭就發現已經成10點。

「好攰啊！」講完呢一句之後，我就去咗沖涼（千祈唔好FF我有幾多舊腹肌，6舊點都有嘅，至於點解會有，我估應該係笑出黎嘅XD）。沖完涼，11點啦，我就攞起IPAD睇下書咁，到咁上下我就訓咗。

去到第二日我好晏先起身，回歸返機械式嘅生活，烚下幾條菜，做下功課，打下機睇下書咁，總之就好普通咁樣過咗呢日啦。係呢個過程，我完全冇留意過時事，冇睇過任何新聞，對外界嘅情況一無所知。
（CH.3未完待續）