[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.3 日常驚魂（2）

星期一，我照常返學，同同學一齊嬉笑打罵。到咗小息，我再次同我班打機團嘅朋友聚集埋一齊。我啱啱打開手機，一則特別報道新聞就吸引咗我嘅眼光。新聞標題係「喪屍來襲？政府遲遲未宣佈？教市民如何自救！」，呢個標題十分奇怪，不過呢則新聞有一張圖片，我就知道，大件事了。我即刻就手上嘅新聞截圖，分享比自己身邊所有嘅新聞，留定一個備份，因為我知道呢則新聞好快會比政府ban and delete。

果然，我冇估錯，講到呢度，我眼前嘅新聞已經被不知名嘅人delete咗，呵！呵！呵！我冷笑幾聲。呢個政府，果然想隱瞞一D嘢。但係去到呢一度，我就驚咗一下，佢會delete嘅原因，就係因為真有其事。我同班朋友講，佢地都覺得有道理，都紛紛感覺慌張。我抱住呢一個心情上剩低嘅課堂。去到lunch time個下，我地點都要醫肚嘅，就出咗街搵好嘢食，跟住我實冇走雞啊！我再次攞起一直在震機當中嘅電話，發現更多同頭先個則新聞差唔多嘅報道，題目打得十分簡短，好似打得非常之趕急咁。我不安嘅情緒越黎越強大，就快要爆發同崩潰。

我班同學見到我咁嘅樣，都好慌張咁上前安慰我，平時我係最冷靜嘅一個人，我會有咁大嘅反應，佢地都深知即將會有大嘅事件發生。我地最終去到附近嘅餐廳坐低咗，一旁嘅朋友仲係我旁邊安慰住我，為免我發狂。過咗一陣間，我平伏返曬，提議朋友們討論我地頭先見到嘅報道，推測佢嘅可信性，但我地一早做好心理準備，面對現實，面對將會襲來嘅無妄之災。我地嘅話題去到末日嘅生存指南啦，要準備嘅武器啦，要準備嘅糧食啦，同埋一但喪屍襲來時我們的應對方案。

討論節錄：
M：「大家有冇諗過如果呢單嘢係真嘅，你地之後會點樣做？」

Alan首當其衝道：「我一定會盡能力保護好自己，




做好曬所有準備，為保安全。」

啊餅接住講：「依家打機咩，你估。
真實發生嘅話，根據我之前睇落咁多嘅研究，
我一定可以搵到多啲嘅生存方案同方法嘅。」

學霸K若有所思咁樣諗咗一諗，回答：「我會準備好一切嘅武器，食物，加入生存者嘅隊伍，同佢地一齊做最頑強嘅反抗，絕對唔會做逃兵，一定會奮戰到底。」（下刪N字）

「果然係學霸，同我地果然唔係同一個級數。」聽完佢嘅一番偉論之後，我忍唔住發咗下牢騷。





我回答：「武器可以係邊度搵到？我地又需要咩武器？」


學霸K道：「搵唔到可以自製架，又或者我地可以用文具例如剪刀、鎅刀咁樣，都可以做武器，至於防禦上面我地可以貼下膠紙，牛皮個種，幫自己嘅身體做一層嘅保護，減低比病毒感染嘅風險，仲可以帶多幾把遮咁樣，啊係啦，仲有帶多幾個鐵水壺，必要時有用，記住裝滿熱水，可以煮下嘢食咁樣。」

我，Alan，啊餅3人點頭讚好佢嘅諗法，隨即去文具店添置「武器」，同埋去超市準備接下落黎嘅糧食。我地各自孭住一個行生背囊，裏面裝住少量衣物，亂世之下，身上嘅衣物着幾多日，我相信已經唔再重要。背囊嘅其他位置，我地就放置食物，例如罐頭午餐肉，五香肉丁咁樣。我地帶住呢個大背囊返到學校，大家都用好奇怪嘅眼神望住我地，彷彿我地就係一班異類咁樣。

我只好同佢地交代來龍去脈，同學們都表示唔知情，我當即叫佢地檢查自己手機上嘅新聞（新故事分支開始），佢地先知道事態嘅嚴重性，紛紛上前拉團組隊，希望獲得保護或者之後嘅戰友，我地一行人同佢地講：「最好一組8人，2人持武器，2人探路，2人護理，2人後勤加米飯班主。每組4男4女。要講嘅我都講曬啦，信唔信就睇係你自己啦，我地唔會係呢度坐以待斃，等運到嘅。」我地作為班上暫時最強嘅戰力，受歡迎程度當然唔細，一大班嘅同學即刻黎向我地求援，我哋當然冇可能盡數接收啦。於是我地4人決定分為兩組人，帶領兩支小隊，同時保護更多嘅人。
（未完待續）