[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 《我係一個平凡至極嘅中三學生，但從個一日開始......》CH.2石澳怪談（5）

我一臉無奈，心諗：「算數啦，都唔會有人知發生咩事架啦。」

就係我晃神嘅時間，呢位司機載咗我去一條唔知名嘅路，我開頭以為佢只係想兜下遠路賺多幾十蚊，我都覺得冇所謂啦，反正佢都算係我嘅救命恩人啦，個一百幾十算係咩啊，請佢飲多餐茶都冇所謂啦。

但逐漸，我發現到四周圍嘅景物變得越黎越詭異。「今翅大獲鳥（汗顏）」我真係忍唔住爆出4大神鳥之一，以表達我嘅憤怒同驚恐，同時心裏面暗鬧幾句粗口（當然呢度係唔會寫粗口啦，暫時~我都唔知幾時會太過投入而爆響口）。

司機嘅笑容可以講話有幾分變態，我望住佢個樣，有少少作嘔嘅感覺即刻走咗出黎。佢一見到我想嘔，即刻變面，用命令嘅語氣同我講：「你條友仔，咪鬼嘔到我成個載都係嘢啊，正一打靶仔！如果唔係主人同我講要留你一命，我一早打死咗你啦！你忍多陣啦，我唔玩你啦，我唔想洗車啊，好貴啊比唔起啊！」我聽到之後，好唔道德咁笑咗一笑，乜原來鬼怪都要打工架，人生難捱姐，估唔到鬼生都難捱喎XD。我問司機：「你地呢種鬼神，使唔使供樓搵錢養老婆？」答案已經呼之欲出鑿係佢額頭上面，而我咁樣一問，其實都係嘲笑一下佢，可以算係苦中作樂。

佢並冇選擇回答我，只係睥咗我一眼，然後專心開車。唔使太耐，佢已經載到我返出市區，並且叫我落車，見佢呢個樣，我都唔忍心坐霸王車，立即係銀包度攞起一張100蚊同埋一張50蚊，佢見到呢個情況，都笑咗一笑，欣然接受咗我嘅錢，睇得出我係最後都算同佢打好咗關係，睇黎呢個司機會係我之後嘅重要幫手。





--------------網絡連接超時，請稍後再試------------------

旁白君視角：
「唔錯唔錯，你果然係『神之子』，作為被選中嘅人類，總算有返咁上下實力嘅，起碼你嘅交際手腕比一般一高，雖然你平凡，但一定會有大作為，雖然你係宅男，但無可否認，你只要下定決心做某一件事，就一定會堅持落去，從以前到而家都一樣。

連我呢個旁白君都差少少比你吸引住，好彩我收得切掣姐。我終於明白，點解主人會選中你啦，平凡嘅外表包含住神秘嘅內心，深澳深澳，小弟都甘拜下風。

雖然我唔忍心殺你，但始終都係個句，「受人錢財，替人消災。」我收得老板嘅錢就一定要盡力搞掂你，不過我好耐都冇試過有呢種感覺啦，我就睇你可以靠努力做出啲咩成績，我就當益你啦，再比機會你續命啦！
（旁白君視角完）
—（Ch.2完）