男神呢個稱號令我食左唔少女(有甜）: 後記-蔡䁱蝶死亡的一天

如果個天話要比你做男神或者女神，但係個代價就係唔可以愛人，或者比人愛，你地又會點揀？而我，就係揀左做一個女神。

宜家嘅我，就企左係天台到，只要踏前多一步，我就會死，唔係，我可以做每個人一生得一次嘅空中飛人，一個可以睇哂成個回憶錄嘅過程。

我有一個家姐同一個細佬，乜程度上，唔可以話係。因為我係執返黎嘅，姐係好似啲阿媽話係垃圾桶到執你返黎一樣。

你地應該都知，係我中五個一年，我無意中發現左一個有潛質成為男神嘅人，個嗰就係蔡煒燕，或者講係我細佬。

我無諗過，我會成為佢家姐。我無諗過，我會成為佢老師。我無諗過，我會睇左左佢。我無諗過，我會鍾意左佢。



如果可以返轉頭再黎多一次，我會選擇唔理佢，扮睇佢唔到，更加唔會同佢出街，令到佢搭入左呢條路。

一個罪人渴望被愛係咩感覺，愈係得唔到嘅野，就係愈容易會諗起。愈係唔可以愛人，就愈係想愛人，我都只係一個十七歲嘅女仔，點解我要死？

蔡煒燕：「師父！！！唔好做傻事呀！！！有咩落返黎先講啦！！！最多我靖你食雪糕呀！！！」估唔到佢最後都係發現左我係到。

我：「燕仔，太遲啦，有時有啲野係改變唔到，要死嘅人，始終都係要死。」

蔡煒燕：「唔係呀！！點解你要死姐！！！我到呢一刻都唔明白！！！你知唔知...我唔可以無左你...」



我：「人有悲歡離合，月有陰晴圓缺，要怪就怪我自己...無能力去處理自己嘅私心...」

蔡煒燕：「我唔要呀！！！家姐！！！你就唔可以為左我落返黎咩！！！我求下你呀...」雖然我係背對住佢，但係都聽得出佢喊緊。

我：「我都試過叫佢為左我唔好死，可惜嘅係，原來我地係一定要死，對唔住，幫我照顧好家姐，唔好比佢等返自己一個人。」

蔡煒燕：「咁...咁...係你死之前...比...比我...問多你...一條問題...得唔得...？」我無出聲，等佢問我。

蔡煒燕：「點解你會揀左我？」



我拎轉身望住佢，佢宜家喊到成個豬頭咁樣，今日係我死嘅日子，係都要搞到咁唔開心。

我：「因為我睇得出你天生就係同我一樣，注定左要行呢條路。」

我：「而我地...永遠都唔會得到所謂嘅...真愛。」

我張開雙手，向後傾倒，身體就好似一個保齡球一樣，慢慢由直立變成躺下，但係呢一次，已經無野比我訓落去。

我由天台一直飛落去，過程中我望住呢個藍色嘅天空，好似暗示緊我就黎會飛上去，騎住白雲咁望住成個世界。

無數咁多個片段係我個腦海閃過，我同阿蜂嘅一段時間，我食過嘅咁多條仔，我同朋友去玩嘅時候，我比啲男仔排隊影相個刻。

但係，係我人生入面，最美好嘅回憶，從來都只係得一個，就係，我同燕仔一齊食住雪糕嘅畫面。

好懷念...真係好懷念...我真係...好想返到去...以前個一嗰...係屋企...一齊係沙發到訓教...嘅日子...



原來唔可以愛一個人到永遠嘅感覺，就係咁樣，呢個世界好多人都無辦法同到自己鍾意嘅人一齊，就係咁樣。

係我最黎落到地面嘅時候，我見到燕仔伸左個頭出黎望住我，我同佢對視左兩秒。

雖然佢應該聽唔到，但係...

「今次真係再見啦，燕仔」

蝴蝶夢裡醒來
記不起
對花蕊
有過牽掛