男神呢個稱號令我食左唔少女(有甜）: 《完》
皇冠：「我可以幫助你改變呢個世界，但係要求唔多於五個，同埋最重要嘅係，要用你條命去做等價交換。」
我：「嗯，我知道架啦，咁我地宜家係咪可以開始啦？」唔知點解會有少少緊張添。
皇冠：「可以，你宜家可以同我講你有啲咩要求，記住，唔可以多過五個。」
我：「得啦得啦，我一直都係想要一樣野姐，就係，幫我復活返珮恩、桐桐、丘以男，仲有...「 」，同埋最後就係，清除佢地對我嘅記憶。」
桐桐：「乜你真係捨得放棄哂呢到嘅一切咩？乜你覺得寧願犧牲自己去復活我地好型咩？燕燕。」
呢把聲嚇到我成個人彈起，因為呢把聲，我一定唔會認錯，而且佢已經死左，點解會無啦啦同到我講野，不過我好快就無事，呢個世界就係咁多野係解釋唔到。
我：「哈哈，好耐無見啦桐桐，死之前都可以聽到你同我講野，我都死而無憾架啦。」
桐桐：「你仲記唔記得我係點死？點解你就唔可以好好地咁繼續生存落去？」
丘以男：「我地係上面望住你咁樣，你知唔知我地好內疚？我地咁辛苦先救返你，而你就諗住辜負我地。」
我：「估唔到以男你都係到，你啲頭髮仲係金白色，我以為你係上面會染返黑佢添。」
講講下野嘅時候，我感覺自己比一個好大力嘅人捉住左件衫，我成個人仲飛起左，個條友成個赤犬咁樣。
珮恩：「蔡煒燕！！！！！！！！」
唔知點解，我覺得自己好似準備比人圍毆咁樣。
我：「冷靜啲！！冷靜啲！！！你係邊個...咦...點解你咁似我頭先見到個嗰女仔黎嘅....」
珮恩：「我真係唔應該清除左你對我嘅記憶，搞到宜家連最愛你嘅人都唔認得。」
桐桐：「佢咪就係珮恩囉，其實咁多個之中，你最愛嘅就係佢，而且我地一直都知架。」
我：「你就係珮恩...？」我個腦突然閃過一段又一段嘅畫面，勾起左我同佢以前嘅回憶，感覺就好似見返一個老朋友一樣。
珮恩：「對唔住呀...我唔記得要幫你解除埋宿命...先會搞到佢地全部都死哂...好對唔住...」
佢講講下突然跪左係地下到喊，於是我又跪左係下面，伸出兩隻手去攬住佢，呢個熟悉嘅身體，果然無記錯，真係珮恩黎。
珮恩：「你...你...你可唔可以...答應我...唔好死...？」佢兩隻眼紅哂咁望住我，老實講我呢一刻有啲心痛同心軟。
丘以男：「求下你呀...當係我地一個小小嘅心願...同埋我地係上面都過得好開心...你唔洗擔心我地喎...」
桐桐：「係囉係囉，聽我地講啦燕燕。」原來我頭先覺得比人圍毆嘅，係呢樣野。
我：「我知點做架啦，皇冠我地繼續啦，我今次真係已經做好哂所有野啦。」
丘以男：「唔好呀！！！！！！」
皇冠：「明白，再確認多一次，你要「復活返珮恩、桐桐、丘以男，仲有XX蝶」，同埋清除佢地對我嘅記憶」，係唔係？」
桐桐：「唔係呀！！！唔可以呀！！！唔得呀！！！」佢地個嗰喊哂咁講，但係...呢一次...就比我做多次衰人嘅角色啦...
我：「...唔唔...唔唔唔...」珮恩跳到去我上面，用佢自己個嘴黎塞住我，唔比我講野。
珮恩：「我係唔會比你死架，我個嘴會一直貼住你，你呢一世都唔洗諗住講野。」
https://www.youtube.com/watch?v=gC-4-1c60NI&list=RDgC-4-1c60NI&start_radio=1
最愛 你淺笑的臉 如眉頭和額角也在笑
讓我驚覺有看下去的需要
我卻怕這個需要 嚇怕精緻的你 沉默了
嚇得你 不再淺笑 不得了
你地每一個笑容，都深深咁烙印左係我個腦到，而且每一個都係咁靚。但係，我唔配有你地嘅笑容，我無資格見到你地嘅笑容，我只係希望，你地未來會搵到一個，真係值得你地笑比佢睇嘅人。
我哪會不顧一切 膽小成問題 太弱了
是妄想太過 到盡處 是寂寥
我最愛感覺飄渺 如無從著地 又太累了
怕想到這裏哭了 多可笑 凝眸的一息間 不得了
你地為左我，連條命都可以唔要，其實我都一樣，為左你地都可以不顧一切。我忍唔住流眼淚，眼淚一直都係情緒嘅象徵，表現每個人嘅喜怒哀樂，宜家嘅我，好欣慰，好多謝你地每個人都出現過係我嘅人生入面，陪伴左我好耐，係我對唔住你地。
我最怕一再想起 似天空清澈的你
又有哪個可比 悠然自得呼吸吞吐的你
似看破生死 靈魂共振似碰到太驚喜
夏至秋天的距離 月與倒影的距離 猶如站在 遠方的你
我最怕諗返同你地每個人嘅回憶，因為我會唔捨得，無人比得上你地，你地係一班傻妹，為左一個壞左嘅人付出所有。生同死只係一個過程，所有人都會經歷。不過，我只係想，用自己嘅死亡黎換取你地嘅運氣。
愛意似心裏鬱結 然而重遊舊地 又怕遇見
是你嗎 細碎故事再 想一遍
怕我太興奮不已 說抱歉 講幾次 太在意
說穿了 這個鬱結 可不可以
師父同我講過，我地唔可以愛人，亦都唔可以比人愛，但係呢個世界，要唔去愛人實在係好難做到。愛，由我地出生開始就已經種左係我地心入面，慢慢開始萌發。我愛過你地咁多個，亦都因為咁而害死左你地咁多個，對唔住。
我最怕一再想起 似天空清澈的你
又有哪個可比 悠然自得呼吸吞吐的你
似看破生死 靈魂共振似碰到太驚喜
若你依稀一皺眉 我在半空 降落何地
我用兩隻手一野推開左珮恩，佢趺左係地下到喊緊，係隔離嘅桐桐同埋以男諗住衝過塞住我個嘴，但係已經太遲了。
我最愛一再想起 細聲稱呼我的你
放肆跟我一起 連沉默光陰都可以很美
未當我知己 情願別心急這刻揭穿你
用最安好的距離 未會牽手的距離 凝視近在 前方的你
我：「係，無錯，麻煩哂你啦。」
丘以男&桐桐&珮恩：「啊啊啊啊啊啊啊啊啊！！！！！！！！！！！！！！」
皇冠：「好，明白哂，修改正在進行中，你條命就作為交換一次修改。」
一個又一個嘅喊聲係我耳仔到不斷響起，我諗應該係我人生入面，令女仔最心痛嘅一次，不過，個天比得一樣野我，我就預左佢拎返一樣野走。
我開始感受到疼痛嘅感覺，一支又一支嘅箭開始射落我個身體到，直到射到第五支，我嘅視線開始慢慢變黑，感覺亦都開始消失。
佢地嘅喊聲亦都聽唔到，原來死亡就係咁樣，將你身體所有嘅野都拎走哂，等你咩都感覺唔到，一個人去面對呢個咁恐怖嘅過程。
係我臨斷氣嘅一刻，我聽到最後一句說話，亦都講埋最後一句說話。
「多謝你，燕仔」
「唔洗，因為我都鍾意你，蔡䁱蝶」
男神呢個稱號令我食左唔少女(有甜）
《完》