男神呢個稱號令我食左唔少女(有甜）: 後記-我滿足了

唔知點解，今日一起身發現屋企唔見左一個人，個嗰人就係蔡煒燕，搞錯，成日返學都唔等埋我先。

家姐：「早晨呀，快啲刷完牙然後過黎食早餐先啦。」

我：「燕呢？點解唔見佢嘅？佢咁快就出左去啦？」

家姐：「燕？邊個燕呀？你唔好以為我識哂你啲朋友好喎。」佢一面好奇咁望住我。

我：「吓？你細佬喎，蔡煒燕喎，你咁快就唔認佢做細佬啦？」點解家姐好似怪怪地咁嘅。



家姐：「我邊有細佬呀，一定係你琴日飲到醉哂先返黎，搞到你宜家仲有啲神智不清。」

我：「哦...」我百思不能其解咁刷完牙，食埋個早餐就出門口返學，搭緊車個陣一直諗緊點解家姐會唔知燕係邊個。

當我返到學校之後，我就見到以男、梓恩同埋珮恩係到傾計，於是我又行過去睇下佢地傾計啲咩，順便問下佢地燕去左邊。

珮恩：「阿妹你咁遲架，實係你琴日好夜訓，今日唔捨得起身！！」

我：「對唔住囉家姐，咁有人約我去飲野呀嘛，話時話燕呢？我一起身就唔見左佢，佢返左黎未？」



佢地三個聽完之後互相望一望對方，然後又望一望我，同家姐今日望住我嘅眼神一模一樣，都唔知我講緊啲咩。

梓恩：「邊個係燕呀？咪住先...唔通係...你新男朋友黎...？」佢地奸笑咁望住我。

我：「唔係呀，點解你地個嗰都咁奇怪嘅，一個二個都唔話唔知蔡煒燕係邊個，明明佢係你地三個嘅男朋友。」

以男：「吓？我男朋友係個到喎。」佢指住小食部嘅其中一個男仔，個男仔仲對住我地笑一笑。

梓恩：「咪係囉，而且我同你家姐都已經有男朋友架啦，你係咪搞錯左少少野呀？」



珮恩：「阿妹你真係呢，成日講埋啲奇奇怪怪嘅野，不過我地真係唔知邊個係蔡煒燕，所以幫唔到你lu。」

之後佢地三個就傾住計咁走左，得返我一個留係原地，我得出左一個結論，就係，蔡煒燕人間蒸發左，而且無人記得佢係邊個。

但係...點解嘅...？點解佢無啦啦會比人遺忘左嘅...？點解佢無啦啦會消失左嘅...？到底...發生左啲咩事....？

突然，我個腦出現左一把聲，好似同我講野咁樣。

「你要幫我，睇實佢地，見到佢地，幸福美滿，我就覺得，心滿意足。」

我不斷嘗試問佢係咪蔡煒燕，又問佢去左邊，但係佢講完呢句野就唔見左，我想講我宜家好撚迷，不過我都幾肯定係燕黎。

然後今日我就不斷問人識唔識燕，但問題係佢地都話識，只有佢地四個話唔識唔記得，點解咁奇怪嘅？

不過點都好啦，我都唔知佢去左邊，或者點解消失左，所以我都放棄搵個答案出黎，因為都無人答到我，大家都話唔知佢係邊，只係話佢今日無返過黎學校。



放左學之後，本身有個男仔諗住叫我上去佢屋企到玩貓，我一開始諗住應承，但係我見到桐桐同埋Tracy係學校門口出面，於是我拒絕左個男仔。

我：「咦？點解你地會係到嘅？係咪黎等燕燕呀？佢今日無返到學喎。」

桐桐：「燕燕？唔識佢喎，我地係等...佢地黎啦。」結果係佢地三個衝緊過黎。

Tracy：「我地都好耐無見啦，我好掛住你地呀！！！」佢一口氣攬住以男、梓恩同埋我家姐，點解唔攬埋我，搞錯。

梓恩：「我都好掛住你呀，你地化左妝呀？咁靚嘅？」

以男：「喂呀，你地化哂妝先黎，想電死我地學校啲男仔咩，居心可測。」

桐桐：「邊到有喎，好啦，我地唔好再停係到啦，廢時有人偷影我地，我地宜家去睇戲啦。」



珮恩：「阿妹你黎唔黎呀？」多得佢問一問我，搞到全部人嘅視線都係哂我到。

我：「哦...唔啦，我今日約左人呀，你地玩得開心啲啦。」

珮恩：「咁好啦，你自己小心啲呀，唔好比人捉左返去姦，到時我都救唔到你。」

我：「知啦知啦，你地快啲行啦。」

然後佢地五個就向住我嘅反方向行，當我諗住拎轉頭再望下佢地，唔知點解突然會有五條仔係佢地後面，睇黎無左燕仔之後佢地個嗰都有哂男朋友。

蔡煒燕：「睇黎我真係阻住左佢地呢，我應該一早就死，還返佢地應該有嘅野比佢地。」

佢突然出現左係我面前，嚇到我差少少就仆街，好彩我識得豪火球之術，好似唔關事呀何...

我：「蔡煒燕！！！你到底去左邊呀？！！！」如果你宜家係現場，應該會見到我對住空氣係到咆哮。



蔡煒燕：「我去左邊都唔係咁重要姐，最緊要就係見到佢地個嗰都開開心心，咁就夠啦。」

我：「吓...佢地係你女朋友黎架喎...乜...佢地個嗰都唔記得哂你...你會覺得滿足咩...？」

蔡煒燕：「會呀，因為...我已經...令到佢地變返自由啦...」

我：「你話點就點啦。」

蔡煒燕：「不過我除左黎望下佢地宜家點之外，我仲有野係黎搵你。」

我：「搵我？」

蔡煒燕：「無錯...呢樣野得你先做到...麻煩哂你啦...」



敬請期特
「女神呢個稱號令我食左唔少仔」



期特下好啦，唔包寫得好架。