男神呢個稱號令我食左唔少女(有甜）: 聖誕節(二)

但係好快佢就消失左，我以為只係自己眼花睇錯野，所以我就無理到繼續行過去追返佢地。

佢地係我到之前就已經買好左爆谷汽水，我開始懷疑到底係佢地快手，定係我跑得慢。

因為我地四個人，佢地一定會係想同我坐，所以佢地係到猜包剪揼，輸左就要自己一個人坐，有三個女朋友就係咁麻煩。

佢地：「包！！剪！！揼！！」最後輸左嘅係Tracy，雖然佢話唔緊要，但係我睇得出佢好似唔係幾開心。

不過都無辦法啦，我最多惟有睇完戲補償返比佢，一陣錫多佢兩啖等佢開心返。



然後我地就入場睇戲，佢地三個好快就行入左去，我就係後面，但係我見到頭先個嗰黑眼男仔企左係門口...

佢一直係到望住佢地，我宜家係完全唔夠膽入場，我隻腳一直係到震緊，我同佢嘅距離就只有10cm。

梓恩：「阿燕你仲企係到做咩呀？套戲就黎開始啦，定係你想企係到等完場呀？」

丘以男：「咪係囉，快啲入黎啦，一陣遲入去阻住其他人就唔好意思啦。」

我慢動作咁提起自己隻腳，個嗰黑眼男仔一直企係門口到唔郁，隻眼嘅視線仍然係佢地三個，到底佢想點...？



我決定瞇埋眼咁衝過去，直至我感覺到自己好似撲左落一個人到，先再開返眼，原來撲左落梓恩個波到。

當我拎轉面嘅時候，個嗰黑眼男仔已經唔係到，但係咁樣反而令到我仲驚，就好似一隻蜘蛛突然係你面前消失一樣。

最後我要攬住梓恩咁行去咁位到，即使戲院咁黑，我都感覺到好多人係到望住我地。

坐好之後，我左望右望都見唔到個嗰黑眼男仔，可能咁多人佢唔夠膽出黎，我咁樣諗先鬆一口氣。

丘以男：「你做咩奇奇怪怪咁樣嘅，明明你一開始個陣都唔係咁架。」



梓恩：「咪係囉，你到底係咪見到啲咩呀？你之前啲女朋友？你嘅仇人？」

我：「無事啦宜家，頭先可能出現幻覺姐，不過宜家無乜野啦，專心睇戲啦我地。」

睇左一陣都無咩特別事發生，我咁講姐係一陣又有野發生，我無啦啦見到個螢幕嘅最上面有個位黑左。

我睇清楚啲先見到係兩隻腳黎，而佢個身太黑，搞到我睇唔到，但係上面突然好似有兩隻眼係到發緊光。

我：「喂...你地睇唔睇到呀...上面...上面好似有隻眼係到發光...」

梓恩：「邊到呀？哦，會唔會只係啲燈光有問題咋，同埋邊到似隻眼姐。」

丘以男：「定係你又出現左幻覺咋？唔洗擔心咁多野啦。」佢地一人一隻手咁捉住我。

我諗應該都係我諗多左姐...無事嘅...無事嘅...應該無事嘅...



好辛苦先撐到睇完套戲，我地行返出去商場到，沿途都無見到個嗰黑眼男仔。

梓恩：「不如我地食左飯先啦，食完先再去行街。」

我同以男都贊成，惟獨Tracy一個人唔出聲，我諗佢應該係由頭先就唔開心到宜家。

於是我拖起佢隻手，淨係拖住佢一個，佢比我嚇親，呆左咁望住我，無諗過我會突然拖住佢。

我：「我地去食飯好唔好呀？你唔出聲我當你話好架啦。」佢只係點點頭無出聲。

我地求其搵左一間餐廳食野，我見到好多人都戴住聖誕帽同著紅色衫，我只係諗緊洗唔洗咁誇張。

我：「喂你地睇下個班人，洗唔洗咁有聖誕氣氛呀，聖誕帽都夠膽戴住出街。」



Tracy：「其實我都買左四頂比我地，不如我地都一齊戴囉？」

我望一望佢地三個好興趣嘅表情，我就知今鋪碌柒了，最後我都惟有死死氣咁戴住。

丘以男：「哇你戴左都係好靚仔呀。」

我：「咁滿意啦嘛？我地可以食野啦嘛？」

梓恩：「好急咩你？我地影張相先啦，難得今日聖誕節。」

然後佢就搵左一個店員幫我地影相，成班人係到望住我地，話哂我都係一次過拖三條女，係威啲。

梓恩：「Send埋比你地先，好啦，我地快啲食野啦...咦...？」

當我地開返張相睇嘅時候，我地都無諗過，呢張相入面，居然會有五個人，而個嗰人...就係我頭先見到嘅黑眼男仔.....



Tracy：「佢...佢話邊個黎...點解佢都係到嘅...？同埋...點解佢隻眼係...黑色嘅...？」

我地無一個夠膽出聲，由原本好興奮嘅情緒，變到全部人都面色一沉，因為成件事...真係...好恐怖...

如果係一個正常人攝鏡都還好...宜家係一個黑色眼嘅男仔...原來佢塊面仲有好多血....企係出面望住我地...

本身坐係我地對面嘅梓恩同埋Tracy都唔夠膽坐返過去，好驚一埋去就見到個嗰男仔。

而我只係可以一直安慰佢地，可能只係角度或者燈光問題姐，叫佢地唔好亂諗野，但我自己都係到亂諗野。

一直都無出過聲嘅以男好似係到諗緊野，我開始懷疑佢係咪識個嗰男仔。

我：「你無事呀嘛？係咪佢嚇親你呀？唔好諗咁多啦。」



丘以男：「哦...？我無事呀...只係覺得...呢個人好熟口面...我好似係邊到見過佢...」

我：「唔通你識佢...？所以佢係黎搵你...？」

丘以男：「我都唔知呀...但係我又無乜印象自己識佢...又或者同佢講過野...」

最後我地都係諗住快啲食完飯快啲走，因為真係好得人驚。