男神呢個稱號令我食左唔少女(有甜）: 聖誕節(一)

我訓醒之後，佢地三個仲係到訓緊教，於是我慢動作咁行出去廳到，廢時嘈親佢地。

家姐：「你洗唔洗又一次過帶咁多條女返黎呀，你搞到我琴日要同阿妹一齊訓啦。」我一出去就比佢捉住黎審問。

我：「咁佢地琴日話想黎我屋企呀嘛，我唔比嘅話佢地發脾氣，我都唔想架。」

家姐：「你一升到中學就開始變到咁麻煩，真係好想你快啲搬出去住，到時你想帶幾多條女就帶幾多。」

雖然我家姐咁樣鬧我，但其實我知佢個心係無咩所謂，而且又可以深入認識下我啲女朋友，何樂不為呢？



過左一陣之後佢就出左街，姐係成間屋得返五個人，有四個都係女仔，得我一個係男仔，拍AV都無咁癲。

我見佢地個嗰都未起身就決定煮定早餐比佢地，因為我知啲女仔好鍾意男朋友咁樣做，佢地實霖死。

當我係到煮緊嘅時候，我感覺到有兩個人鬼鬼祟祟係廚房門口到裝我，我一拎過去佢地就即刻縮。

我：「入黎啦你地，比我發現左你地啦，仲係到扮哂野。」我講完佢地先一面無辜咁行過黎。

丘以男：「我地都係唔想騷擾到你姐，乜你咁樣話我地架。」



Tracy：「咪係囉，我地聞到好香先忍唔住行過黎，話時話你煮緊啲咩呀？」

我：「哦？我煮緊通粉同埋煎緊幾隻蛋咋嘛，琴日都射左好多蛋白質，點都要補返一下，你地出去等一陣先啦，順便叫醒埋另外兩個。」

好彩之前同Emily買日用品嘅時候買左好多牙刷同埋毛巾姐，應該都夠佢地用，唔係嘅話會唔會一支牙刷兩個人用呢？

我亦都好快搞掂，以男咀左我一啖就幫我一碗一碗咁樣拎出去，真係夠哂賢良淑德。

梓恩：「又幾好食喎，我仲以為你同你家姐唔同，唔識煮野食添。」



我：「癡線啦，我地細細個就比老母教煮野食，佢驚佢地唔係到嘅時候，我同家姐就日日食杯麵。」

Emily：「我可以做證呀，家姐唔係到嘅時候，阿燕都有煮過野比我食，都好好味架。」

丘以男：「咁阿燕就應該得閒煮多啲比我地食，唔好成日帶我地出街食野。」

我：「咁就得閒先再講啦，你呢Tracy？你覺得點呀？」

Tracy：「吓？講緊啲咩呀你地？」原來佢一直都無聽過我地講野，一直係到食，搞到我地忍唔住笑左。

食完野之後，梓恩同埋Emily主動話幫手洗碗，於是我、以男同Tracy三個人坐左係張沙發到Hea。

我：「你地諗住一陣去邊到玩呀？雖然今日係聖誕節，去邊都會好多人。」

Tracy：「我都唔知呀，前幾年嘅聖誕節我都係一直補習同埋溫書，呢兩日都係屋企人見我最近成績好左先比我出街玩。」



我：「咁慘慘豬，搞到你無哂啲同朋友玩嘅回憶，唔緊要，宜家體驗都仲未遲。」

丘以男：「不如我地去睇戲呀，我好似仲未同你地睇過戲。」

我：「吓又睇戲？唔好啦喎，讀者唔悶我都寫到悶啦，唔好睇戲啦。」

Tracy：「上次同你睇戲嘅時候我覺得好開心喎，睇啦。」佢開始捉住我隻手係到Fing。

丘以男：「係囉係囉，而且我知最近有套幾好睇呀，我地等陣一齊去睇啦。」

我：「唉無你地咁好氣，咁問埋梓恩意見先啦，我驚佢唔想睇。」

最後唔想睇嘅只有我一個，佢地三個好似一早就達成共識一樣，一早就諗住今日睇戲，至於Emily就話約左人。



然後佢地就返屋企沖過涼換件衫先再出黎，我就同琴日無分別，都係打一陣機先再準備。

其實琴日玩到咁刺激，我個人今日都攰攰地，於是我又訓左一陣教，一起身就已經六點半。

我即刻彈起身梳洗，急急腳出門口，好彩嘅係我今日無遲到，雖然都係遲過佢地到。

梓恩：「你又係最遲個嗰，真係無你咁好氣呀。」佢交叉雙手咁講。

我：「邊個叫你地琴日玩到我咁攰喎，我無遲一個鐘都算好架啦。」

Tracy：「唔緊要啦，阿燕呢條頸巾係我送比你架，你快啲戴起佢呀。」佢係個袋到拎左一條黑色嘅頸巾出黎比我。

我第一次因為女仔送野比我而覺得心動，平時啲女送親手整嘅朱古力呀，甚至送波鞋比我，我都無乜感覺。

佢見我呆左咁望住佢就主動幫我戴起佢同綁好，佢綁緊嘅時候我真係忍唔住一啖咀左落去。



丘以男：「喂呀喂呀，我都有野送比你架，呢頂冷帽送比你架。」

梓恩：「唔好唔記得我呀，我專登買左件褸比你，我同你一人一件，情侶裝~」

我已經感動到唔知講啲咩好，只係攬住佢地三個，差少少就忍唔住流埋眼淚，明明我都無買野送比佢地...

我：「但係...我都無買到野比你地...點解你地要送野比我...」

丘以男：「你琴日都比左好多錢比我地買野啦，而且我地都純粹想買野送比男朋友姐。」

梓恩：「係囉，同埋未來你都有排要送野比我地呀，好似情人節呀，生日呀。」

Tracy：「唔好再講住啦，就黎要入場啦，我地宜家行去戲院先啦。」



佢地三個分別咀左我一啖，再同我講左句「聖誕快樂」，然後就急急腳跑去戲院。

當我諗住跟埋上去嘅時候，我見到有個男仔企左係隔離望住佢地三個，個男仔遠睇似係小學生。

直到我跑到去差唔多到佢個嗰位嘅時候，我見到一樣野，就係佢隻眼...係黑色...