《夾出一個她》: 再始動（三） 最佳女主角
《夾出一個她》再始動（三）
－－－－－－
「最佳女主角」頒獎情節
-
「燈鄧凳鄧燈凳敦凳躉凳躉……」
-
話咁快，《霹啪文壇頒獎典禮》已經嚟到第六日，繼續都係我澄叔為大家主持呢個頒獎典禮，今日係頒發最後一個由各位讀者投票嘅獎項-「最佳女主角」。
-
霹啪文壇2020最佳女主角。
-
眾所周知，都係你㗎喇，唔係你仲有邊個可以駕馭呢個獎，就係最近成為歐陽太嘅顏楚翹。
-
顏楚翹-《夾出一個她》飾演香港首富顏廣勝個女。平時對住男朋友-歐陽浚彥（AKA老公）會成日撒嬌。佢嘅撒嬌成日令浚彥招架不住。之前同屋企人反面，決定離家出走，踏上被夾公仔之旅，慶幸被浚彥收養，成為幸福嘅人妻。佢嘅歷史真係講都講唔晒，都係等佢自己講啲威水史啦！
-
楚翹：「嘩！澄叔你俾頂咁高嘅帽我戴吖！」
-
澄叔：「嘻！講呢啲！而家你咁受讀者歡迎，陣間講你衰嘢，你一吹雞，我肯定唔使撈啦！」
-
楚翹：「返去揸巴士、夜晚落燒夜店幫手咪得。」
-
澄叔：「得條毛咩！之前夜晚唔準堂食已經少咗好多生意，而家仲要全日禁堂食，少咗好多生意，你知有好多食客特登落去係為飲啤酒吹水㗎啦！哎！唔緊要啦，而家好彩都有少少生意維持成本。嚟到頒獎典禮就唔好講大佬啲衰嘢喇，費事一嬲，成日俾人掃場啊！講返個獎先，有冇啲咩想同讀者講。」
-
楚翹：「多謝各位讀者鼎力支持，冇你哋都冇我，另外要多謝老公呢幾個月好細心咁照顧我，養到我變做一隻幸福豬，我好慶幸當時喺天悅俾你夾走啦。真係好感恩你會相信一個素未謀面嘅女仔暫住喺你屋企，一住就住咗七個月。呢七個月入面，我哋度過咗好多時光。當初我離家出走，感到好徬徨，但有你嘅陪伴，我覺得好安心。你俾到好大嘅安全感我。喺呢度，我想用JW嘅《安全感》答謝你！」
-
『可以共你迎風浪，準我為你掃走迷茫。』
-
澄叔：「仲有冇其他人想多謝？」
-
楚翹：「當然仲要多謝蕊心啦！肯接納我呢個外人。有時夜晚又會同我傾心事，做我嘅樹窿，我覺得阿妹真係一個幾好嘅樹窿嚟，佢都俾咗唔少好意見俾我，係我嘅屋企人，亦都係我嘅好朋友。唔講唔知原來阿妹都幾多兵跟出跟入，仲多過我啲保鑣。我之前因為冇朋友，而且返學放學都有私家車接送，所以好少參加學校嘅活動，連水運會、陸運會甚至學校旅行都唔出席。而家有阿妹陪我去參加唔同嘅課外活動，雖然嗰陣時已經係預備DSE，但起碼我曾經都有一個好好嘅中學體驗，亦都因為咁，我都重新同啲同學打開話匣子，所以而家啲同學都約我去玩，真係好多謝阿妹，阿妹要同希逸幸福快樂，長長久久，期待將來你哋嘅婚禮啊！」
-
恭喜顏楚翹榮獲最佳女主角。《霹啪文壇頒獎典禮》讀者投票出嚟嘅獎項去到呢度告一段落。下個禮拜將會係《夾出一個她》故事嘅最終感想，大家密切留意喇！
-
（待續 To be continued）
IG：chingchingstory