《夾出一個她》: 再始動（二） 最佳男主角
《夾出一個她》再始動（二）
－－－－－－
「最佳男主角」頒獎情節
「燈鄧凳鄧燈凳敦凳躉凳躉……」
-
哎頂！唔講咁多介紹喇！嘥晒自己啲口水，澄澄又俾得少出show費我喎！大家快啲留言叫澄澄加人工啦！都係嗰句，歡迎大家嚟到《霹啪文壇頒獎典禮》。今日頒「最佳男主角」。
-
霹啪文壇2020最佳男主角。
-
結果不負眾望，係你哋喇！歐陽浚彥同埋呀一！
-
歐陽浚彥-《夾出一個她》飾演歐陽蕊心個阿哥。性格：活潑開朗、性格樂觀，每日放學後要返工都冇怨言。遇到逆境時都唔會有唔開心嘅情況出現。最鍾意對住女朋友-楚翹，對住女朋友會變咗三歲細路仔咁。雖然有啲稚氣，但有時都幾貼心，煮嘢食又叻又好食，會識點樣安排活動，最正係錫爆女朋友，令人好舒服。
-
呀一-《106與她的邂逅》飾演車上乘客。一個平平無奇嘅年輕打工仔，其率直、戇鳩性格令同車嘅女人-Rachel迷上。
-
呀一：「雖然呢句好老土，但係真係多謝各位讀者支持，我想用Rachel嘅一段小文字：鬼故並非精密科學，以上內容只供故事重點。你看過的鬼故可能不相信其真偽，但面對社會警權濫暴，你能分辨黑白嗎？期望你是有良知的讀者。希望大家勿忘初衷，多謝。」
-
多謝你嘅分享，我相信香港人一定勿忘初衷，一世都會記得呢啲賤人嘅所作所為。跟住就歐陽浚彥分享下得獎感受。
-----
浚彥：「楚翹！多謝你。多謝你俾呢個機會我。係呢，請問呢度可唔可以唱歌。」
-
澄叔：「你估呢度係音樂頒獎典禮咩？」
-
浚彥：「Music。」
-
澄叔：「喂！你究竟有冇聽我講嘢㗎！」
-
［寧靜到，只有海；我走著，你跟來；這一雙背影，就這麼風雨不改。］
-
浚彥：「除咗好多謝讀者咁鍾意我之外，有兩位女人都係喺我嘅Thank You list入面。」
-
［遊歷過，喜與哀；學會放膽宣揚我的愛，這麼愛，交給我來公開。］
-
浚彥：「一個係阿妹-歐陽蕊心。佢真係好可愛嘅，喺我面前成個細路女咁，但喺出面成個大姐姐咁，不過係矮版。」
-
［留一輩子給你，承諾認真與你活一世。］
-
浚彥：「另一個梗係我最愛嘅楚翹BB啦！你知唔知今日係咩日子。」
-
［從相愛到相處，無疑是一個哲學命題。］
-
浚彥：「今日係我哋相識七個月嘅紀念日，呢七個月，我哋經歷咗好多嘢。」
-
［手牽手跨過白雪，春風吹花卉，重塑著最初的一切。］
-
浚彥：「我哋一齊落『燒夜店』返工，新年一齊去澳門玩，之後一齊溫DSE，考完DSE就去camp，中間仲遇到大家好唔開心嘅事。」
-
［行下去，攀上山，有些易，有些難；卻風光美好，像你的親切不減。］
-
浚彥：「呢七個月入面，你陪我度過咗好多人生嘅唔同關卡，你肯聽我講心事，俾咗好多好好嘅意見我。」
-
［明日再，趕上班，在你耳邊抒懷慣不慣；笑一笑，於苦與甜之間。］
-
浚彥：「七個月前嘅今日，我喺天悅廣場見到你嘅畫面仲記憶猶新，記得你喺夾公仔機嘅後台期待緊有邊個人夾走你，點知係一個無錢嘅學生哥，呢個學生哥好多嘢都唔識，淨係識錫你。」
-
［留一輩子給你，承諾認真與你活一世。］
-
浚彥：「高貴嘅你瞬間變做一個小市民，平時食開名貴嘢，想要咩伸手就得，而家就唔介意夜晚辛苦返工賺錢，為嘅就係兩餐溫飽，」
-
［從相愛到相處，無疑是一個哲學命題。］
-
浚彥：「我能夠遇上你真係三生有幸，你帶俾我嘅快樂簡直係用筆墨形容唔到。你嘅溫柔喺呢個世界無人可以取代。」
-
［手牽手跨過白雪，春風吹花卉。］
-
浚彥：「不論貧窮或富貴、健康與否，我承諾，我一定會俾最幸福嘅家你。令你成為一個最幸福嘅人。」
-
［尋個樹蔭雙宿雙棲，如大地靜了總有依歸。］
-
浚彥：「最後同大家分享一個喜訊：上兩個禮拜，我哋已經去埋婚姻登記處註冊，正式成為歐陽家一員，而喺不久嘅將來都會搞埋個婚禮，到時會邀請埋澄叔同澄嬸，之後再同大家分享啦！」
-
澄叔：「恭喜歐陽浚彥，同時都恭喜呢對新人。聽聞歐陽冚家都有獎，唔知邊個而家暫時未有獎呢！大家就估下喇！真係唔知佢哋成家俾咗幾多錢澄澄，放心，你哋嘅婚禮，我實嚟㗎，話晒係我姪仔，梗係封返大利是俾你啦。」
------
後話：陳柏宇-《沒有你，我甚麼都不是》喺外傳都出現過，甚或喺小弟唔同嘅故事都有出現過。由外傳楚翹角色出發獻唱，感恩喺天悅遇上浚彥，成為歐陽家一員。喺《霹啪文壇頒獎典禮》嘅呢一集，都係用《沒有你，我甚麼都不是》作為文章背景音樂，但冇理由重新用多一次呢首歌佔大部分嘅字數，聽得多首歌都悶啦，所以就轉咗，至於轉咗咩歌，自己估下啦！估中冇獎，哈哈！
-
（待續 To be continued）
IG：chingchingstory