《夾出一個她》: 第五十四集-新年露營（中）
阿妹：「喂！啲營唔隔音㗎喎，唔好叫得咁大聲喎。」
-
楚翹：「痴孖根，你諗咗去邊吖？」
-
阿妹：「咁你就要問下你條仔諗咗去邊先嚕？」
-
我：「我啲茅山驅鬼技術會令到啲鬼好痛㗎。」
-
楚翹：「真係？」
-
我：「都話咗今晚試俾你睇。」
-
阿妹：「睇嚟今晚冇必要都唔好行近你哋個營。」
-
我：「我哋好孩子嚟㗎，唔會做啲曳曳嘅事㗎。」
-
楚翹：「我哋都大個啦，有咩所謂啫。」
-
阿妹：「今晚你哋早啲返營啦，我唔會阻住你哋嘅。」
-
我：「今晚唔夜行睇星？」
-
阿妹：「留返俾你哋兩個自己去啦！」
-
楚翹：「你陪我哋啦！我驚自己一個去廁所吖。」
-
阿妹：「你哋兩個去殘廁搞掂啦！」
-
我：「去殘廁飲咖啡咩？」
-
楚翹：「去完會揚名立萬㗎！不過係負面嗰隻囉。」
-
我：「一齊啦！你自己留喺營地都驚啦！」
-
阿妹：「幫你哋睇袋吖！」
-
我：「冇人偷嘢㗎。」
-
楚翹：「三個人行先開心㗎嘛。」
-
阿妹：「咦，即係要我食閃光彈啦！」
-
我：「係擺明要你食。你走唔甩㗎喇！」
-
阿妹：「最衰希逸要去拜年，搞到陪唔到我。」
-
楚翹：「嗱！唔去冇得食晚餐。」
-
我：「好，咁你就自己搞掂個晚餐啦！」
-
阿妹：「算算算，陪你哋行喇，怕咗你哋。」
-
我：「一早應該就咁做啦！」
-
阿妹：「費事阻住你哋呀嘛。」
-
楚翹：「要做嘅，大把機會做啦！」
-
我：「例如呢？」
-
楚翹：「而家就嚟囉！」
-
我：「營都未起好，講咩啫。」
-
楚翹：「起完營即刻搞囉！」
-
我：「嚟咪嚟，驚你吖。」
-
阿妹：「日光日白做埋啲咁嘅嘢，真係唔得掂。」
-
楚翹：「你咪理啦！」
-
我：「定係你妒忌吖？」
-
阿妹：「黐線，我先唔稀罕呢啲嘢。」
-
楚翹：「聽住先啦！」
-
我：「吃不到的葡萄是酸的。」
-
阿妹：「再嘈今晚入你哋個營一齊瞓。」
-
我：「你咪入囉！閃死你咋嘛。」
-
楚翹：「呢啲係咪叫自討苦吃呢？」
-
阿妹：「唔俾你哋兩個曳曳。」
-
楚翹：「你嘅下場會好淒慘。」
-
阿妹：「我先唔驚吖！」
-
我：「咁仲好，起少一個營，之後都收少一個。」
-
楚翹：「人哋夜晚頂唔順我哋啲閃光彈，要臨時起第二個營就好笑。」
-
我：「摸黑起營，無事嘅。不過佢都唔識起營。」
-
楚翹：「攞住睡袋瞓出面就得啦！」
-
我：「第二朝有牛去『關懷』你啫，最多送埋牛屎一篤，問你死未。」
-
阿妹：「算喇算喇，唔阻你哋兩個，都係起多一個營。」
-
我：「一早就咁做啦！」
-
楚翹：「咪就係。」
-
阿妹：「我發覺自己而家好似做咗電燈膽咁。」
-
我：「係吖！冇錯呀！」
-
楚翹：「你唔係電燈膽，你係做阿四，幫我哋手啫。」
-
阿妹：「即係做工人啦！」
-
楚翹：「Exact7ly，唔係請你去camp做咩。」
-
阿妹：「哎吔，真係上咗賊船。」
-
我：「幫下手拎嘢，包食包住，仲有靚仔同靚女睇。」
-
阿妹：「靚女就見到，靚仔就真係搵唔到喇！」
-
楚翹：「識貨！抵錫。」
-
我：「你條茂利，我唔幫你起營，自己起。」
-
阿妹：「睇漏咗，原來有靚仔，仲識起營㖭，如果呢個靚仔幫我起營就好嚕。」
-
我：「學咗佢啦，次次都要我幫手起。」
-
阿妹：「咁耐先起一次，今次教完，下次都唔記得啦！」
-
我：「工多藝熟嘅啫，去多幾次就識㗎啦！」
-
阿妹：「俾機會你照顧我呀嘛。」
-
我：「但我唔想照顧你呢！」
-
阿妹：「個個都想照顧我，但唔係個個都可以㗎。」
-
我：「我唔稀罕喎。」
-
阿妹：「遲啲你就會後悔當初冇好好照顧我㗎喇！」
-
楚翹：「後悔都後悔冇照顧好我先啦，係咪吖？」
-
我：「梗係啦，我最愛嘅翹B。」
-
阿妹：「嚟錯camp吖！食晒閃光彈喇！」
-
楚翹：「可惜希逸要去拜年啦！」
-
阿妹：「遲啲搞camp咪得囉。」
-
楚翹：「我哋要考模擬試㗎！」
-
我：「如果唔係要假期返去考試，我哋而家都唔喺香港啦！」
-
楚翹：「下次叫埋佢囉！」
-
我：「反正都有機會再搞嘅。」
-
阿妹：「下次去旅行啦，露咩營啫。」
-
我：「唔係㗎，希逸都好鍾意去露營㗎。」
-
阿妹：「之前又話新年一齊去露營……」
-
我：「唉！你怪就怪學校臨時臨急有維修工程，要我哋提早返去考試啦！」
-
楚翹：「搞到個旅行都冇咗喇！」
-
我：「復活節搞返咪得囉！」
-
阿妹：「嗱！你話㗎。」
-
我：「反正我同希逸都想搞真係瞓山邊嗰隻露營。」
-
阿妹：「咁啲水喺邊度搵？」
-
我：「自己帶去，或者用溪水。」
-
楚翹：「乾唔乾淨㗎？」
-
我：「一啲都唔乾淨，飲完會生蟲㗎。」
-
楚翹：「咁我唔去嚕。」
-
我：「講笑啫，啲水煲過先飲㗎嘛，啲溪水或者山水好清甜，攞嚟沖茶真係一流。」
-
楚翹：「咁廁所點解決。」
-
我：「喺山邊講聲『唔該借借』囉。」
-
楚翹：「吓！咁污糟，同埋咪俾路人睇蝕晒。」
-
（待續 To be continued）
IG：chingchingstory