《夾出一個她》: 第五十三集-新年露營（上）
呢個一日狗奴嘅活動過咗無耐，碌碌下Instagram，已經見到呢兩對準情侶自己約出嚟食飯，證明我哋嘅計劃大成功，我覺得自己第時可以做職業媒人，專幫人出pool。
-
狗場義工做完，繼續投奔學習嘅夢想。模擬試開始咗幾日，農曆新年亦都緊接而嚟，放完個長假又繼續考。由於我哋冇親戚可以拜年，所以每年新年都同阿妹去一個即興嘅短旅行，上年就即興去日本，前年就去韓國，完完全全係即興，想去邊就去邊。而今年就多咗楚翹。理所當然楚翹都唔使拜年啦，咁唔通佢返去呢個一去不返，有入冇出嘅地獄咩？
-
可惜千算萬算，算漏咗個模擬試因為學校嘅突發維修工程而要提早喺假期入面考埋佢，所以就取消呢個即興旅行，所以就改去西貢灣仔露營，度個靚假，順便呼吸下新鮮空氣。
-
今次計劃係去一個禮拜嘅露營，所以我哋提早預備食材，準備定尿袋，執齊行裝。用咗幾日時間準備好之後，我哋決定年廿八就出發。
-
可能新年去行山或者露營嘅人唔多，所以我哋三個人，兩個露營背囊、兩個喼再加一個大營上巴士都唔會阻到其他市民，而搭船嘅船程就更加唔阻人，成程船淨係得我哋三個，包晒成架船。
-
一落船，平時人多到墟冚嘅西貢灣仔營地，而家得返幾戶營友，名副其實係荒島。
-
［如可，找個荒島，向未來避開生活中哪些苦惱。］
-
C All Star嘅《天梯》相信都會聽過，不過唔知大家有冇聽過呢個充滿住愛嘅故事呢？
-
呢個故事係講重慶上個世紀嘅真人真事，當時有個十幾歲嘅有為青年，大家都知當時嘅傳統思想係唔接受同大成十年嘅女人生活，但佢為咗同大佢十年嘅女仔一齊，所以佢哋搬去深山隱居，避開俗世。雖然深山嘅生活辛苦，但佢哋都可以朝夕相對自己嘅愛人，呢個有愛嘅男仔為咗佢老婆行山路嗰陣時冇咁容易受傷，佢就用雙手慢慢開鑿石級。一鑿，已經半個世紀有多，足足鑿了一條六千幾級嘅石梯。
-
最後呢個充滿愛嘅甜蜜故事係喺2002年俾一隊登山隊伍發現，自此之後有唔同嘅電視、電影改編拍攝，而且仲有C All Star嘅《天梯》
-
［幾多對持續愛到幾多歲，當生命仍能為你豁出去。］
-
楚翹：「去camp原本係開開心心㗎嘛，做咩突然講埋啲咁催淚嘅故事吖！」
-
阿妹：「聽到我都有少少眼濕濕㖭。」
-
楚翹：「咁我之後同你去私奔，你會唔會照顧我一生一世㗎？」
-
我：「梗係會啦！不過我會好唔捨得我身邊嘅人。」
-
楚翹：「有邊個咁值得你唔捨得吖？」
-
我：「阿妹啦，希逸啦，然後係一班同學，最後仲有澄叔同茵妍。佢哋曾經幫過我，我係非常感激佢哋，如果要突然離開佢哋，我諗我會好唔習慣。」
-
阿妹：「我跟埋你哋走咪得囉。」
-
我：「唔得，咁希逸之後一個點？」
-
楚翹：「唔使咁認真嘅，我都係講下笑啫。」
-
我：「居安思危，飲水思原，啱㗎喇！」
-
阿妹：「不如諗下陣間幾點煮晚餐仲好啦！」
-
我：「乜你好肚餓咩？」
-
阿妹：「err……少少咁啦！」
-
楚翹：「食咁多，肥死你吖！」
-
阿妹：「我不溜都係豬嚟，唔驚！」
-
我：「可能你肥咗，希逸之後會唔要你呢！」
-
阿妹：「啋過你，我咁靚，點會唔要我呢？」
-
楚翹：「靚？邊度靚吖？睇過。」
-
阿妹：「阿嫂你係咪玩嘢吖？」
-
楚翹：「搵唔到邊個靚，淨係見到隻肥豬喺我面前。」
-
阿妹：「豬你個死人頭。」
-
我：「肥豬可愛吖！幾好搣。」
-
阿妹：「你夠膽就搣我，阿嫂嬲嬲豬㗎喇！」
-
我：「唔使攞楚翹嚟撻我，我唔驚嘅。」
-
楚翹：「你而家夠膽死挑戰我？」
-
我：「梗係夠膽啦！」
-
楚翹：「斬你吖喇！」
-
我：「隨便，反正嚟到呢度冇人可以照顧你。」
-
楚翹：「有阿妹煮嘢食，我都安全嘅。」
-
阿妹：「我同阿哥去過幾次露營，都係唔識煮嘢食，我連營都唔識起㗎。」
-
楚翹：「咁你去露營係負責啲咩㗎？」
-
阿妹：「負責食同hea。」
-
我：「所以你斬我啦，睇下你哋之後有咩食。」
-
楚翹：「大不了我哋等船返去囉。」
-
我：「聽日係年初一，呢幾日個個都去拜年，點會有船呢？」
-
楚翹：「可以打電話call大飛㗎嘛。」
-
我：「平日嘅夜晚都收double，你估下農曆年初一會收你幾多吖。」
-
阿妹：「同埋我哋唔係帶咗好多錢咋，唔通行山返出去市區咩？」
-
楚翹：「今次就放你一馬，返到市區你就知死，斬你落嚟食。」
-
我：「咁你之後都係食屎，冇人可以照顧你。」
-
楚翹：「你可以放心，有錢就係萬能。」
-
我：「咁你而家有幾多吖？」
-
楚翹：「少到可憐，直情慘不忍睹。」
-
我：「所以你冇咗我唔得囉。」
-
楚翹：「慳啲啦！鬼先要你吖！」
-
我：「咁即係你係鬼啦。」
-
楚翹：「乜你而家先知咩？」
-
我：「我夜晚嘅工作係驅鬼，你小心啲？」
-
楚翹：「用咩先？」
-
我：「一碌好長嘅嘢囉！」
-
楚翹：「即係咩？」
-
我：「今晚你咪知囉！我啲技術可以痛到你叫出聲㗎！」
-
（待續 To be continued）
IG：chingchingstory