《夾出一個她》: 第五十一集-溝女大會
希逸：「變成熟咗呀嘛，我知。」
-
我：「完全唔係之前嘅你，簡直係180度大轉變。」
-
希逸：「我盡力學習成為男人。」
-
我：「喂！就算我喺到，你做事都唔會特別認真㗎啦！」
-
希逸：「都唔係唱俾你聽，唔好自作多情啦！」
-
我：「唔唱俾我聽，咁唱俾邊個聽吖！」
-
希逸：「好夢正酣嘅蕊心BB囉。」
-
我：「上去唱啦！肉麻到爆。」
-
希逸：「冇鎖匙呀嘛！」
-
我：「而家借埋俾你又點話吖！不過夜媽媽唔好搞得咁大聲喇！你知你有時大力咗就唔好啦！」
-
希逸：「你都痴孖根嘅，我唔做犯法嘢㗎。」
-
我：「咁你係咪而家上去唱歌吖！」
-
希逸：「上去吹簫好啲。」
-
我：「又講鹹濕嘢，都係唔借鎖匙俾你，我要擔心阿妹嘅人身安全。」
-
希逸：「俾啦！唔該你啦！」
-
我：「唔知邊個啱啱先講完，話拍拖唔係淨係為咗呢啲敦倫之樂呢？」
-
希逸：「唔知吖！」
-
我：「啱先仲讚完你成熟，我收返啱先講嗰句嘢。」
-
希逸：「收唔返㗎喇！我都知我成熟，男仔嘅目標係溝女，而男人嘅目標梗係…」
-
我：「喂！你又想講咩呢？」
-
希逸：「就梗係照顧老婆啦！」
-
我：「我話晒都係半個老竇，我揀女婿嘅要求係超級高㗎喎。」
-
希逸：「我有咩係達唔到你嘅要求先得㗎？」
-
我：「首先唔需要有錢，但係要好有錢；唔需要靚仔，但要好靚仔；唔需要錫佢，但要好錫佢。」
-
希逸：「論靚仔，我數一數二靚仔，呢方面你唔使擔心；論錫佢，我肯定俾你更加錫佢啦！」
-
我：「係咪㗎？點錫佢法先。」
-
希逸：「錫到佢燶咁囉！」
-
我：「咁就差唔多，但係至於有錢……」
-
希逸：「愛情，係唔可以用錢嚟比較。」
-
我：「冇錢，咩愛情都唔講得。」
-
希逸：「你都唔係好有錢啫，同我講呢啲。」
-
我：「就係因為我唔係好有錢，我女婿先更加要有錢吖嘛。同埋我有得食軟飯㗎喎！」
-
希逸：「你估下你可唔可以入到楚翹屋企門口啊喇？」
-
我：「方圓半公里都入唔到，肯定俾啲保安趕走，可以嘅話，我而家俾人監視緊都似。」
-
希逸：「重犯一號。」
-
我：「係！我係軟飯皇。」
-
希逸：「高級監督巡視，有冇要求投訴？」
-
我：「阿sir，乜你係高級監督咩？高級廁所長就有你份。」
-
希逸：「我而家就係高級監督，我再問多次，有冇要求投訴？」
-
我：「有吖！好多嘢想要，例如整返幾個二奶、換個靚啲嘅老婆咁啦！」
-
楚翹：「喂！唔好以為我聽唔到喎。偷懶都未話你喇！而家仲要話換個靚啲嘅人，係咪想死？」
-
希逸：「Sorry, Madam，啱先呢個犯人太麻煩，我而家幫你處理佢。」
-
楚翹：「係就快，唔好拖喇！」
-
希逸：「Yes, Madam.」
-
楚翹：「至於呢個犯人，加佢監，加到終身監禁，犯人有冇嘢要上訴？」
-
我：「終身監禁係咪同你過先？」
-
楚翹：「睇下你嘅表現點先啦？」
-
我：「咁而家呢？」
-
燒緊串燒嘅我，行過去喺樓面嘅楚翹，然後嘴落去。
-
楚翹：「咁樣犯規㗎喎。要再加監㗎。」
-
我：「反正都要終身監禁對住你，加乜都得啦！」
-
希逸：「好閃吖！」
-
魚蛋：「閃盲我哋呢啲單身漢喇！」
-
歪仁：「早知帶埋啲女女過嚟曬命啦！」
-
孟治雞：「你去吔屎啦！溝走晒啲女女，我同魚蛋都係自己咁過咋。」
-
歪仁：「冇辦法啦！鬼叫我咁靚仔呢？」
-
魚蛋：「孟治雞，你識做啦！」
-
孟治雞：「梗係識啦！陣間玩game整鑊勁嘅俾佢嘆。」
-
歪仁：「酒下留人吖！」
-
魚蛋：「流鼻血就有你份。」
-
孟治雞：「走唔甩㗎喇！乖乖哋介紹啲女仔俾我哋識就放你一馬。」
-
歪仁：「我識嗰啲，都睇唔上你啦！」
-
魚蛋：「我哋俾埋機會你，你自己唔珍惜，而家敬酒唔飲飲罰酒。」
-
孟治雞：「今次耶穌都保你唔到，我話嘅。」
-
希逸：「咪住！我哋有女介紹。」
-
魚蛋：「堅定流先？」
-
希逸：「堅過石堅咁樣囉。」
-
我：「呃你有錢賺咩？嗱！望下啦！」
-
歪仁：「喂~正喎，你哋點識㗎？」
-
我：「佢哋係阿妹同楚翹啲同學嚟，中三嘅。」
-
魚蛋：「妹妹，啱喎。」
-
希逸：「人哋好成熟㗎。」
-
孟治雞：「幾時搞招親大會先。」
-
我：「今個月尾嘅周末得唔得先？」
-
魚蛋：「吓！我哋要考模擬試喎。」
-
希逸：「咁你要模擬試定女？」
-
魚蛋：「女。溝女大過一切㗎嘛。」
-
我：「咁咪就係囉！我哋諗住去狗場做義工，俾機會你哋展露啲父愛同愛心。」
-
孟治雞：「都話你哋體貼㗎啦，連活動都安排埋俾我哋。」
-
希逸：「係唔想阻住我哋拍拖啫。」
-
魚蛋：「呢個咁有深度嘅任務就交俾我哋啦！」
-
我：「咁我當你哋得㗎喇！」
-
孟治雞：「幾忙都都嚟啦！」
-
希逸：「你有幾忙呢？平時咪又係返學等放學。」
-
孟治雞：「忙住睇幾時放學囉！」
-
我：「話知你，總之預咗你哋啦！」
-
［個個都拍拖，唔通嗰個都想拍拖咩？係，個個都想拍拖，可惜，錯的人配上錯的時間。］
-
（待續 To be continued）
IG：chingchingstory