《夾出一個她》: 第四十集-元旦（中）
希逸：「就係著住校服拍拖。」
-
楚翹：「乜你哋咁冇大志㗎。」
-
我：「咩冇大志，你知唔知著住校服拍拖係每個男人嘅願望，不知幾正。」
-
希逸：「我哋呢啲毒撚，好難識女仔㗎。」
-
我：「喂喂喂，割席先，我唔係毒撚。」
-
希逸：「咁你咪都係冇女。」
-
我：「哎！抱歉，我而家有喇！我嘅願望都達成咗喇！」
-
希逸：「咁阿嫂你有咩願望係想中六之前做㗎？」
-
楚翹：「想搵個男朋友。」
-
我：「Chur，你個願望咪同我哋嗰個一模一樣。」
-
楚翹：「我都未講完，我要識個有錢人，要靚仔嘅。」
-
希逸：「論有錢，肥哥冇。論靚仔，佢更加唔係。」
-
楚翹：「所以我個願望最後都係實現唔到。」
-
我：「你都係香港首富個女，點會有人有錢過你呢？」
-
楚翹：「嘿嘿！又係喎。」
-
我：「而家咪幾好，有靚仔陪你。」
-
楚翹：「邊忽靚？」
-
我：「屎忽最靚。」
-
阿妹：「阿哥你真係好核突。」
-
我：「再核突啲都仲得。」
-
希逸：「肥哥冷靜，唔好唱你首飲歌。」
-
我：「哎……」
-
希逸：「唔！好！吖！」
-
我：「一開心唱飲歌，不開心唱飲歌，當中紀錄我這麼長大過。每次也貪到這首那首還要唱，很多是你麼？」
-
希逸：「乜你嘅飲歌係《飲歌》咩？」
-
我：「嗰首歌唔出得街㗎！會嚇親佢哋㗎！」
-
希逸：「你知就好啦！我幾驚你唱嗰首。」
-
阿妹：「阿哥你首飲歌係咩歌？」
-
我：「呢首《飲歌》咪就係我嘅飲歌囉！」
-
楚翹：「做人唔可以擘大眼講大話㗎喎。」
-
我：「手一僵，眼閉著，未能延著，別求延著。」
-
楚翹：「情人如若很好奇。」
-
我：「要有我被嚇怕的準備。」
-
阿妹：「頂！首歌完全夾你哋啲對白。」
-
我：「梗係夾啦！有諗過㗎嘛！」
-
阿妹：「其實你同希逸啱先講嗰首歌究竟係咩？」
-
希逸：「咪就係Twins嘅《飲歌》囉！」
-
阿妹：「你唔好呃我喎，否則你嘅下場會好淒慘㗎！」
-
希逸：「黐線，我點會呃你呢！」
-
阿妹：「咁點解你話首歌唔出得街嘅？」
-
希逸：「……」
-
阿妹：「都話你呃我㗎啦！」
-
希逸：「唔係吖！我諗緊點解釋俾你聽。」
-
阿妹：「即係掩飾緊啦！解釋即係掩飾，掩飾即係冇出色。」
-
希逸：「件事係咁嘅，咁有次你阿哥屎忽痕喺班上面唱《飲歌》，點知佢可以唱到走音。你知呢首歌個key唔係好高，正常人都可以carry到，搞到我哋成班笑到碌地。」
-
阿妹：「唉！你個閪仔唱歌真係好閪難聽，唱歌就應該好似我咁嘅，Music。」
-
阿妹：「龍咁威，特種警衛，威猛我真勇毅。龍咁威唔怕毒計，掃蕩奸狡惡毒鬼。」
-
楚翹：「Wow！好聽！幾時出碟？」
-
阿妹：「就嚟㗎喇！環球都就嚟簽我㗎喇！」
-
我：「發你個春秋大夢啦！歌星，哥倫比亞大猩猩就有你份。」
-
希逸：「先生請問你貴庚？呢啲對話好似小學生先會講。」
-
我：「讓那恐龍成群行過枱面，衣櫃入面藏著花園，心儀男孩長駐於身邊，夢要變真也沒那樣遠，生命從未如樂園，也可靠我創造浮現。」
-
希逸：「又係《黃色大門》你悶唔悶啲啊！啱啱先唱完，而家又返炒，你唔悶我都悶啦！」
-
楚翹：「啲老人家記憶有限，唔好怪佢啦！」
-
我：「咁我諗唔到咩歌可以代表我鍾意幻想嘅心態。」
-
阿妹：「心中的牽掛，悠悠講給天空知，每一串夢兒，埋藏我的心事。」
-
楚翹：「細細個睇卡通片嘅回憶返晒嚟，呢首歌真係好正。」
-
希逸：「呢首咩歌嚟？」
-
我：「唉！睇嚟你真係冇童年樂趣。呢首係《夢中天使》係卡通片『長腿叔叔』嘅片頭曲嚟。」
-
阿妹：「長腿叔叔呢個故事真係好感動。」
-
楚翹：「細個嗰陣時真係好想大個之後有長腿叔叔照顧我。」
-
我：「咁你而家咪有我做長腿叔叔囉！」
-
希逸：「我真係冇睇過呢個故事。」
-
阿妹：「如果你有機會一定要睇。」
-
我：「使乜等有機會，屋企咪有隻DVD囉！」
-
阿妹：「係喎，咁不如而家睇？」
-
楚翹：「聽日要返學㗎！你係咪放假放到傻咗？」
-
阿妹：「你唔講，我都唔記得聽日要返學㖭！」
-
我：「咁你溫咗後日開始嘅考試未啊？」
-
阿妹：「梗係未啦！我得閒就會溫㗎喇！」
-
希逸：「快啲溫書啦，唔係就冇好成績㗎喇！」
-
我：「咁你又開始溫DSE未啊？」
-
希逸：「未。」
-
我：「五十步笑百步。」
-
阿妹：「佢簡直係一百步笑五十步。」
-
希逸：「溫書呢啲嘢，臨考試前一日先溫都唔遲啦！」
-
阿妹：「你快啲溫書啦！你係考DSE㗎，呢個關乎人生嘅考試嚟㗎！」
-
希逸：「知道喇！我會溫㗎喇。」
-
我：「食完就洗碗，今晚早啲休息。」
-
楚翹：「Yes,Mom.」
-
希逸：「聽日放學係咪都可以上嚟食飯？」
-
我：「你唔係上嚟學廚咩？」
-
希逸：「係嘅師父。」
-
阿妹：「正啊！四個人食飯，食完可以打麻雀。」
-
我：「打你個死人頭啊！我同楚翹要返工㗎！」
-
楚翹：「咪就係，費事阻住你哋兩個係屋企鴛鴦嬉水啦！」
-
（待續 To be continued）
IG：chingchingstory