《夾出一個她》: 第三十九集-元旦（上）
我：「大家起身食晚餐喇！」
-
阿妹：「原來返通宵係咁攰，一攤落張床係可以即刻昏迷。」
-
尋晚大家喺海傍返咗一晚通宵之後，大家返到屋企瞓到成隻豬咁。習慣返通宵嘅我，晏晝已經醒咗，所以就落街買餸煮飯俾佢哋食。
-
楚翹：「返通宵真係辛苦㗎，要日夜顛倒，咁你平時見到浚彥咁攰，你而家就知點解啦！」
-
阿妹：「阿哥，錫晒你。」
-
我：「你錫希逸得喇！費事佢搵我算帳，嬲我搶走你。」
-
希逸：「我唔係啲咁小氣嘅人嚟，同埋你點會搶走阿妹呢！你都有楚翹啦！斷估你唔會亂倫呀嘛？」
-
我：「黐線，阿叔你唔好FF咁多啦！」
-
希逸：「我啲幻想細胞好豐富㗎！讓那彩虹長橋無限伸展，飛象日日雲上表演，魔幻現實尋到相交點。」
-
我：「在你心房的，黃色門裏，保存著，未坐那火箭。」
-
楚翹：「呢首係咪容祖兒嘅《黃色大門》？」
-
阿妹：「Bingo！呢首歌容祖兒唱得好好聽，我覺得張敬軒都唱得唔錯。」
-
楚翹：「張敬軒啲歌喉真係好正，高、中、低音都carry到。」
-
我：「大家幫手攞餐具啦！食得㗎喇。」
-
希逸：「收到。」
-
楚翹：「今晚食咩？」
-
我：「都係嗰啲家常便飯啦！」
-
希逸：「尋回一碗湯，清清的小菜。」
-
我：「今晚有湯但冇小菜。」
-
阿妹：「呢度食西式嘢多。」
-
楚翹：「今晚正喎，有意大利燴飯，仲有燒牛仔骨。」
-
阿妹：「阿哥，你今日搞咩？你都好耐冇煲過真嘅羅宋湯，平時都係罐頭羅宋湯。」
-
我：「煲真嘅羅宋湯要煲好耐，同埋要準備好多材料，唔容易㗎！ 不過今日有時間先慢慢煲。如果罐頭湯再加料就快好多，當然冇咁好飲啦，但我用祖傳秘笈，所以就冇咗浸罐頭味。」
-
希逸：「肥哥出品嘅嘢食有品質保證㗎！之前我同佢一齊上家政，我次次煮嘢食嗰度都係全班最高分㗎。」
-
我：「但你縫紉嗰邊次次都唔合格呢！」
-
希逸：「縫紉嗰邊好難，穿針難，其他仲難，嗰架衣車都唔係俾人用嘅。」
-
阿妹：「架衣車好易用，溫柔啲用就好易駕馭部衣車。」
-
希逸：「反正我又唔會自己車件衫俾自己嘅。」
-
我：「學多樣嘢冇壞嘅。」
-
阿妹：「一係你跟阿哥學煮餸，煮餸呢方面反正你之後會成日用㗎啦！」
-
我：「我收徒弟嘅要求好高㗎喎。」
-
希逸：「大師，請受小弟一拜。」
-
我：「得閒上嚟食飯，順便學下啦！」
-
希逸：「係嘅大師。」
-
我：「大家食飯啦！」
-
楚翹：「飲杯！」
-
「飲杯！」
-
希逸：「你整呢個意大利燴飯真係好好食。」
-
我：「今次落足料㗎！平時都係罐頭湯加海鮮，今日個汁自己整，自己慢慢調校個汁㗎！」
-
阿妹：「我都係鍾意食平時罐頭湯加海鮮多啲，呢個汁冇咁好食。」
-
我：「你咩口味嚟㗎！整呢個真意大利燴飯咁用心整，竟然話一個慳水慳力嘅頹飯好食。」
-
阿妹：「可能食開頹飯，習慣咗。不過個羅宋湯真係好飲過平時嗰啲。」
-
我：「大佬吖！平時嗰啲湯係罐頭湯加菜再煲，而家係完全自己煲，梗係唔同啦！」
-
楚翹：「我都係鍾意食之前嘅頹廢版意大利燴飯多啲。」
-
我：「你哋嗰啲咩品味嚟㗎！頹飯竟然俾認真落心煮嘅飯好食。」
-
阿妹：「食咗兩啖，終於知道差啲咩喇！就係差咗啲味。」
-
我：「差啲咩味？」
-
楚翹：「差咗啲濃烈嘅芝士味。」
-
阿妹：「冇錯。」
-
我：「就係因為呢個係白汁呀嘛，係忌廉汁所以先唔落芝士。落芝士就唔係白汁啦，就叫芝士汁啦！」
-
阿妹：「下次整芝士汁燴飯啦！」
-
我：「白汁係食個奶香味，你哋真係唔識欣賞。」
-
阿妹：「咁你平時個汁點整？」
-
我：「白汁落芝士。」
-
阿妹：「下次落返芝士，會好食啲㗎。」
-
我：「好啦！下次用返罐頭湯加芝士。」
-
希逸：「個頹廢版羅宋湯點整？」
-
我：「吓！竟然學整頹廢版？」
-
希逸：「簡單啲呀嘛。」
-
我：「罐頭湯做底，加返啲牛肋條同紅菜頭，仲有少少雜菜落去煲。」
-
希逸：「咁同自己慢慢煲有咩分別。」
-
我：「一定唔會出事先，其實同自己去街市買料煲都用差唔多時間，係可以落少啲菜而都有啲菜味。」
-
希逸：「都係普通罐頭湯，煲返熱佢就算。」
-
我：「正宗嘅羅宋湯好飲好多㗎。」
-
阿妹：「你煲咪得囉！反正希逸之後大把機會去我哋屋企，食你煮嘅好餸。」
-
我：「第時放學捉你一齊去買餸，慢慢訓練你做廚神。」
-
希逸：「通常學廚嘅人都係從洗碗洗先。」
-
我：「啱先正想講呢句，所以今晚就……辛苦你喇。」
-
希逸：「洗碗呢啲嘢，簡單啦！」
-
我：「陣間你就知，煮一餐飯都用唔少煲同碗碟㗎！」
-
希逸：「得啦！我唔會食完拍個籮友就走嘅，唔通你煮你洗咩？叫班公主洗，我又過意唔去喎。」
-
我：「第時就靠你㗎喇！」
-
希逸：「咁向大廚學嘢都要交學費嘅。」
-
我：「徒弟幾時嚟上堂？」
-
希逸：「聽日開始。」
-
我：「好吖！」
-
楚翹：「聽日就開學，真係好唔捨得個假期。」
-
希逸：「六年嘅中學生涯咁就去到尾聲。」
-
我：「有啲唔捨得㖭，六年咁就過咗去。」
-
楚翹：「你哋有咩願望係想中學之內完咗佢㗎？」
-
我：「我哋嘅願望已經完成咗。」
-
阿妹：「係咩吖？」
-
（待續 To be continued）
IG：chingchingstory