《夾出一個她》: 第四十一集-元旦（下）
阿妹：「邊度係鴛鴦嬉水啊！我哋係鴛鴦洗碗。」
-
我：「點知你洗洗下碗會唔會突然去洗第二啲嘢。」
-
希逸：「噓！講呢啲！咁我都唔會落去阻住你哋喺『燒夜店』放閃嘅。」
-
我：「好兄弟。」
-
希逸：「兄弟好！己所不欲，勿施於人。」
-
我：「大家今晚食完飯就早啲休息，聽日就開學喇！」
-
希逸：「梗係啦！食完拍個籮柚走得。」
-
我：「啲碗……阿茂洗啊？」
-
希逸：「嘻嘻！」
-
我：「洗埋先準走。」
-
希逸：「係嘅老闆，使唔使切埋啲生果，煮下紅豆沙咁？」
-
我：「係就最好啦！煮埋宵夜都可以㗎！」
-
希逸：「唔得，你話今晚要早啲休息。」
-
阿妹：「係囉！呢句你講㗎。」
-
我：「嘩！你哋平時當我講嘢耳邊風㗎喎，你哋今日咩事？」
-
希逸：「黐線，我最聽你講嘢㗎喇！你係大佬嚟㗎嘛。」
-
阿妹：「你係我阿哥嚟㗎嘛，點會撚化我呢？」
-
我：「我會記住你哋今日講過嘅嘢，之後攞返出嚟講。」
-
希逸：「平生不做虧心事。」
-
阿妹：「阿哥敲門也不驚。」
-
我：「你哋講到我好似隻鬼咁。」
-
希逸：「梗係似啦！餓鬼呀嘛！」
-
我：「邊度似，你用屎眼睇嘢？」
-
希逸：「我用……呢隻眼。」
-
我：「嘩嘩嘩！好撚痛吖屌你！」
-
希逸話口未完，對我做咗「千年殺」，呢個動作就係對準我個屎忽窿，由下面一嘢插上去，真係好撚痛。如果大家好鍾意「千年殺」人，你真係要俾人插一次先知道咩叫痛。
-
我：「你係咪未死過。」
-
希逸：「都唔係好痛咋嘛。」
-
我：「擰轉身。」
-
希逸：「做咩先。」
-
我：「你轉咗先。」
-
希逸：「啊~好撚痛吖！」
-
我：「咁你而家知道咩叫痛啦！」
-
希逸：「下次唔搞，原來真係好痛。」
-
阿妹：「搞到我都想試下插人㖭。」
-
希逸：「唔好吖，好痛㗎！」
-
阿妹：「希逸，我要進來了。」
-
希逸：「大人饒命啊！」
-
阿妹：「原來插人係咁爽㗎！」
-
我：「但被人插會好痛囉！」
-
阿妹：「唔緊要，反正我都唔會試到。」
-
希逸：「你諗下好喇！」
-
我：「喂喂喂！你係咪想死，喺你女朋友個阿哥面前講埋啲咁嘅嘢。」
-
希逸：「驚咩啫。你都唔介意嘅。」
-
我：「我好介意，做人唔可以淨係諗呢啲嘢㗎喎。」
-
希逸：「呢啲嘢係咩呢？」
-
我：「就係你諗嗰啲嘢囉。」
-
希逸：「即係邊啲呢？」
-
我：「敦倫之樂啊！」
-
希逸：「得你一個先係咁鹹濕，我好正經㗎！」
-
阿妹：「得你一個先諗埋啲咩咩倫敦嘢，我哋三個都冇諗呢嘢。」
-
我：「係敦倫，唔係倫敦。」
-
楚翹：「對你好失望囉！開頭都唔係鹹濕仔嚟，點知識得越耐，就越嚟越鹹濕。」
-
我：「三個恰一個，完全唔公平。」
-
楚翹：「呢個世界就係咁唔公平，，因為你識到我已經用晒所有運氣。」
-
我：「識到你直情係三生有幸㖭啦！」
-
楚翹：「嘩！突然俾咗個靚位你入㖭。」
-
我：「我梗係識搵靚位入啦！我入咩位都咁靚。」
-
楚翹：「哈！哈！哈！你講鹹濕笑話都唔知俾咩反應你好。」
-
我：「我邊似係講鹹濕笑話呢！我係講泊車，入咩位都咁靚。」
-
楚翹：「咁都俾你條友兜到㖭。」
-
我：「我講嘢從來都唔兜圈嘅，我講嘢好直接㗎。」
-
楚翹：「直接……直接笠水呀嘛！」
-
我：「我份人，天不怕、地不怕。」
-
楚翹：「唔知邊個連表白都唔敢，要我開口先呢。」
-
希逸：「你……有冇搞錯。」
-
阿妹：「原來楚翹表白先㗎？」
-
楚翹：「冇辦法啦！對住啲木頭，唔主動啲，人哋唔知㗎。」
-
我：「我原本諗住講㗎！點知俾你搶走咗我嘅對白咋嘛。」
-
楚翹：「係囉！仲要我撲向你到，錫你先get到囉！」
-
希逸：「嘩！你有冇搞錯吖！要女仔同你表白，仲要女仔主動錫你。」
-
我：「無辦法啦！鬼叫我咁靚仔，啲女會主動撲埋嚟。」
-
楚翹：「你慳啲啦！如果我唔主動啲，你而家都仲係單身咋。」
-
我：「點會單身，分分鐘狂蜂浪蝶㖭吖！」
-
希逸：「連表白都唔敢，廢柴。」
-
阿妹：「對你好失望囉！」
-
我：「放心，表白今次我衰咗，但求婚呢一part，一定會係我開口先嘅。」
-
希逸：「你唔敢講就死得啦！」
-
楚翹：「邊個……邊個話我會應承你求婚㗎。」
-
阿妹：「阿嫂做咩口窒窒，你係咪怕醜啊？」
-
楚翹：「黐線啦！我都唔知會唔會揀浚彥。」
-
希逸：「肥哥你要加油喇！要留住楚翹嘅心喇！」
-
我：「冇㗎喇！入咗嚟呢度就冇得出返去，除非……」
-
楚翹：「除非咩？」
-
我：「除非……你搵到個有錢人收養你啦！」
-
楚翹：「係啊！但係啲有錢人，我都冇興趣。咁我最多以後都留喺到囉！陪下你呢個單身漢。」
-
阿妹：「希逸B，叫定大嫂啦！ 」
-
希逸：「大嫂好！」
-
楚翹：「我幾時話應承做佢老婆。」
-
阿妹：「啱先阿哥話求婚，你突然口窒窒喎。」
-
楚翹：「我……我有口吃咋嘛。」
-
阿妹：「係就唔好等喇！」
-
希逸：「好事梗係成雙啦！」
-
我：「做咩啊！你又求婚咩？我反對。」
-
希逸：「我反對你個反對。」
-
阿妹：「喂喂喂！我未準備好㗎！」
-
希逸：「我都唔係講求婚，都唔知你哋兩兄妹諗咗去邊？」
-
（待續 To be continued）
IG：chingchingstory