《夾出一個她》: 第三十六集-燒夜店一家親
我：「嘿！我哋講笑咋嘛！朋友有事，梗係要支援啦！點可以唔要佢㗎！我份人最講義氣㗎嘛！」
-
希逸：「啲唔幫人嘅朋友就唔係朋友，嗰啲通通都係賤人。老闆，我撐你㗎，我實幫你㗎！」
-
老闆：「你班仔啊！啱先講到好把炮，咩連呢啲少少恐懼都接受唔到！」
-
希逸：「啱先係我哋嘅演戲效果，假㗎！」
-
老闆：「不如考下演技，食雞子囉！」
-
我：「真食就唔叫考演技啦！」
-
老闆：「如果你要為藝術犧牲，要你食雞子，你願唔願意？」
-
希逸：「為藝術就梗係冇問題啦！因為假嘅。」
-
老闆：「但係要食真嘅先突出到個效果。」
-
我：「咁呢個就唔叫藝術，呢啲叫真食雞子，而唔係為藝術。」
-
希逸：「咁你都唔會為藝術而食雞子啦！」
-
老闆：「我會喎！」
-
我：「拿拿淋食返粒先啦！考驗下演技呀嘛！」
-
老闆：「你係咪食先，咁多嘢講。」
-
我：「多謝你嘅好意，我飽喇！」
-
老闆娘：「你而家係唔係唔俾面我大佬先！」
-
我：「係！我不溜都唔俾面你大佬嘅，有咩問題？」
-
老闆：「𡃁仔！而家有女就威威喇 ！以前咪又係問我點樣溝女。」
-
我：「得咗米就梗係要女啦！其他嘢可以唔要㗎喇！」
-
希逸：「重色輕友，呢種朋友唔要得。」
-
我：「你現時自己可做飯，悶極時自己可浪漫。」
-
阿妹：「唔緊要，我煮俾你食。」
-
我：「有時清淡啲，食麥樂雞湯，茄汁湯都好事嚟嘅。」
-
阿妹：「我邊有煮啲咁難食嘅嘢吖！」
-
我：「嗰次都係爭啲啫，炒蛋都係落咗糖咋嘛！」
-
阿妹：「我想整甜啲，你識咩吖！」
-
我：「一定係咁，甜嘅炒蛋配煙肉，一定好夾啦！」
-
阿妹：「Fusion菜嘅嘢，你識條鐵咩？」
-
我：「『鐵』係一種化學元素，佢嘅化學符號係『fe』，佢嘅原子序數係26，亦都係過度金屬嘅一種。」
-
楚翹：「嘩！你好叻吖！你點知道㗎！」
-
我：「梗係叻啦！唔係之後點照顧你吖！」
-
希逸：「扮晒嘢，求其噏啲嘢出嚟就當自己好勁。」
-
我：「喂！唔好篤穿我嘅秘密，唔拋下書包又點溝女呢！」
-
楚翹：「你又要溝邊個呢！你已經有我喎！你係咪瞞住我去溝第二條女？」
-
我：「點會呢！我最專一㗎喇！」
-
楚翹：「有咩證據？」
-
我：「你唔信就去問希逸喇！」
-
希逸：「你梗係專一啦！好專一咁周圍去溝女呀嘛！」
-
楚翹：「哦！而家有人證喇！你點解釋。」
-
我：「冤枉啊！包大人。」
-
楚翹：「一句講使，有冇周圍溝女。」
-
我：「梗係……冇啦！我咁靚仔，點會係我溝女呢！梗係啲女溝我啦！」
-
楚翹：「一定係咁啦！」
-
我：「你知唔知溝我要排隊，而家排到星加坡，我見你咁可憐先俾你打尖咋！」
-
楚翹：「你唔吹脹啲！我啲兵排到去美國㖭！我肯定長過你。」
-
希逸：「肥哥最新形容詞-短。」
-
我：「難道你不知道濃縮就是精華嗎？」
-
楚翹：「唔通你想講你自己短！」
-
我：「係靈活。」
-
楚翹：「要睇過先知。」
-
阿妹：「喂喂喂！你哋返緊工㗎！正經啲啦！」
-
老闆：「咪係囉！陣間俾啲街客聽到，以為呢度啲員工咁核突，以後唔入嚟食，我哋咪蝕大本。」
-
希逸：「係囉！做壞晒啲規矩。」
-
我：「吖！你平時唔講嘅。」
-
希逸：「我唔會喺返工呢啲咁正經嘅場合講啲咁核突嘢囉！」
-
老闆：「希逸呢啲態度就啱喇！得閒教下彥仔啦！你冇嘢做都可以落嚟幫手㗎！」
-
希逸：「唔好阻住人哋拍拖啦！我唔做人電燈膽㗎！」
-
阿妹：「阻人拍拖尤如殺人父母，費事佢哋因為冇得拍拖而鬧我哋啦！」
-
我：「講到你哋唔拍拖咁嘅。」
-
楚翹：「同學愛新鮮，戀愛大過天。」
-
阿妹：「仲《戀愛大過天》？梗係男生們是非，我細細聲講給你！」
-
老闆娘：「我坐你隔離，像對孖公仔報喜。」
-
楚翹：「來操場遊戲，我共你一起。」
-
阿妹：「然後買襪買衫可以做風紀。」
-
我：「歐陽浚彥，動作很劉華！我真是好奇。」
-
希逸：「林希逸啊！一直人氣高企。」
-
我：「喂！你呢句唔啱音喎！」
-
希逸：「你啱音咩？」
-
我：「梗係啱，連動作都啱，同劉華啲動作一樣咁靚仔。」
-
阿妹：「阿哥，你應該流華先啱！」
-
楚翹：「流~德華。」
-
我：「我係真•劉華。愧家der嚕！」
-
希逸：「你都係唔好唱喇！你啲普通話真係唔得。」
-
楚翹：「唔係唔得，係要直情要用『爛』呢個字嚟形容。」
-
我：「咁我少講，講得唔好，係好正常啫！我又冇乜地方要用普通話，學嚟都冇用。」
-
阿妹：「咁你啲英文又掂唔掂呢？」
-
我：「我梗係掂啦！我劍……劍橋畢業。」
-
楚翹：「邊度劍……劍橋吖？」
-
我：「劍橋道補習社。」
-
楚翹：「仲有冇呢？」
-
我：「牛津囉！」
-
楚翹：「牛頭角津貼小學呀嘛！呢啲爛gag，我細個都聽唔少啦！」
-
阿妹：「阿哥唔好做多咗！你做多咗喇！」
-
希逸：「柒出一個新境界。」
-
我：「柒頭盡頭便是型。」
-
楚翹：「但你未柒到盡頭，所以型唔到。」
-
希逸：「即係話你柒啊！」
-
我：「而家被大家遺棄喇！」
-
阿妹：「而家冇人要你嚕！」
-
（待續 To be continued）
IG：chingchingstory