《夾出一個她》: 第二十二集-雞子之夜
希逸：「我寧死都唔食雞子，我做唔到咁殘忍嘅行為。」
-
阿妹：「你今晚唔食，我話俾你聽，你一定會打直入嚟，打橫出呢個門口。」
-
希逸：「你唔好大我吖！我武林高手嚟㗎！」
-
阿妹：「哎吔！我好驚吖！我跆拳道黑帶㗎！」
-
希逸：「嚟！我哋一決高下，輸咗嗰個今晚洗晒啲碗。」
-
阿妹：「加食多粒雞子。」
-
希逸：「好！一於咁話！」
-
阿妹：「阿哥！你做評判。」
-
我：「好！預……備！開始！」
-
楚翹：「開波喇！雙方互相試探對方，大家都未展開攻擊。」
-
我：「咪住，阿妹形色一變，突然撲向希逸，使出「龍舟掛鼓」，希逸反應唔切，跌喺梳化上面。」
-
楚翹：「呢個時候，佢哋呈現「女上男下」嘅動作。嘩！個動作有啲核突，唔方便由我開口講，都係交返俾浚彥講先！」
-
我：「呢啲嘢梗係由我講啦！就係……就係「小希逸」變大咗喇！Wow！「小希逸」茁壯成長喇！」
-
楚翹：「「小希逸」頂到阿妹，阿妹順勢一仆，希逸雖然攬住阿妹，但阿妹收制不及，希逸仲食埋波餅㖭吖！希逸真係又食又拎喇！呢個時候，裁判究竟要分開佢哋定由佢哋繼續攬呢？裁判，你點睇吖！」
-
我：「正常嚟講呢，就要分開嘅，但作為親戚嚟講，就扮睇唔到啦！」
-
楚翹：「佢哋嘴落去喇！」
-
我：「嘴還嘴，唔好打茄輪吖……喂！我未講完就打，唔得吖，就嚟變18禁㗎喇！「叮叮」第一回合，完！」
-
希逸：「我認輸！我唔玩喇！再玩就精盡人亡㗎喇！」
-
阿妹：「廢Jer，垃圾。咁你今晚洗碗喇！」
-
希逸：「我份人願賭服輸，洗咪洗囉！」
-
阿妹：「唔好唔記得要食雞子喎！」
-
希逸：「後數得唔得？」
-
阿妹：「你話呢？」
-
希逸：「我話可以後數。」
-
阿妹：「發你個春夢啦！而家找數。」
-
希逸：「肥哥你要幫我吖！」
-
我：「好吖！咁擘大口啦！」
-
希逸：「連你都俾佢哋兩個洗腦喇！」
-
我：「妹夫，你要克服恐懼吖！」
-
希逸：「你係咪克服咗先？得喇！我信你喇！」
-
係咪好想知希逸點解突然會信我呢？我喺佢面前直接放粒雞子落口囉！真係……真係好難食吖！我格硬吞落肚咋！
-
希逸：「好……我食喇！」
-
從對白形容唔到希逸嘅慘況，等我用文字描述先。
-
希逸行刑前，攞住佢嘅刑具-筷子，夾住佢嘅陪葬品-雞子，然後將粒雞子放落口入面。劊子手-牙齒，直接行刑，一嘢咬落去。
-
粒雞子肯定營養豐富，希逸一咬落去，就好似《食神》粒醬爆賴尿牛丸咁，「咇」晒啲汁出嚟。不過《食神》嗰啲係牛汁，而希逸爆嗰啲汁就比白X氏嘅雞精更「雞精」喇！
-
希逸：「嘩！真係好撚難食，啲汁汁好核突，真係唔知點解你哋可以咁鍾意食。」
-
阿妹：「你每晚都射唔少啦！咪又係呢啲。」
-
希逸：「我嗰啲肯定有營養多啲啦！」
-
阿妹：「你會唔會食自己嗰啲先？」
-
希逸：「點會食得落口吖！全部係生命嚟㗎！」
-
阿妹：「咁咪係囉，食雞子以形補形吖！」
-
希逸：「我又唔係雞！」
-
阿妹：「差唔多啦！」
-
希逸：「又唔見你攞隻雞做男朋友。」
-
阿妹：「雞同人都唔同。雞又唔會同你傾心事；而且雞又唔會好似啱先某人咁，起機喎！」
-
希逸：「我……我邊有啫？」
-
阿妹：「係囉！唔知啱先邊個由細J變大J咁囉！見到我靠埋啲就會扯旗囉！」
-
希逸：「咁都係見你靚女先扯啫。」
-
阿妹：「即係你認有扯啦！」
-
希逸：「唔通話冷縮熱脹咩？」
-
阿妹：「扯旗又有咩大不了啫？正常生理反應嚟㗎！」
-
希逸：「我驚你仲鹹濕過我……」
-
阿妹：「點會吖！我又pure又true㗎，我乖乖女嚟！」
-
希逸：「聽住先啦！連呢啲都咁熟，好難覺得係乖乖女喎。」
-
阿妹：「全個歐陽家最乖就係我同楚翹喇！」
-
希逸：「冇證冇據，講乜都得啦！」
-
阿妹：「咁你係咪要試下最壞嘅我先？」
-
希逸：「壞咗凱婷？」
-
阿妹：「何止壞過凱婷，我壞到得你一個要。」
-
希逸：「梗係啦！我係一個壞咗嘅人嚟㗎嘛！」
-
阿妹：「我咪就係壞咗嘅女朋友囉！」
-
希逸：「我哋係壞人情侶二人組。」
-
楚翹：「B吖！咁我哋兩個係咩？」
-
我：「寶貝二人組？」
-
楚翹：「唔好聽，有冇啲好聽啲㗎？」
-
我：「型男索女二人組？」
-
楚翹：「我係索女，但你唔係型男喎。」
-
我：「咁你有咩提議吖？索女。」
-
楚翹：「索女與野獸。」
-
我：「我邊度似野獸？」
-
「似吖！」
-
你哋三個，有冇咁齊吖！
-
（待續 To be continued）
講到口臭都要講多次，呢度係澄澄故事台，唔係澄澄甜故台吖！睇甜故就去隔離台睇啦！
IG：chingchingstory