《夾出一個她》: 第二十三集-從雞子變牛歡喜
希逸：「我哋三個要反你，話咁易。」
-
我：「你唔係覺得呢度我最大吖嘛？」
-
希逸：「唔係你最大，咁邊個最大？」
-
我：「你望下隔離兩位千金，全屋企最壞就係佢哋兩個喇！佢哋話事㗎，我係卒仔嚟㗎咋！」
-
楚翹：「希逸你唔係要返屋企攞衫咩？」
-
希逸：「唔使啦！著肥哥啲衫衫褲褲咪得囉！反正我哋friend到可以一條底褲兩份著㗎啦！」
-
楚翹：「你哋……你哋gay㗎？」
-
我：「我解釋返先，首先我唔係gay。第二，我幾時有話俾啲衫你著。第三，我哋未試過一條底褲兩份著。」
-
希逸：「肥哥吖！借你啲衫嚟著啦！」
-
我：「講多次，唔借。同埋啱先你輸咗，要洗碗，洗完碗先返去攞嘢。」
-
希逸：「吓！咁好夜㗎喎！」
-
我：「願賭服輸，你一係問下有冇人肯幫你手囉！」
-
希逸：「各位靚女，有冇興趣幫小弟洗碗呢？」
-
阿妹：「自己洗啦！懶精。」
-
希逸：「太夜冇巴士返屋企吖！」
-
我：「你唔吹脹啲，你住附近咋喎。」
-
阿妹：「死佬！夠膽呃我，攞刀嚟！斬！」
-
希逸：「算！我洗碗。」
-
阿妹：「side bet？」
-
希逸：「好！如果我赢咗，你同我一齊洗，我輸咗，任你處置。」
-
阿妹：「好！咁玩咩先？」
-
希逸：「你話事吖！」
-
阿妹：「鬥快食2粒雞子。」
-
希逸：「唔好啦！」
-
阿妹：「預備……開始。」
-
又係食雞子環節，阿妹梗係勝之不武啦！一啖一粒，粒粒都充滿汁汁，食到舐舐脷。而希逸呢，連夾都唔夾粒雞子，直接棄權呢個side bet環節。究竟希逸係上世做雞，所以咁憎食雞子？定係佢特登想想俾阿妹罰呢？冇人知。我知道喺學校，個個人都俾佢一個稱號-「抖M皇」。
-
阿妹：「廢柴，又輸咗喎，咁記得食完洗碗喇！吖！陣間罰咩好呢？諗下先。」
-
楚翹：「不如止汗劑噴lin？我睇啲浩嵐噴人好開心。」
-
希逸：「噴嗰個梗係開心啦，但硬食嗰個好辛苦㗎！又冰涼，又乸。」
-
阿妹：「乜罰咩由你話事咩？再嘈就試埋衣夾夾lin。」
-
希逸：「唔好吖！夾完之後，粒lin會冇咗快感㗎喇！」
-
阿妹：「咁你有咩時候需要快感呢？」
-
希逸：「唔知喎。」
-
阿妹：「咁即係唔需要啦！就決定一粒就噴止汗劑，另一粒就用衣夾夾啦！」
-
希逸：「唔好吖！我好鍾意我啲lin㗎！」
-
楚翹：「我突然有個大膽嘅諗法。」
-
阿妹：「願聞其詳。」
-
楚翹：「希逸同浚彥都咁唔鍾意食雞子，不如就每日最少食一餐雞子吖？」
-
我：「關我咩事呢？」
-
楚翹：「有福同享，有難同當；兄弟有事，梗係一齊罰啦！」
-
我：「而家冇連坐法㗎喎。」
-
希逸：「一齊打破雞子嘅心理關卡啦！」
-
我：「黐撚線，關我咩事呢？自己食。」
-
希逸：「肥哥係咪咁先？」
-
我：「我不嬲都冇義氣㗎啦！大難臨頭各自飛吖！」
-
楚翹：「唔食雞子冇咗人生好多樂趣㗎！」
-
阿妹：「你哋食咗以形補形吖！」
-
我：「又唔見你哋食牛歡喜？」
-
楚翹：「你又知我唔食？我最鍾意食㗎喇！」
-
阿妹：「我又未試過食牛歡喜喎？其實係咩嚟？」
-
我：「牛歡喜咪就係牛閪囉！一隻牛得一塊㗎咋，煮完就縮㗎喇！平時「燒夜店」咪有賣囉！不過係每晚限定，印象中每晚得十幾串賣。」
-
阿妹：「係咩？我食過咁多次，睇咗咁多次menu都唔知嘅？」
-
我：「梗係啦！呢個係hidden menu嚟！得熟客先知有呢樣嘢食。」
-
希逸：「我都想試下即燒牛歡喜。」
-
我：「而家休息緊，28號開，我之後都會繼續去返工，夜晚就好似之前咁。」
-
楚翹：「我都一齊同浚彥返工。」
-
阿妹：「不如28號晚，我哋落去食牛歡喜？」
-
希逸：「好提議喎！我試下浚彥嘅手勢先？」
-
我：「咁我叫老闆留啲牛歡喜先。」
-------
與宵夜鋪老闆的WhatsApp對話：
-
我：「老闆，請問係咪28號開返？」
-
老闆：「係吖，你返唔返嚟幫手？」
-
我：「梗係返啦！楚翹都嚟幫手。」
-
老闆 ：「咁開心，連女朋友仔都嚟啊！」
-
我：「嗯，係吖！」
-
老闆：「你要對佢好啲吖！人哋好女仔嚟㗎！」
-
我：「知道喇！同埋我想28號可唔可以留啲牛歡喜俾我，我阿妹同佢朋友會嚟食。」
-
老闆：「梗係可以啦！而家好少後生仔食呢啲㗎喇，都係得返啲舊客先會食。我去攞多少少牛歡喜啦！」
-
我：「唔改晒老闆。」
------
我：「搞掂，留咗啲牛歡喜喇！」
-
阿妹：「咁28號夜晚落嚟食㗎喇！」
-
希逸：「食宵夜，冇啤酒點得㗎？」
-
我：「先生，兩位小姐都未夠18歲，唔飲得酒㗎！」
-
希逸：「係喎，差啲唔記得咗㖭！」
-
我：「係咪想隊醉阿妹吖！」
-
阿妹：「我酒量好好㗎！想隊醉我，冇咁易。」
-
（待續 To be continued）
IG：chingchingstory