《夾出一個她》: 第二十一集-溝出一個她
將時間撥返去半個鐘前，浚彥同楚翹出門一刻。
-
浚彥：「我哋走喇！」
-
阿妹：「路上小心吖！」
-
「砰」大門關上，代表而家屋企得返阿妹同希逸。
-
希逸：「估唔到你哋都幾日式喎，出門口會講路上小心。」
-
阿妹：「係吖！我哋由細到大都係咁㗎！可能細個睇得日本卡通片多。係呢，識咗你咁耐，都唔知你住邊㖭？」
-
希逸：「我住得好近，我住喺你個心入面。」
-
阿妹：「咦！好衰㗎你！我個心好細㗎咋！」
-
希逸：「梗係細啦！淨係可以容納我一個呀嘛！」
-
阿妹：「口花花！咁你條賓周係咪都好細先？」
-
希逸：「我條賓周好大㗎喎，要唔要睇下先？」
-
阿妹：「睇過。」
-
希逸：「你敢睇，我敢除。」
-
阿妹：「好！我而家就要睇！唔敢除就要罰吖！罰咩就由我話事。」
-
希逸：「算！當我唔著，我淆底，我係垃圾。懲罰我啦！阿妹大人。」
-
阿妹：「咩阿妹大人吖！我俾你叫阿妹咩？」
-
希逸：「係嘅，蕊心姐！」
-
阿妹：「吖！你真係想死喎！」
-
希逸：「我份人冇嘢驚，驚你有牙！」
-
阿妹：「我諗到罰咩！你肯定驚。」
-
希逸：「開嚟見我。」
-
阿妹輕輕喺希逸耳邊講：
-
阿妹：「你自己話要懲罰㗎！我要你做我男朋友。」
-
希逸輕輕推開阿妹：
-
希逸：「好對唔住，我真係做唔到個懲罰，我……我已經有鍾意嘅人。」
-
句嘢都未講完，阿妹已經流緊眼淚……
-
希逸：「不過表白呢啲嘢梗係由男仔講㗎喇，邊似浚彥咁細膽咩。」
-
希逸捉住阿妹隻手，凝視住阿妹……
-
希逸：「蕊心，其實我鍾意你，我由第一次見你就一見鍾情，你可唔可以做我女朋友？」
-
講埋呢句，阿妹喊得仲犀利，唔講仲以為希逸求婚㖭……
-
阿妹：「衰鬼！整蠱我好開心咩？」
-
希逸：「咁你接唔接受先？」
-
阿妹直接霸王硬上弓，攬實希逸。
-
阿妹：「接唔接受就睇你表現喇！」
-
希逸：「係嘅，蕊心BB」
-
阿妹：「咩吖！你講多次？」
-
希逸：「蕊心BB。」
-
阿妹：「邊個俾你咁叫？」
-
希逸：「er……rrrr…我囉！」
-
阿妹：「不過呢個名幾順耳，我幾鍾意，得閒就叫多幾聲啦！」
-
希逸：「係嘅蕊心BB。」
-
阿妹：「點吖希逸BB。」
-------
我：「吓！咁就一齊咗㗎喇！」
-
希逸描述返啱先發生嘅情況。半粒鐘，已經造就咗一對情侶。
-
阿妹：「阿哥，你個妹有著落唔開心咩？」
-
我：「開心。妹夫吖，你要對我阿妹好啲，如果唔係嘅話，你知咩料㗎喇！」
-
希逸即刻掩住條賓周，因為佢知道，佢激嬲咗我，我就會爆佢春袋。
-
希逸：「肥哥，你整爆咗，第時就冇人嗌你做舅父㗎喇！」
-
我：「攞把刀嚟，斬！」
-
希逸：「饒命！子孫根得一條咋！」
-
阿妹：「我又要，我又要斬！」
-
我：「嘻嘻！希逸，我建議你買定護陰先喇！」
-
希逸：「嘩！」
-
阿妹：「咦！乜咁細嘅？」
-
阿妹使出佢嗰招絕招-猴子偷桃。你問我有冇試過中招，梗係冇啦，對住佢咁多年，佢諗咩我都知啦！
-
希逸：「賓周唔可以亂掂㗎！」
-
阿妹：「你嗰條賓周咁細嘅？」
-
希逸：「我都唔想咁㗎！」
-
我：「唔係，而家咪變「大」咗囉！」
-
希逸：「黐線啦你！邊有啫？」
-
我：「你又係男人，我又係男人，明白㗎喇！」
-
希逸：「咁你點知我細嘅？」
-
我：「Respect，竟然自己話自己細。」
-
阿妹：「咁平時我鍾意睇啲BL動漫，啲人又大隻、又大條喎，咁你呢就……不予置評啦！」
-
希逸：「又唔見你搵動漫啲人做你男朋友？」
-
阿妹：「男朋友太大隻都唔好攬，要肥肥哋先好攬㗎嘛！」
-
希逸：「係喇！咁我食肥自己啦！」
-
阿妹：「太肥好似阿哥以前咁就唔好啦！」
-
希逸：「咁即係要幾肥呢？」
-
阿妹：「我都唔知喎。」
-
希逸：「你即係講廢話啦！」
-
阿妹：「你話我講啲係廢話？係咪未死過？」
-
阿妹平時除咗會嗲人之外，有時仲好似「女皇」咁，又暴力，又唔話得佢……
-
希逸：「女皇陛下，係我嘴賤、我唔啱、我唔著，我飲！」
-
阿妹：「嗱！咁咪乖囉，食粒雞子先啦！」
-
希逸：「吓！唔好啦！」
-
阿妹：「你唔食粒雞子唔好同我講嘢。」
-
希逸：「酌量酌量。」
-
希逸個動作，簡直同杜汶澤食野味夾啲配菜個樣一模一樣。
-
希逸：「好惹味喎！」
-
楚翹：「你而家係唔係唔畀面我大家姐？」
-
阿妹：「你唔成粒食，唔好同我講嘢。」
-
希逸：「肥哥幫手出句聲啦！」
-
我：「我食咗喇！」
-
希逸：「當初我哋兩兄弟誓死唔食雞子嘅誓言，去晒邊吖？」
-
我：「你試下俾人夾住你，好似就嚟強姦咁吖！唔食就死㗎喇。你係我，食唔食吖！」
-
（待續 To be continued）
-
咩話！你話點解希逸同阿妹情到濃時點解唔搞嘢？頂你！呢度係澄澄故事台，唔係澄澄甜故台吖！睇甜故就去隔離台睇啦！
IG：chingchingstory